Innstilling til Stortinget frå næringskomiteen

Innstilling frå næringskomiteen om Representantforslag fra stortingsrepresentantene Frank Bakke-Jensen og Oskar J. Grimstad om å utvide områdeadgangen i det kvoteregulerte fisket etter kongekrabbe

Ved Stortingets behandling av St.meld. nr. 40 (2006–2007) ble det etablert en såkalt «områdeadgang» i det kvoteregulerte fisket etter kongekrabbe. Denne ordningen innebærer at fartøy som er merkeregistrert i Øst-Finnmark, herunder kommunene Nordkapp og Porsanger, kan delta i åpen gruppe i det kvoteregulerte fisket etter kongekrabbe i Øst-Finnmark.

Ved behandlingen av Meld. St. 17 (2014–2015) Evaluering av forvaltningen av kongekrabbe, ble det vurdert om denne områdeadgangen også skulle utvides til å omfatte Måsøy kommune. Flertallet fant den gang ikke å ville gjøre endringer i områdeadgangen.

Det er i dag adgang for fartøy hjemmehørende i andre områder enn Øst-Finnmark til å delta i lukket gruppe i det kvoteregulerte fisket etter kongekrabbe. Utviklingen siden Stortingets behandling av evalueringsmeldingen tilsier imidlertid at det nå er et behov for å etablere en ordning som medfører at fartøy fra Vest-Finnmark også kan delta i åpen gruppe.

Et element som ble innført i Meld. St. 17 (2014–2015), var aktivitetskrav i annet fiskeri for å kvalifisere for deltakeradgang i kongekrabbefisket. Det har vært en betydelig økning i totalkvoten av kongekrabbe fra 2015 til 2016, fra 1 300 til 2 000 tonn, noe som gir et visst kvotegrunnlag for utvidet deltakelse i fisket. Samtidig vil det etter forslagsstillernes mening være svært uheldig om man ender opp med en fartøykvote som er så liten at mange ikke vil se seg tjent med å delta i fisket. I lys av dette bør aktivitetskravet trappes opp over en treårsperiode, slik at man sikrer at denne retten tilkommer aktive fiskere.

Følgende forslag fremmes i dokumentet:

«Stortinget ber regjeringen endre vilkårene for å kunne delta i åpen gruppe i kystfartøygruppens fangst av kongekrabbe innenfor kvoteregulert område slik at også fartøy som er registrert i resten av Finnmark, kan delta på samme vilkår som fartøy fra Øst-Finnmark. Videre bes regjeringen presentere en opptrappingsmodell for aktivitetskravet slik at man sikrer at denne retten tilkommer aktive fiskere. Endringen bør gjøres gjeldende fra 2017.»

Komiteen, medlemene frå Arbeidarpartiet, Else-May Botten, Ingrid Heggø, Odd Omland og Knut Storberget, frå Høgre, Laila Davidsen, Ingunn Foss, Gunnar Gundersen og Ove Trellevik, frå Framstegspartiet, Sivert Bjørnstad, Oskar J. Grimstad og Morten Ørsal Johansen, frå Kristeleg Folkeparti, Line Henriette Hjemdal, frå Senterpartiet, leiaren Geir Pollestad, frå Venstre, Pål Farstad, og frå Sosialistisk Venstreparti, Torgeir Knag Fylkesnes, syner til Dokument 8:7 S (2016–2017) med framlegg om å utvide områdetilgangen i det kvoteregulerte fisket etter kongekrabbe.

Komiteen syner til at det har vore brei politisk semje om kongekrabbeforvaltninga over tid. Komiteen peikar vidare på at dagens todelte forvaltning av kongekrabba har vore ein suksess, og at dette synet vert delt av eit samla fagmiljø, noko som òg vart slått fast då Stortinget våren 2015 handsama regjeringa Solberg si melding om evaluering av kongekrabbeforvaltninga, jf. Meld. St. 17 (2014–2015). Komiteen støttar prinsippet om kongekrabbeforvaltning slik det er formulert i Meld. St. 17 (2014–2015) og Innst. 350 S (2014–2015).

Komiteen har merka seg at representantforslaget foreslår å vidareføre dagens grense for det kommersielle fisket ved 26 grader aust, og støttar dette.

Fleirtalet i komiteen, alle unnateke medlemene frå Høgre og Framstegspartiet, har merka seg at fiskarar frå andre delar av Finnmark også er plaga av kongekrabba, men at graden av ulempe minkar jo lenger vest ein kjem. Fleirtalet merkar seg at fiskarane i Måsøy kommune over tid har vore plaga av kongekrabba.

Fleirtalet gjer følgjande framlegg:

«Stortinget ber regjeringa gje fiskarane i Måsøy full adgang til fisket etter kongekrabbe frå og med kvoteåret 2017.»

Fleirtalet har merka seg at representantframlegget foreslår å innlemme heile Finnmark fylke i kongekrabbefisket.

Fleirtalet strekar under at før ei eventuell vidare utviding av kven som får delta i kongekrabbefisket, er det naudsynt å fyrst få greidd ut konsekvensane.

Fleirtalet i komiteen, alle unnateke medlemene frå Høgre og Framstegspartiet, peikar vidare på at det i Meld. St. 17. (2014–2015) vart innført eit aktivitetskrav i anna fiskeri for å kvalifisere for deltakartilgang i kongekrabbefisket, og at grensa for omsetning frå anna fiskeri vart sett til 100 000 kroner, jf. Innst. 350 S (2014–2015). Dette vart gjort for å sikre at det i større grad var aktive fiskarar som skulle ta del i kongekrabbefisket.

Fleirtalet vil understreke at det er naudsynt å få ei oversikt over konsekvensane av ei opptrapping av aktivitetskravet, før eventuelle endringar kan vurderast.

Fleirtalet viser vidare til prinsippa om kongekrabbeforvaltning og Innst. 350 S (2014–2015) og gjer følgjande framlegg:

«Stortinget ber regjeringa komme attende til Stortinget med ei sak vedrørande konsekvensar av endring i aktivitetskravet og eventuell utviding av adgangen til kongekrabbefisket.»

Komiteen peikar på at Sametinget skal konsulterast i slike saker og føreset at konsultasjon vert gjennomført.

Medlemene i komiteen frå Høgre og Framstegspartiet peikar på at aktivitetskravet for deltakartilgjenge i kongekrabbefisket vart innførd for å sikra at det i større grad er aktive fiskarar som deltek i fisket etter kongekrabbe. Det har vore ein betydeleg auke i totalkvoten av kongekrabbe det siste året, noko som gjev grunnlag for utvida deltaking i fisket. Samstundes meiner desse medlemene at det vil vera uheldig om ein ender opp med ein fartøykvote som er så liten at mange ikkje ser seg tente med å delta i fisket. Desse medlemene meiner difor at aktivitetskravet bør aukast framover, slik at ein sikrar at retten til å medverke i fisket av kongekrabbe tilkjem aktive fiskarar.

Desse medlemene gjer følgjande framlegg:

«Stortinget ber regjeringa presentera ein opptrappingsmodell for aktivitetskravet slik at ein i løpet av tre år set taket til 300 000 kroner. Endringa bør gjerast gjeldande frå 2017.»

Desse medlemene har merka seg at òg fiskarane i resten av Finnmark over tid har vorte aukande plaga av kongekrabba. Sjølv om denne plaga er minkande desto lenger vest i Finnmark ein kjem, meiner desse medlemene at fiskarar frå heile Finnmark bør få medverke i fisket etter kongekrabbe.

Desse medlemene gjer følgjande framlegg:

«Stortinget ber regjeringa endre vilkåra for å kunna medverke i open gruppe i kystfartøygruppa sin fangst av kongekrabbe innanfor kvoteregulert område, slik at òg fartøy som er registrerte i resten av Finnmark kan medverke på same vilkår som fartøy frå Aust-Finnmark.»

Brev frå fiskeriministeren dagsett 27. oktober 2016, og 14., 16. og 22. desember 2016 er lagt ved innstillinga.

Forslag frå Høgre og Framstegspartiet:

Forslag 1

Stortinget ber regjeringa presentera ein opptrappingsmodell for aktivitetskravet slik at ein i løpet av tre år set taket til 300 000 kroner. Endringa bør gjerast gjeldande frå 2017.

Forslag 2

Stortinget ber regjeringa endra vilkåra for å kunna delta i open gruppe i kystfartøygruppa sin fangst av kongekrabbe innanfor kvoteregulert område, slik at òg fartøy som er registrerte i resten av Finnmark kan medverke på same vilkår som fartøy frå Aust-Finnmark.

Tilrådinga frå komiteen I og II vert lagt fram av medlemene i komiteen frå Arbeidarpartiet, Kristeleg Folkeparti, Senterpartiet, Venstre og Sosialistisk Venstreparti.

Tilrådinga frå komiteen III vert lagt fram av ein samla komité.

Komiteen har elles ingen merknader, viser til representantforslaget og rår Stortinget til å gjere slikt

vedtak:

I

Stortinget ber regjeringa gje fiskarane i Måsøy full adgang til fisket etter kongekrabbe frå og med kvoteåret 2017.

II

Stortinget ber regjeringa komme attende til Stortinget med ei sak vedrørande konsekvensar av endring i aktivitetskravet og eventuell utviding av adgangen til kongekrabbefiske.

III

Dokument 8:7 S (2016–2017) – Representantforslag fra stortingsrepresentantene Frank Bakke-Jensen og Oskar J. Grimstad om å utvide områdeadgangen i det kvoteregulerte fisket etter kongekrabbe – vert å leggje ved møteboka.