Vedtak om endring i delegering til kommunen, fylkeslandbruksstyret, fylkesmannen og Statens landbruksforvaltning, og forskrift om saksbehandling i kommunen og om intern arbeidsdeling mellom fylkeslandbruksstyret og fylkesmannen i saker etter konsesjonslova, odelslova og jordlova.

I

I delegering av 30. mai 2000 nr. 620 til kommunen, fylkeslandbruksstyret, fylkesmannen og Statens landbruksforvaltning, og forskrift om saksbehandling i kommunen og om intern arbeidsdeling mellom fylkeslandbruksstyret og fylkesmannen i saker etter konsesjonslova, odelslova og jordlova blir det gjort følgjande endringar:

§ 1-1 første ledd første kolon skal lyde:

Kommunen får fullmakt til å ta avgjerd i saker som gjeld:

spørsmålet om buplikta kan oppfyllast på den måten eigaren har gjort greie for, jf. konsesjonslova § 6a andre ledd og odelslova § 27 fjerde ledd.

§ 1-1 nåværande nr. 6 – 12 blir nye nr. 7 – 13.

§ 3-2 skal lyde:

Kommunen sine avgjerder etter § 1-1 nr. 6 til 13 kan klagast inn for fylkeslandbruksstyret.

II

Endringane trer i kraft 1. september 2001.