Innstilling frå familie- og kulturkomiteen om endringar i statsbudsjettet 2015 under Barne-, likestillings- og inkluderingsdepartementet

1.1 Innleiing

I denne proposisjonen legg Barne-, likestillings- og inkluderingsdepartementet (BLD) fram endringsforslag på statsbudsjettet for 2015 i samsvar med punkt 1.2 nedenfor.

1.2 Endringsforslag

Kap. 840 Krisetiltak

Post 21 Spesielle driftsutgifter

Det blei løyvd midlar til å vidareutvikle eit foreldrerettleiingsprogram for å førebyggje radikalisering og valdeleg ekstremisme i behandlinga av revidert nasjonalbudsjett 2015. Målet er å rettleie og hjelpe foreldre som fryktar at barna deira skal bli radikaliserte eller rekrutterte til ekstreme og valdelege miljø. Det har tatt lengre tid enn føresett å utvikle prosjektet og rekruttere rettleiarar. Det har også vist seg vanskelegare enn føresett å rekruttere foreldre til prosjektgrupper. Det er derfor eit mindrebehov på 2,4 mill. kroner i 2015.

BLD føreslår å redusere kap. 840 post 21 med 2,4 mill. kroner.

Post 70 Tilskot til valdsførebyggjande tiltak mv., kan nyttast under kap. 858 post 1

Det er stor søking på tilskotsordninga Tiltak mot vald og seksuelle overgrep i nære relasjonar på posten i 2015. BLD føreslår derfor å auke ramma for ordninga med 1,8 mill. kroner mot tilsvarande reduksjon på kap. 857 post 72, jf. nærmare omtale under denne posten.

BLD føreslår å auke kap. 840 post 70 med 1,8 mill. kroner.

Kap. 841 Samliv og konfliktløysing

Post 21 Spesielle driftsutgifter, meklingsgodtgjersle, overslagsløyving

Prognosen for bruk av eksterne meklarar og utbetaling av meklingsgodtgjersle til meklarar utanfor familievernet er lågare enn løyvinga.

BLD føreslår derfor å redusere kap. 841 post 21 med 0,6 mill. kroner.

Post 23 Refusjon av utgifter til DNA- analysar, overslagsløyving

Midlane på posten går til refusjon av kostnadene Folkehelseinstituttet har knytt til DNA-analysar i farskapssaker rekvirert av domstolane og Arbeids- og velferdsdirektoratet. Kostnadene er anslått til å bli lågare enn løyvinga.

BLD føreslår å redusere kap. 841 post 23 med 1,6 mill. kroner.

Kap. 844 Kontantstøtte

Post 70 Tilskot, overslagsløyving

Utgiftene til kontantstøtte er anslått til 1 620 mill. kroner, som er 30 mill. kroner lågare enn løyvinga.

Talet på barn med kontantstøtte synest å bli noko lågare enn lagt til grunn i gjeldande budsjett. Mindrebehovet skuldast også eit redusert anslag på gjennomsnittleg utbetaling per barn som følgje av lågare etterbetalingar enn tidlegare føresett.

BLD føreslår å redusere kap. 844 post 70 med 30 mill. kroner.

Kap. 845 Barnetrygd

Post 70 Tilskot, overslagsløyving

Utgiftene til barnetrygd er anslått til 15 110 mill. kroner, som er 40 mill. kroner lågare enn løyvinga. Reduksjonen kjem av eit lågare tal på barn det blir utbetalt stønad for enn lagt til grunn i gjeldande budsjett.

BLD føreslår å redusere kap. 845 post 70 med 40 mill. kroner.

Kapittel 852 Adopsjonsstønad

Post 70 Tilskot til foreldre som adopterer barn frå utlandet, overslagsløyving

Talet på adopsjonar frå utlandet har gått gradvis ned, og det er venta eit mindreforbruk på posten på 1 mill. kroner. Anslaget legg til grunn om lag 150 adopsjonar.

BLD føreslår å redusere kap. 852 post 70 med 1 mill. kroner.

Kap. 853 Fylkesnemndene for barnevern og sosiale saker

Post 1 Driftsutgifter

Det er eit meirbehov på 0,5 mill. kroner på posten som følgje av meirutgifter til lønn og drift i samband med gjennomføring av prosjektet ProSak fase 1 i inneverande år. ProSak er det nye saksbehandlingssystemet til fylkesnemndene. BLD føreslår å flytte 0,5 mill. kroner frå kap. 854 post 21 til kap. 853 post 1.

BLD føreslår å auke kap. 853 post 1 med 0,5 mill. kroner.

Kap. 854 Tiltak i barne- og ungdomsvernet

Post 21 Spesielle driftsutgifter, kan nyttast under post 71

Det er løyvd 86,4 mill. kroner på posten. Løyvinga går til ulike førebyggjande tiltak og kjøp av tenester i samband med utvikling og implementering av nye metodar i barnevernet. Det er eit mindreforbruk på 5,1 mill. kroner knytta til tiltaka på posten. Det er mellom anna løyvd 4 mill. kroner over posten til vidareutdanningstilbodet Rettleia førsteår i barneverninstitusjon. Tiltaket vil ikkje bli gjennomført i 2015.

BLD føreslår at 0,5 mill. kroner blir flytta frå posten til kap. 853 post 1 for å dekkje eit meirbehov i Fylkesnemndene for barnevern og sosiale saker. BLD føreslår i tillegg å flytte 0,6 mill. kroner frå posten til kap. 854 post 22 for å dekkje eit meirbehov i Barnesakkunnig kommisjon.

Samla føreslår BLD å redusere kap. 854 post 21 med 5,1 mill. kroner.

Post 22 Barnesakkunnig kommisjon

Løyvinga på posten går til drift av Barnesakkunnig kommisjon. Det er eit meirbehov på 0,6 mill. kroner knytta til drifta. BLD føreslår å dekkje inn dette ved å flytte midla frå kap. 854 post 21.

BLD føreslår å auke kap. 854 post 22 med 0,6 mill. kroner.

Post 65 Refusjon for kommunale utgifter til barnevernstiltak knytte til einslege, mindreårige asylsøkjarar og flyktningar, overslagsløyving

Løyvinga på posten er 1 354 mill. kroner. Løyvinga skal dekkje refusjon av kommunale utgifter til barnevernstiltak for einslege mindreårige asylsøkjarar og flyktningar.

Siste prognose for totale utbetalingar på kap. 854 post 65 er 1 200 mill. kroner i 2015. Årsaka til reduksjonen er mellom anna at det blei lagt til grunn eit for høgt beløp for utbetalingar i 2015 for kommunale utgifter i 2014. Dette er no retta opp.

BLD føreslår å redusere kap. 854 post 65 med 154,4 mill. kroner.

Kap. 856 Barnevernets omsorgssenter for einslege mindreårige asylsøkjarar

Post 1 Driftsutgifter

Løyvinga på posten er 312 mill. kroner. Løyvinga dekkjer utgifter til drift av statlege omsorgssenter for einslege mindreårige asylsøkjarar under 15 år, kjøp av plassar i private omsorgssenter og forvaltningsoppgåver knytta til omsorgssentera.

Gjeldande løyving er basert på at det ville kome totalt 500 barn til omsorgssentera i 2015. Det blir no lagt til grunn at det vil kome 840 barn til omsorgssentera i 2015. BLD føreslår derfor å auke løyvinga på posten med 69 mill. kroner til kjøp av plassar i private omsorgssenter. Desse tala er usikre. Dersom det kjem fleire barn til omsorgssentera enn det som er lagt til grunn i berekningane, vil behovet på posten auke, jf. forslag til romertalsvedtak. Vidare blir det føreslått å auke løyvinga til forvaltningsoppgåvene knytt til omsorgssentera med 2,5 mill. kroner. Forvaltningsoppgåvene inkluderer mellom anna godkjenning, oppfølging og kontroll av omsorgssentera, oppfølgingsvedtak og arbeid med busetjing.

BLD føreslår å auke kap. 856 post 1 med 71,5 mill. kroner

Kap. 3856 Barnevernets omsorgssenter for einslege mindreårige asylsøkjarar

Post 4 Refusjon av ODA-godkjende utgifter

Nokre innanlandske utgifter knytte til mottak av asylsøkjarar og flyktningar kan ifølgje OECDs utviklingskomité godkjennast som offisiell utviklingshjelp. Det blir føreslått å auke løyvinga på kap. 856 post 1 med 71,5 mill. kroner. Regjeringa føreslår at 69 mill. kroner av dette beløpet blir rapportert inn som utviklingshjelp.

BLD føreslår å auke kap. 3856 post 4 med 69 mill. kroner.

Kap. 857 Barne- og ungdomstiltak

Post 72 Tilskot til tiltak for voldsutsette barn

Det er løyvd 11,5 mill. kroner til denne tilskotsordninga som er ny frå 2015. Etter to utlysingsrundar er det restmidlar på 1,8 mill. kroner på posten. Ein formålstenleg alternativ bruk av midlane vil vere at dei vert flytta til tilskotsordninga Tiltak mot vald og seksuelle overgrep i nære relasjonar på kap. 840 post 70. Midlane vil då framleis bli brukte på valdsfeltet.

BLD føreslår å redusere kap. 857 post 72 med 1,8 mill. kroner, mot ein tilsvarande auke på kap. 840 post 70.

Kap. 858 Barne-, ungdoms- og familiedirektoratet

Post 1 Driftsutgifter, kan nyttast under kap. 855 post 1

Ansvaret for kompetanseteamet mot tvangsekteskap og kjønnslemlesting blei overført frå IMDi til Bufdir 1. september 2015. BLD føreslår å flytte 1,4 mill. kroner frå IMDis driftspost, kap. 820 post 1, til Bufdirs driftspost på kap. 858 post 1, sjå omtale under kap. 820 post 1.

BLD føreslår å auke kap. 858 post 1 med 1,4 mill. kroner mot ein tilsvarande reduksjon av kap. 820 post 1.

Kap. 868 Forbrukarombodet

Post 1 Driftsutgifter

Forbrukarombodet har i 2015 fått meirutgifter på 0,4 mill. kroner som følgje av idømte saksomkostningar i ei sak som ombodet har tapt i Marknadsrådet.

BLD føreslår å auke kap. 868 post 1 med 0,4 mill. kroner. Midlane blir flytta frå kap. 821 post 62.

Kap. 2530 Foreldrepengar

Post 70 Foreldrepengar ved fødsel, overslagsløyving

Utgiftene til foreldrepengar er anslått til 18 480 mill. kroner, som er 60 mill. kroner meir enn løyvinga. Dette kjem hovudsakleg av høgare auke i foreldrepengegrunnlaget enn i anslaget i gjeldande budsjett.

BLD føreslår å auke kap. 2530 post 70 med 60 mill. kroner.

Post 71 Eingongsstønad ved fødsel og adopsjon, overslagsløyving

Utgiftene til eingongsstønad er anslått til 18 480 mill. kroner, som er 10 mill. kroner mindre enn løyvinga, som følgje av redusert anslag på talet på fødslar.

BLD føreslår å redusere kap. 2530 post 71 med 10 mill. kroner.

Andre saker

«Kan nyttast under»-stikkord på kap. 846, post 21 og 70

For å sikre korrekt postbruk blir det føreslått at stikkordet «kan nyttast under post 70» blir lagt til kap. 846 post 21, og at stikkordet «kan nyttast under post 21» blir lagt til kap. 846 post 70.

«Kan nyttast under»-stikkord på kap. 865, post 21 og 70

For å sikre korrekt postbruk blir det føreslått at stikkordet «kan nyttast under post 70» blir lagt til kap. 865 post 21, og at stikkordet «kan nyttast under post 21» blir lagt til kap. 865 post 70.

Oppmodingsvedtak nr. 440 – Stortingsmelding om fosterheimar

I samband med handsaminga av Dokument 8:30 S (2013–2014) og Innst. 204 S (2013–2014) vedtok Stortinget 5. juni 2014 oppmodingsvedtak nr. 440:

Arbeidet med meldinga starta opp hausten 2014. Det er nødvendig å bruke noko meir tid til å gjennomføre nødvendige utgreiingar og sikre kvaliteten på framlegget, og meldinga vil difor bli lagt fram for Stortinget i vårsesjonen 2016.

Komiteen, medlemene frå Arbeidarpartiet, Hege Haukeland Liadal, Sonja Mandt, Arild Grande og Anette Trettebergstuen, frå Høgre, leiaren Svein Harberg, Kårstein Eidem Løvaas og Mette Tønder, frå Framstegspartiet, Laila Marie Reiertsen og Ib Thomsen, og frå Kristeleg Folkeparti, Geir Jørgen Bekkevold, viser til forslaget frå regjeringa og støtter dette. Komiteen har elles ingen merknader.

Komiteen syner til proposisjonen og til sine merknader og rår Stortinget til å gjere slikt

vedtak:

I

I statsbudsjettet for 2015 blir det gjort følgjande endringar:

Kap.

Post

Formål

Kroner

Utgifter

840

Krisetiltak

21

Spesielle driftsutgifter, blir redusert med

2 400 000

fra kr 5 620 000 til kr 3 220 000

70

Tilskot til valdsførebyggjande tiltak mv., kan nyttast under kap. 858 post 1, blir auka med

1 800 000

fra kr 37 132 000 til kr 38 932 000

841

Samliv og konfliktløysing

21

Spesielle driftsutgifter, meklingsgodtgjersle, overslagsløyving, blir redusert med

600 000

fra kr 11 185 000 til kr 10 585 000

23

Refusjon av utgifter til DNA-analysar, overslagsløyving, blir redusert med

1 630 000

fra kr 7 330 000 til kr 5 700 000

844

Kontantstøtte

70

Tilskot, overslagsløyving, blir redusert med

30 000 000

fra kr 1 650 000 000 til kr 1 620 000 000

845

Barnetrygd

70

Tilskot, overslagsløyving, blir redusert med

40 000 000

fra kr 15 150 000 000 til kr 15 110 000 000

852

Adopsjonsstønad

70

Tilskot til foreldre som adopterer barn frå utlandet, overslagsløyving, blir redusert med

1 000 000

fra kr 14 000 000 til kr 13 000 000

853

Fylkesnemndene for barnevern og sosiale saker

1

Driftsutgifter, blir auka med

500 000

fra kr 173 891 000 til kr 174 391 000

854

Tiltak i barne- og ungdomsvernet

21

Spesielle driftsutgifter, kan nyttast under post 71, blir redusert med

5 050 000

fra kr 86 388 000 til kr 81 338 000

22

Barnesakkunnig kommisjon, blir auka med

550 000

fra kr 6 650 000 til kr 7 200 000

65

Refusjon av kommunale utgifter til barnevernstiltak knytte til einslege mindreårige asylsøkjarar og flyktningar, overslagsløyving, blir redusert med

154 372 000

fra kr 1 354 372 000 til kr 1 200 000 000

856

Barnevernets omsorgssenter for einslege mindreårige asylsøkjarar

1

Driftsutgifter, blir auka med

71 500 000

fra kr 311 973 000 til kr 383 473 000

857

Barne- og ungdomstiltak

72

Tilskot til tiltak for voldsutsatte barn, blir redusert med

1 800 000

fra kr 11 500 000 til kr 9 700 000

858

Barne-, ungdoms- og familiedirektoratet

1

Driftsutgifter, kan nyttast under kap. 855 post 1, blir auka med

1 404 000

fra kr 243 281 000 til kr 244 685 000

868

Forbrukarombodet

1

Driftsutgifter, blir auka med

400 000

fra kr 23 354 000 til kr 23 754 000

2530

Foreldrepengar

70

Foreldrepengar ved fødsel, overslagsløyving, blir auka med

60 000 000

fra kr 18 420 000 000 til kr 18 480 000 000

71

Eingongsstønad ved fødsel og adopsjon, overslagsløyving, blir redusert med

10 000 000

fra kr 460 000 000 til kr 450 000 000

Inntekter

3856

Barnevernets omsorgssenter for einslege mindreårige asylsøkjarar

4

Refusjon av ODA-godkjente utgifter, blir auka med

69 000 000

fra kr 241 580 000 til kr 310 580 000

II

Fullmakter til å overskride gitte løyvingar

Stortinget samtykker i at Barne-, likestillings- og inkluderingsdepartementet i 2015 kan overskride løyvinga på kap. 856 Barnevernets omsorgssenter for einslege mindreårige asylsøkjarar, post 1 Driftsutgifter dersom det er nødvendig for å handtere ein auke i talet på barn i omsorgssentera for einslege mindreårige asylsøkjarar.

III

«Kan nyttast under»-stikkord på kap. 846 post 21 og 70

Stikkordet «kan nyttast under post 70» blir lagt til kap. 846 post 21, og stikkordet «kan nyttast under post 21» blir lagt til kap. 846 post 70.

IV

«Kan nyttast under»-stikkord på kap. 865 post 21 og 70

Stikkordet «kan nyttast under post 70» blir lagt til kap. 865 post 21, og stikkordet «kan nyttast under post 21» blir lagt til kap. 865 post 70.