Innstilling til Stortinget frå kyrkje-, utdannings- og forskingskomiteen

Innstilling frå kyrkje-, utdannings- og forskingskomiteen om Endringar i statsbudsjettet 2016 under Nærings- og fiskeridepartementet

Regjeringa v/Nærings- og fiskeridepartementet gjer i proposisjonen framlegg om endringar i statsbudsjettet 2016. I denne innstillinga vert berre kap. 925 og kap. 927 handsama. Andre framlegg i proposisjonen vert handsama av næringskomiteen.

Kap. 925 Havforskingsinstituttet

Post 22 Fiskeriforsking og -overvaking, kan overførast

Løyvinga på posten vert motsvara av inntekter frå Fiskeriforskingsavgifta, jf. kap. 5575 post 74 Fiskeriforskingsavgift. Det er høgare anslag for førstehandsverdien på omsetjing av fisk i 2016 enn det som er lagt til grunn ved budsjetteringa av posten.

På dette grunnlaget gjer departementet framlegg om å auke løyvinga under post 22 med 31,3 mill. kroner.

Kap. 927 NIFES

Post 22 Fiskeriforsking og -overvaking, kan overførast

Løyvinga på posten vert motsvara av inntekter frå Fiskeriforskingsavgifta, jf. kap. 5575 post 74 Fiskeriforskingsavgift. Det er høgare anslag for førstehandsverdien på omsetjing av fisk i 2016 enn det som er lagt til grunn ved budsjetteringa av posten.

På dette grunnlaget gjer departementet framlegg om å auke løyvinga under post 22 med 2,5 mill. kroner.

Komiteen, medlemene frå Arbeidarpartiet, Christian Tynning Bjørnø, Martin Henriksen, Audun Otterstad, Tone Merete Sønsterud og Marianne Aasen, frå Høgre, Henrik Asheim, Norunn Tveiten Benestad, Kent Gudmundsen og Kristin Vinje, frå Framstegspartiet, Lill Harriet Sandaune og Bente Thorsen, frå Kristeleg Folkeparti, Anders Tyvand, frå Senterpartiet, Anne Tingelstad Wøien, frå Venstre, fung. leiar Iselin Nybø, og frå Sosialistisk Venstreparti, Audun Lysbakken, sluttar seg til framlegga i proposisjonen.

Komiteen har ingen merknader, viser til proposisjonen og rår Stortinget til å gjere slikt

vedtak:

I statsbudsjettet for 2016 blir det gjort følgjande endringar:

Kap.

Post

Formål

Kroner

Utgifter

925

Havforskingsinstituttet

22

Fiskeriforsking og -overvaking, kan overførast, blir auka med

31 300 000

frå kr 117 100 000 til kr 148 400 000

927

NIFES

22

Fiskeriforsking og -overvaking, kan overførast, blir auka med

2 500 000

frå kr 5 800 000 til kr 8 300 000