Innstilling frå familie- og kulturkomiteen om endrin-gar i statsbudsjettet 2010 under Barne-, likestillings- og inkluderingsdepartementet
1. Samandrag
1.1 Innleiing
I denne proposisjonen legg Barne-, likestillings- og inkluderingsdepartementet (BLD) fram endringsforslag på statsbudsjettet for 2010 i samsvar med punkt 1.2 nedanfor.
1.2 Endringsforslag
1.2.1 Kap. 841 Samliv og konfliktløysing
Post 21 Spesielle driftsutgifter, meklingsgodtgjersle, overslagsløyving
Godtgjersla til meklarar utanom familievernet i 2010 er rekna til 13,1 mill. kroner, 315 000 kroner mindre enn løyvinga.
BLD føreslår å redusere løyvinga under kap. 841 post 21 med 315 000 kroner.
Post 22 Opplæring, forsking, utvikling mv.
BLD føreslår å auke posten med 177 000 kroner for å dekkje inn meirutgifter til godtgjersle til tilsyn under samvær mot tilsvarande reduksjon i løyvinga under kap. 842 post 21, jf. omtale under posten.
Post 71 Tiltak etter samlivsbrot for barn i konfliktfylte familiar
Av løyvinga er 400 000 kroner sett av til finansiering av prosjektleiar i Bufdir, 265 000 og 135 000 kroner er sett av til høvesvis dei offentlege og dei kyrkjelege familievernkontora.
BLD føreslår at midlane til prosjektleiar og midlane som skal nyttast av dei offentlege familievernkontora, til saman 665 000 kroner, blir flytta til kap. 858 post 1 og at 135 000 kroner blir flytta til kap. 842 post 70, jf. omtale under desse postane.
BLD føreslår på denne bakgrunn å redusere løyvinga under posten med 800 000 kroner.
1.2.2 Kap. 842 Familievern
Post 21 Spesielle driftsutgifter
Det ligg an til eit mindreforbruk under kap. 842 post 21 på om lag 200 000 kroner. BLD føreslår å flytte 177 000 kroner av desse midlane til kap. 841 post 22, jf. omtale under posten.
Post 70 Tilskot til kyrkja si familievern-teneste mv., kan nyttast under post 1
BLD føreslår å flytte 135 000 kroner til kap. 842 post 70 frå kap. 841 post 71, jf. omtale under posten. Midlane skal nyttast av dei kyrkjelege familievernkontora til tiltak for barn i konfliktfylte familiar ved samlivsbrot.
1.2.3 Kap. 844 Kontantstøtte
Post 70 Tilskot, overslagsløyving
Utgiftene til kontantstøtte i 2010 er anslått til 1 390 mill. kroner, 50 mill. kroner lågare enn løyvinga.
Mindrebehovet kjem av færre barn med kontantstøtte enn føresett i vedteke budsjett som følgje av at fleire nye eitt- og toåringar har fått plass i barnehage enn tidlegare lagt til grunn.
BLD føreslår å redusere løyvinga under kap. 844 post 70 med 50 mill. kroner.
1.2.4 Kap. 845 Barnetrygd
Post 70 Tilskot, overslagsløyving
Utgiftene til barnetrygd i 2010 er anslått til 14 860 mill. kroner, 30 mill. kroner lågare enn løyvinga i vedteke budsjett for 2010.
Mindrebehovet kjem mellom anna av reduserte anslag på utbetalingar av ordinær barnetrygd.
BLD føreslår å redusere løyvinga under kap. 845 post 70 med 30 mill. kroner.
1.2.5 Kap. 846 Forskings- og utgreiings-verksemd, tilskot mv.
Post 21 Spesielle driftsutgifter, kan nyttast under post 50
Det er behov for å auke løyvinga på posten i hovudsak som følgje av meirutgifter knytt til Kvinnepanelet og Likestillingsutvalet som vart sett ned i 2010.
BLD føreslår å dekkje meirbehovet gjennom flytting frå kap. 846 post 50 Forsking med 1,1 mill. kroner, post 70 Tilskot med 1,7 mill. kroner og post 79 Tilskot til internasjonalt familie- og likestillingsarbeid med 1,9 mill. kroner, jf. omtale under desse postane.
Post 50 Forsking, kan nyttast under post 21
Anslått mindreforbruk på 1,1 mill. kroner blir føreslått nytta til å delvis dekkje meirforbruket under kap. 846 post 21, i samsvar med stikkordsfullmakta kan nyttast under post 21, jf. omtale under post 21.
BLD føreslår å redusere løyvinga på kap. 846 post 50 med 1,1 mill. kroner.
Post 70 Tilskot
Anslått mindreforbruk på 1,7 mill. kroner blir føreslått nytta til å dekkje delar av meirforbruket på kap. 846 post 21, jf. omtale under posten.
BLD føreslår å redusere løyvinga under kap. 846 post 70 med 1,7 mill. kroner.
Post 79 Tilskot til internasjonalt familie- og likestillingsarbeid, kan overførast
BLD føreslår å nytte 1,9 mill. kroner av venta mindreforbruk under post 79 til inndekning av resterande meirbehov under kap. 846 post 21, jf. omtale under denne posten.
1.2.6 Kap. 854 Tiltak i barne- og ungdomsvernet
Post 21 Spesielle driftsutgifter
Posten dekkjer utgifter til ulike førebyggjande tiltak, mellom anna kjøp av tenester innanfor utvikling og implementering av nye metodar i barnevernet. BLD føreslår å auke løyvinga på kap. 854 post 21 med 2 mill. kroner mot ein reduksjon på kap. 854 post 50 med 1,7 mill. kroner og ein reduksjon på kap. 854 post 71 med 0,3 mill. kroner.
Post 50 Forsking, kan nyttast under post 71
Posten skal i hovudsak stimulere til forsking og forsøks- og utviklingsverksemd om utsette familiar og utsette barn og unge. For å få ein meir riktig bruk av posten, foreslår BLD å redusere løyvinga på kap. 854 post 50 med 1,7 mill. kroner mot ein tilsvarande auke av kap. 854 post 21.
Post 64 Særskilt tilskot ved busetjing av einslege mindreårige asylsøkjarar og flyktningar, overslagsløyving
Posten dekkjer det særskilte tilskotet som blir utbetalt til kommunane når einslege mindreårige flyktningar og asylsøkarar blir busette.
Basert på ein prognose med 850 nye busette, vil det vere behov for å auke løyvinga med 18,8 mill. kroner.
BLD føreslår derfor å auke løyvinga på posten med 18,8 mill. kroner.
Post 65 Refusjon av kommunale utgifter til barnevernstiltak knytte til einslege, mindreårige asylsøkjarar og flyktningar, overslagsløyving
Løyvinga skal dekkje refusjon av kommunale utgifter til barnevernstiltak inkludert utgifter til bufellesskap og refusjon av utgifter for plassering i statlege tiltak eller ved kjøp av private plassar. Refusjonsordninga omfattar òg Oslo kommune.
Utgiftsnivået på posten avheng av kor mange barn som blir busette i kommunane og kor stor del av alle einslege mindreårige asylsøkjarar og flyktningar som har behov for barnevernsteneste.
Basert på nye prognosar for 2010, føreslår BLD å auke løyvinga på posten med 127 mill. kroner.
Post 71 Utvikling og opplysningsarbeid o.a., kan nyttast under post 50
Posten dekkjer tilskotet til ulike tiltak innanfor barnevernet, tilskot til formål som dekkjer særlege behov for tilbod hos utsette barn, unge og familiar. For å få ein meir riktig bruk av posten, føreslår BLD å redusere løyvinga på kap. 854 post 71 med 0,3 mill. kroner mot ein tilsvarande auke av kap. 854 post 21.
1.2.7 Kap. 855 Statleg forvalting av barnevernet
Post 1 Driftsutgifter, kan nyttast under post 22 og post 60
Det har vore ein auke i talet barn og unge som etaten mottek refusjon for. Auken i talet på einslege, mindreårige flyktningar som er busette i kommunane og plassert i statlege eller private institusjonar fører til auka utgifter til det statlege barnevernet.
BLD føreslår å auke posten med 32 mill. kroner, jf. tilsvarande meirinntekter under kap. 3855 post 3.
Post 45 Større nyanskaffingar og vedlikehald, kan overførast
BLD føreslår å redusere post 45 med 31 mill. kroner som inndekning for mindreinntekter under kap. 3855 post 1 med 9 mill. kroner og kap. 3855 post 60 med 22 mill. kroner.
1.2.8 Kap. 858 Barne-, ungdoms- og familiedirektoratet
Post 1 Driftsutgifter, kan nyttast under kap. 855 post 1
BLD føreslår at midlane til prosjektleiar og midlane som skal nyttast av dei offentlege familievernkontora knytt til tiltak etter samlivsbrot for barn i konfliktfylte familiar på 665 000 kroner blir flytta til posten frå kap. 841 post 71.
BLD føreslår òg å auke løyvinga under kap. 858 post 1 med 1,7 mill. kroner mot ein tilsvarande reduksjon i løyvinga under kap. 847 post 21, jf. omtale under posten.
Bufdir overtok frå 1. juni 2010 oppgåver og om lag 23 årsverk frå Helsedirektoratet. I samband med overføringa er det knytte nokre meirutgifter som ikkje er dekte frå før. BLD føreslår derfor å auke løyvinga under kap. 858 post 1 med 770 000 kroner.
BLD føreslår samla å auke kap. 858 post 1 med 3,2 mill. kroner.
Post 22 Reguleringspremie til KLP og fylkeskommunale pensjonskassar
Kap. 858 post 22 skal dekkje utbetalingar til pensjonskasser der tilsette i Bufetat var medlemmer før staten overtok det fylkeskommunale barne- og familievernet. Reguleringspremien blir rekna årlig ut frå endringane i lønns- og trygdeoppgjøret og førre års avkastning frå premiefond. Reguleringspremien varierer følgjeleg kvart år. I tillegg til premien skal det reknast arbeidsgivaravgift av premiebeløpet.
BLD føreslår å auke kap. 858 post 22 med 4,1 mill. kroner som følgje av meirutgifter til KLP og fylkeskommunale pensjonskassar.
1.2.9 Kap. 2530 Foreldrepengar
Post 70 Foreldrepengar ved fødsel, overslagsløyving
Utgiftene til foreldrepengar ved fødsel i 2010 er anslått til 13 660 mill. kroner, 30 mill. kroner lågare enn løyvinga i vedteke budsjett for 2010.
Færre barn i aktuell alder og redusert overslag på generell lønnsvekst frå 2009 til 2010 forklarar mindrebehovet.
BLD føreslår å redusere løyvinga under kap. 2530 post 70 med 30 mill. kroner.
Post 71 Eingongsstønad ved fødsel og adopsjon, overslagsløyving
Ein ventar nokre fleire utbetalingar av eingongsstønad i 2010 enn lagt til grunn i vedteke budsjett for 2010, som tilseier ein auke i utgiftsbehovet på 0,5 mill. kroner.
BLD føreslår å auke løyvinga under kap. 2530 post 71 med 0,5 mill. kroner.
Post 72 Feriepengar av foreldrepengar, overslagsløyving
Vanlegvis vil det meste av feriepengane vere utbetalte per juni månad. Utbetalingane hittil i år overstig budsjettet med 5 mill. kroner.
BLD føreslår å auke løyvinga under kap. 2530 post 72 med 5 mill. kroner.
Post 73 Foreldrepengar ved adopsjon, overslagsløyving
Utgiftene til foreldrepengar ved adopsjon i 2010 er anslått til 100 mill. kroner, 15 mill. kroner meir enn løyvinga i vedteke budsjett for 2010.
Ved utgangen av tredje kvartal var talet på mottakarar av foreldrepengar ved adopsjon 16,5 prosent høgare enn i same periode i fjor.
BLD føreslår å auke løyvinga under kap. 2530 post 73 med 15 mill. kroner.
1.2.10 Kap. 3854 Tiltak i barne- og ungdoms-vernet
Post 4 Refusjon av ODA-godkjende utgifter
Nye anslag tyder på at dei ODA-godkjende utgiftene vil utgjere om lag 44,5 mill. kroner i 2010, noko som er 11,8 mill. kroner høgare enn tidlegare lagt til grunn.
BLD foreslår å auke kap. 3854 post 4 med 11,8 mill. kroner.
1.2.11 Kap. 3855 Statleg forvalting av barnevernet
Post 1 Diverse inntekter
Inntektsanslaget på posten er 26 mill. kroner. Ei framskriving av venta inntekter gir ei inntekt på 17 mill. kroner, som er 9 mill. kroner mindre enn inntektsanslaget. Posten omfattar i all hovudsak refusjonar for utlegg for kommunen.
BLD føreslår å redusere på kap. 3855 post 1 med 9 mill. kroner, jf. ein tilsvarande reduksjon av kap. 855 post 45.
Post 3 Refusjon for einslege mindreårige asylsøkjarar og flyktningar
Posten omfattar refusjonar for utgifter utover den kommunale eigendelen til einslege mindreårige flyktningar som er busette i kommunane og plasserte i statlege eller private institusjonar. Refusjonane motsvarer utgiftene som blir rekneskapsførte på kap. 854 post 65 Refusjon av kommunale utgifter til barneverntiltak knytte til einslege mindreårige asylsøkarar og flyktningar.
BLD føreslår å auke inntektene på posten med 32 mill. kroner mot ein tilsvarande auke av kap. 855 post 1.
Post 60 Kommunale eigendelar
På posten er det budsjettert med kommunale eigendelar i samband med opphald i barnevernsinstitusjonar, fosterheim eller hjelpetiltak i heimen.
Ein ventar 22 mill. kroner mindre i inntekter enn det som blei lagt til grunn i vedteke budsjett.
BLD føreslår å redusere inntektene på kap. 3855 post 60 med 22 mill. kroner, jf. ein tilsvarande reduksjon på kap. 855 post 45.
1.2.12 Kap. 3856 Barnevernets omsorgssenter for einslege mindreårige asylsøkjarar
Post 4 Refusjon av ODA-godkjende utgifter
Nokre innanlandske utgifter knytte til mottak av asylsøkjarar og flyktningar kan i samsvar med OECD/DACs statistikkdirektiv godkjennast som offisiell utviklingshjelp. I tråd med tidlegare berekningar legg BLD til grunn at om lag 74 prosent av utgiftene per plass vil godkjennast som ODA-midlar. Reduksjonen i dei ODA-godkjende utgifter utgjer 40,6 mill kroner.
BLD føreslår å redusere kap. 3856 post 4 med 40,6 mill. kroner.
2. Merknader frå komiteen
Komiteen, medlemene frå Arbeidarpartiet, leiaren Gunn Karin Gjul, Kåre Simensen, Arild Stokkan-Grande og Lene Vågslid, frå Fremskrittspartiet, Solveig Horne, Øyvind Korsberg og Ib Thomsen, frå Høgre, Linda C. Hofstad Helleland og Olemic Thommessen, frå Sosialistisk Venstreparti, Gina Knutson Barstad, frå Senterpartiet, Christina Nilsson Ramsøy, og frå Kristeleg Folkeparti, Øyvind Håbrekke, syner til forslaget frå regjeringa og støttar dette.
3. Tilråding frå komiteen
Komiteen syner til proposisjonen og til sine merknadar og rår Stortinget til å gjere slikt
vedtak:
I statsbudsjettet for 2010 blir det gjort følgjande endringar:
Kap.
Post
Formål
Kroner
Utgifter
841
Samliv og konfliktløysing
21
Spesielle driftsutgifter, meklingsgodtgjersle, overslagsløyving,blir redusert med
315 000
frå kr 13 416 000 til kr 13 101 000
22
Opplæring, forsking, utvikling mv., blir auka med
177 000
frå kr 6 314 000 til kr 6 491 000
71
Tiltak etter samlivsbrot for barn i konfliktfylte familiar, blir redusert med
800 000
frå kr 3 000 000 til kr 2 200 000
842
Familievern
21
Spesielle driftsutgifter, blir redusert med
177 000
frå kr 7 280 000 til kr 7 103 000
70
Tilskot til kyrkja si familievernteneste mv., kan nyttast under post 1, blir auka med
135 000
frå kr 124 107 000 til kr 124 242 000
844
Kontantstøtte
70
Tilskot, overslagsløyving, blir redusert med
50 000 000
frå kr 1 440 000 000 til kr 1 390 000 000
845
Barnetrygd
70
Tilskot, overslagsløyving, blir redusert med
30 000 000
frå kr 14 890 000 000 til kr 14 860 000 000
846
Forskings- og utgreiingsverksemd, tilskot mv.
21
Spesielle driftsutgifter, kan nyttast under post 50, blir auka med
4 656 000
frå kr 16 093 000 til kr 20 749 000
50
Forsking, kan nyttast under post 21, blir redusert med
1 102 000
frå kr 11 348 000 til kr 10 246 000
70
Tilskot, blir redusert med
1 661 000
frå kr 16 108 000 til kr 14 447 000
79
Tilskot til internasjonalt familie- og likestillingsarbeid, kan overførast, blir redusert med
1 893 000
frå kr 10 247 000 til kr 8 354 000
854
Tiltak i barne- og ungdomsvernet
21
Spesielle driftsutgifter, blir auka med
2 000 000
frå kr 36 846 000 til kr 38 846 000
50
Forsking, kan nyttast under post 71, blir redusert med
1 700 000
frå kr 13 719 000 til kr 12 019 000
64
Særskilt tilskot ved busetting av einslege mindreårige asylsøkjarar og flyktningar, overslagsløyving, blir auka med
18 800 000
frå kr 238 721 000 til kr 257 521 000
65
Refusjon av kommunale utgifter til barneverntiltak knytte til einslege mindreårige asylsøkjarar og flyktningar, overslagsløyving, blir auka med
127 000 000
frå kr 372 762 000 til kr 499 762 000
71
Utvikling og opplysningsarbeid mv., kan nyttast under post 50, blir redusert med
300 000
frå kr 48 048 000 til kr 47 748 000
855
Statleg forvalting av barnevernet
1
Driftsutgifter, kan nyttast under post 22 og post 60, blir auka med
32 000 000
frå kr 3 333 165 000 til kr 3 365 165 000
45
Større nyanskaffingar og vedlikehald, kan overførast, blir redusert med
31 000 000
frå kr 64 997 000 til kr 33 997 000
858
Barne-, ungdoms- og familiedirektoratet
1
Driftsutgifter, kan nyttast under kap. 855 post 1, blir auka med
3 175 000
frå kr 179 226 000 til kr 181 631 000
22
Reguleringspremie til KLP og fylkeskommunale pensjonskassar, blir auka med
4 100 000
frå kr 29 197 000 til kr 33 297 000
2530
Foreldrepengar
70
Foreldrepengar ved fødsel, overslagsløyving, blir redusert med
30 000 000
frå kr 13 690 000 000 til kr 13 660 000 000
71
Eingongsstønad ved fødsel og adopsjon, overslagsløyving, blir auka med
500 000
frå kr 409 500 000 til kr 410 000 000
72
Feriepengar av foreldrepengar, overslagsløyving, blir auka med
5 000 000
frå kr 380 000 000 til kr 385 000 000
73
Foreldrepengar ved adopsjon, overslagsløyving, blir auka med
15 000 000
frå kr 85 000 000 til kr 100 000 000
Inntekter
3854
Tiltak i barne- og ungdomsvernet
4
Refusjon av ODA-godkjende utgifter, blir auka med
11 800 000
frå kr 32 746 000 til kr 44 546 000
3855
Statleg forvalting av barnevernet
1
Diverse inntekter, blir redusert med
9 000 000
frå kr 25 868 000 til kr 16 868 000
3
Refusjon for einslege mindreårige asylsøkjarar og flyktningar, blir auka med
32 000 000
frå kr 73 060 000 til kr 105 060 000
60
Kommunale eigendelar, blir redusert med
22 000 000
frå kr 896 746 000 til kr 874 746 000
3856
Barnevernets omsorgssenter for einslege mindreårige asylsøkjarar
4
Refusjon av ODA-godkjende utgifter, blir redusert med
40 600 000
frå kr 311 466 000 til kr 270 866 000
Bygger på
1Ikke i vårt datasett
- Prop. 23 S (2010-2011)