Forskrift om opptakskrav til grunnutdanningar ved universitet og høgskolar.

Kapittel 1. Virkeområde

§ 1 . Området forskrifta gjeld for

Forskrifta gjeld for opptak til grunnutdanning ved institusjonar under lov av 12. mai 1995 nr. 22 om universiteter og høgskoler, jf. § 1. Grunnutdanning er utdanning som byggjer på vidaregåande opplæring, og som normalt ikkje byggjer på eller har anna høgre utdanning som del av opptakskrav.

Det blir normalt kravd generell studiekompetanse for opptak til all grunnutdanning der det ikkje er fastsett unntak, jf. kap. 3 i denne forskrifta. I tillegg til kravet om generell studiekompetanse har departementet fastsett spesielle opptakskrav for einskilde studium, jf. kap. 4.

Forskrifta gjeld ikkje for opptak til studium som byggjer på grunnstudium, «profesjonsdelen» av studium og vidareutdanning. For slike studium har institusjonane rett til å fastsetje opptakskrav dersom departementet ikkje har fastsett slike i anna forskrift eller rammeplan.

Kapittel 2. Generell studiekompetanse

§ 2 . Generell studiekompetanse

Fullført og bestått 3-årig vidaregåande opplæring med grunnkurs, VKI og VKII eller fullført og bestått fagopplæring med fagbrev/sveinebrev eller fylt 23 år i løpet av opptaksåret og 5 års fulltids arbeidserfaring eller 5 års samla fulltidserfaring frå arbeid og utdanning. Som arbeidserfaring kan ein også rekne omsorgsarbeid og militær førstegongsteneste/sivilteneste. Som utdanning gjeld fullført og bestått årskurs i vidaregåande skole og/eller folkehøgskole, og eksamen frå studium av minst 1 års lengd og følgjande fag frå vidaregåande opplæring som må vere dekte innafor, eller tekne i tillegg til krava over: norsk (14) engelsk (5) matematikk (5) naturfag (5) samfunnsfag (6), som omfattar nyare historie (4) og samfunnslære (2). Faga er oppgitte med gjennomsnittleg veketimetal i parentes, og faget må vere bestått med karakteren 2 (Ng) eller betre. For søkjarar som har lese norsk og samisk med respektive (11) + (11) veketimar, gjeld ikkje kravet om norsk (14). Opptaksorganet har plikt til å vurdere om anna utdanning eller dokumentasjon av kunnskapar kan godkjennast som likeverdig. Departementet kan gje nærare reglar. Det skal vurderast individuelt om søkjarar med 3-årig vidaregåande utdanning frå Rudolf Steinerskole oppfyller krava til generell studiekompetanse. Søkjarar med fullført og bestått 2-årig teknisk fagskole etter ny ordning oppfyller krava til generell studiekompetanse.

§ 3 . Opptak på grunnlag av fullført høgre utdanning

Søkjarar som er 25 år eller eldre i opptaksåret, får generell studiekompetanse på grunnlag av eksamen frå studium av 1 års lengd eller to studium av eit halvt års lengd ved universitet eller høgskole. Det same gjeld søkjarar med eksamen av tilsvarande omfang som er godkjend i samsvar med lov av 11. juli 1986 nr. 53 om private høgskolar og/eller eksamen frå utdanning av tilsvarande omfang som har tilråding frå det tidlegare Nasjonalt koordinerande utval for godkjenning av eksamenar (NKU).

Søkjarar som er tekne opp til høgre utdanning med grunnlag i unntaksreglar om generell studiekompetanse, og som har fullført og bestått ei slik utdanning på minst 2 år, får generell studiekompetanse.

§ 4 . Utanlandsk utdanning

Søkjarar med 3-årig vidaregåande utdanning frå dei andre nordiske landa er kvalifiserte for opptak utan tilleggskrav i norsk, når den vidaregåande utdanninga gir generelt opptaksgrunnlag til universitet og høgskolar i dei respektive landa. Søkjarar som har utanlandsk utdanning frå land utanfor Norden, må dokumentere bestått utdanning på nivå med norsk 3-årig vidaregåande opplæring som gir generell studiekompetanse, og i tillegg dokumentere kunnskapar i norsk med ei av følgjande prøver: Bestått eksamen frå Læreplan i norsk som andrespråk. Bestått eksamen frå trinn 3 i norsk for utanlandske studentar ved universiteta. Bestått eksamen frå 1-årig høgskolestudium i norsk språk og samfunnskunnskap for utanlandske studentar. Test i norsk, høgre nivå, («Bergenstesten») med minimum 450 poeng. Universitetet eller høgskolen kan godta annan dokumentasjon av norskkunnskapar. Søkjarar som til dømes vil dokumentere norskkunnskapar med norsk eller eit anna nordisk språk som morsmål, må normalt dokumentere at dei har hatt opplæring i morsmålet på minst norsk/nordisk grunnskolenivå. Søkjarar med diplom frå International baccalaureate (IB) fyller krava til generell studiekompetanse. Dette gjeld også norskkravet, dersom dei har teke norsk A eller norsk B på minst standard level. Krava til norskkunnskapar gjeld ikkje for søkjarar som skal takast opp til fremmendspråklege utdanningsprogram, og studentar som tek del i europeiske utvekslingsprogram.

Kapittel 3. Unntak frå krav om generell studiekompetanse

§ 5 . Realkompetanse

Søkjarar som er 25 år eller eldre, og som ikkje kan dokumentere generell studiekompetanse, har krav på å få vurdert om dei er kvalifiserte for eit bestemt studium på grunnlag av realkompetanse.

Realkompetanse er kunnskapar søkjaren har fått gjennom yrkespraksis, ubetalt arbeid, organisasjonsarbeid, utdanning eller på annan måte.

Utdanningsinstitusjonen må vurdere kvalifikasjonane i høve til det faget som søkjaren ønskjer å studere, og finne fram til eigna og føremålstenlege måtar å gå fram på for slike vurderingar. Søkjaren må ha nødvendige faglege føresetnader for å gjennomføre det aktuelle studiet utan å ha generell studiekompetanse.

§ 6 . Dispensasjon

Institusjonane kan i særskilde tilfelle gjere unntak frå kravet om generell studiekompetanse for søkjarar under 25 år. Vilkåret for slik dispensasjon er at søkjaren kan dokumentere at det ikkje har vore mogleg, på grunn av varig sjukdom, funksjonshemming eller liknande, å tilfredsstille enkelte av dei krava som normalt blir stilte for å bli tilkjend generell studiekompetanse. Dokumentasjonen kan til dømes vere attest frå lege, anna helsepersonell, pedagogisk-psykologisk teneste eller tilsvarande.

Utdanningsinstitusjonen må vurdere kvalifikasjonane i høve til det faget som søkjaren ønskjer å studere, og finne fram til eigna og føremålstenlege måtar å gå fram på for slike vurderingar. Søkjaren må ha nødvendige faglege føresetnader for å gjennomføre det aktuelle studiet utan å ha generell studiekompetanse.

§ 7 . Unntak frå kravet om generell studiekompetanse for opptak til bestemte studium

Jordbruks-, husdyr- og fiskerifag Jordskifteutdanning ved Høgskolen i Bergen Unntak frå kravet om generell studiekompetanse gjeld for søkjarar som har bestått 2-årig teknisk fagskole etter gamal ordning. Arkitektur og teknisk-naturvitskaplege fag Arkitektutdanning ved Noregs teknisk-naturvitskaplege universitet Unntak frå kravet om generell studiekompetanse gjeld for søkjarar som har bestått 2-årig teknisk fagskole etter gamal ordning. Ingeniørutdanning (integrert mastergrad) Unntak frå kravet om generell studiekompetanse gjeld for søkjarar som har bestått 1-årig forkurs for ingeniør- og maritim høgskoleutdanning eller 2-årig teknisk fagskole etter gamal ordning. 3-årig ingeniørutdanning Unntak frå kravet om generell studiekompetanse gjeld for søkjarar som har bestått 1-årig forkurs for ingeniør- og maritim høgskoleutdanning eller 2-årig teknisk fagskole etter gamal ordning. 2-årig ingeniørutdanning Studiet er tilpassa søkjarar som har bestått 2-årig teknisk fagskole frå relevant linje. Maritime fag Unntak frå kravet om generell studiekompetanse gjeld for søkjarar som har bestått 1-årig forkurs for ingeniør- og maritim høgskoleutdanning eller 2-årig teknisk fagskole etter gamal ordning. Drift og vedlikehald av EDB-system ved Høgskolen i Sør-Trøndelag Unntaket frå krav om generell studiekompetanse gjeld for søkjarar som har bestått 2-årig teknisk fagskole etter gamal ordning. Næringsmiddelteknologiutdanning ved Høgskolen i Sør-Trøndelag Unntak frå kravet om generell studiekompetanse gjeld for søkjarar som har bestått 1-årig forkurs for ingeniør- og maritim høgskoleutdanning, 1-årig tilpassingskurs eller 2-årig teknisk fagskole etter gamal ordning. Språkfag Tolkeutdanning i samisk ved Samisk høgskole Unntak frå kravet om generell studiekompetanse og dei spesielle opptakskrava fastsette under § 8 bokstav j punkt 10 gjeld for søkjarar som har samisk tilknyting etter nærare reglar fastsette av institusjonen. Samisk semesteremne ved Universitetet i Tromsø og Samisk høgskole Unntak frå kravet om generell studiekompetanse og dei spesielle opptakskrava fastsette under § 8 bokstav j punkt 10 gjeld for søkjarar som har samisk tilknyting etter nærare reglar fastsette av institusjonen. Finsk semesteremne og kvensk semesteremne ved Universitetet i Tromsø Unntak frå kravet om generell studiekompetanse gjeld søkjarar som har finsk eller kvensk tilknyting etter nærare reglar fastsette av institusjonen. Finsk semesteremne ved Høgskolen i Finnmark Unntak frå kravet om generell studiekompetanse gjeld søkjarar som har finsk tilknyting etter nærare reglar fastsette av institusjonen. Kunstfag Kunsthøgskolane Unntak frå kravet om generell studiekompetanse gjeld for søkjarar som kan dokumentere spesielle faglege krav og som blir tekne opp på grunnlag av opptaksprøver etter nærare reglar fastsette av institusjonen. Folkekunst og folkemusikk ved Høgskolen i Telemark Unntak frå kravet om generell studiekompetanse gjeld for søkjarar som kan dokumentere stor kunnskap innanfor dei aktuelle fagområda etter nærare reglar fastsette av høgskolen. Kunstfagleg utdanning ved Noregs teknisk-naturvitskaplege universitet Unntak frå kravet om generell studiekompetanse kan gjerast for søkjarar som fyller spesielle faglege krav fastsette av institusjonen. Studium ved Noregs musikkhøgskole Unntak frå kravet om generell studiekompetanse kan gjerast for søkjarar som fyller spesielle faglege krav fastsette ved institusjonen. Studium i utøvande musikk ved Noregs teknisk-naturvitskaplege universitet og ved Universitetet i Bergen Unntak frå kravet om generell studiekompetanse kan gjerast for søkjarar som fyller spesielle faglege krav fastsette ved institusjonen. Studium i folkedans ved Noregs teknisk-naturvitskaplege universitet Unntak frå kravet om generell studiekompetanse kan gjerast for søkjarar som fyller spesielle faglege krav fastsette ved institusjonen. Forfattarstudium ved Høgskolen i Telemark Unntak frå kravet om generell studiekompetanse gjeld for søkjarar som blir tekne opp på grunnlag av innsende tekstprøver etter nærare reglar fastsette av høgskolen. Figurteater ved Høgskolen i Østfold Unntak frå kravet om generell studiekompetanse kan gjerast for søkjarar som fyller spesielle faglege krav fastsette ved institusjonen. Studium i duodji ved Samisk høgskole Unntak frå kravet om generell studiekompetanse kan gjerast for søkjarar som fyller spesielle faglege krav og som blir tekne opp på grunnlag av opptaksprøver etter nærare reglar fastsette ved institusjonen. Diverse fag Medieteknikk ved Høgskolen i Stavanger Unntak frå kravet om generell studiekompetanse og dei spesielle opptakskrava fastsette under § 8 bokstav j punkt 5 gjeld for søkjarar som har bestått 1-årig forkurs for ingeniørutdanning og maritim høgskoleutdanning eller 2-årig teknisk fagskole.

Kapittel 4. Spesielle opptakskrav

§ 8 . Spesielle opptakskrav

I tillegg til kravet om generell studiekompetanse fastset departementet spesielle opptakskrav for dei studia og faga som er lista opp nedanfor. Dei nemnde fagkrava refererer til norsk vidaregåande opplæring, i hovudsak studieretning for allmenne, økonomiske og administrative fag. Fag/årskurs må vere fullførte og beståtte.

Opptaksorganet har plikt til å vurdere om anna utdanning eller dokumentasjon av kunnskapar kan godkjennast som likeverdig. Departementet kan gi nærare reglar.

Helsefag Medisin, odontologi, ernæring og farmasi 2MX/2MY/3MZ + 2FY + 3KJ. Bioingeniørutdanning 2MX/2MY/3MZ + 2FY/2BI/2KJ. Ortopediingeniørutdanning ved Høgskolen i Oslo 3MX/3MY + 2FY. Reseptarutdanning og tannteknikarutdanning 2MX/2MY/3MZ/2FY/2KJ. Jordbruks- husdyr- og fiskerifag Utdanning i veterinærmedisin ved Noregs veterinærhøgskole 2MX/2MY/3MZ + 3KJ. Utdanning i havbruk og fiskehelse 2MX/2MY/3MZ + 2KJ + 2BI/2FY. Informatikk, realfag, natur- og miljøfag Informatikkutdanning 2MX/2MY/3MZ. Realfag, natur- og miljøfag 2MX/2MY/3MZ + 3MX/3FY/3KJ/3BI. Arkitektur og teknisk-naturvitskaplege fag Arkitektutdanning ved Noregs teknisk-naturvitskaplege universitet 3MX + 2FY. Søkjarar med 2-årig teknisk fagskole må dokumentere kunnskapar tilsvarande 3MX. Arkitektutdanning ved Arkitekthøgskolen i Oslo Søkjaren må bestå opptaksprøve etter nærare reglar fastsette av institusjonen. Ingeniørutdanning (integrert mastergrad) 3MX + 2FY. Søkjarar med 2-årig teknisk fagskole må dokumentere kunnskapar tilsvarande 3MX. Søkjarar med bestått 1-årig forkurs for ingeniørutdanning og maritim høgskoleutdanning fyller krava for opptak utan omsyn til dei spesielle krava som er fastsette her. 3-årig ingeniørutdanning 3MX + 2FY. Søkjarar med 2-årig teknisk fagskole eller bestått 1-årig forkurs for ingeniørutdanning og maritim høgskoleutdanning fyller krava for opptak utan omsyn til dei spesielle krava som er fastsette her. For studentar med generell studiekompetanse som blir tekne opp til treterminordning, gjeld ikkje det spesielle opptakskravet ovanfor. 2-årig ingeniørutdanning 2-årig teknisk fagskole frå relevant linje. Maritime fag 2MX + 2FY. Søkjarar med 2-årig teknisk fagskole eller bestått 1-årig forkurs for ingeniørutdanning og maritim høgskoleutdanning fyller krava for opptak utan omsyn til dei spesielle krava som er fastsette her. For studentar med generell studiekompetanse som blir tekne opp til treterminordning, gjeld ikkje det spesielle opptakskravet ovanfor. Økonomiske og administrative fag Økonomisk-administrativ utdanning ved Noregs handelshøgskole, Høgskolen i Agder og Høgskolen i Bodø 2MX/2MY/3MZ. Husøkonomutdanning Krav om fagbrev som reinhaldsoperatør eller tilsvarande. Kostøkonomutdanning Krav om fagbrev som institusjonskokk eller tilsvarande. Hotell- og reiselivsfag Hotelladministrasjon ved Høgskolen i Stavanger Søkjarar må dokumentere 1 år relevant praksis. Kjøkken og restaurantleiing ved Høgskolen i Stavanger Fagbrev kokk, institusjonskokk eller servitør. Fagbrev i andre hotell- og næringsmiddelfag kan vurderast. I tillegg gjeld krav om 2 års relevant praksis etter fagbrevet. Pedagogiske fag Allmennlærarutdanning med musikk Dokumenterte kunnskapar og dugleik i musikk etter nærare reglar fastsette av institusjonen. Faglærarutdanning i formgiving, kunst og handverksfag Dokumenterte kunnskapar og dugleik i formgivingsfag eller kunstfag etter nærare reglar fastsette av institusjonen. Faglærarutdanning i musikk, dans og drama og anna grunnutdanning i musikk, dans og drama som er pedagogisk retta Dokumenterte kunnskapar og dugleik i musikk, dans eller drama etter nærare reglar fastsette av institusjonen. Yrkesfaglærarutdanning Fagbrev/sveinebrev eller anna fullført 3-årig yrkesutdanning på vidaregåande skolenivå og minst 2 års yrkespraksis. Språkfag Merkantil fransk og internasjonal handel ved Høgskolen i Østfold Fransk B-språk (4+4)/C-språk (4+4). Merkantil tysk og internasjonal handel ved Høgskolen i Østfold Tysk B-språk (4+4)/C-språk (4+4). Fransk for næringslivet ved Noregs handelshøgskole Fransk B-språk (4+4)/C-språk (4+4+4). Tysk for næringslivet ved Noregs handelshøgskole Tysk B-språk (4+4)/C-språk (4+4+4). Engelsk fagomsetjarutdanning ved Høgskolen i Agder Engelsk studieretningsfag (5+5). Fransk fagomsetjarutdanning ved Høgskolen i Agder Fransk B-språk (4+4)/C-språk (4+4+4). Tysk fagomsetjarutdanning ved Høgskolen i Agder Tysk B-språk (4+4)/C-språk (4+4+4). Merkantil russisk, merkantilt studium ved Høgskolen i Finnmark Russisk B-språk (4+4)/C-språk (4+4+4) eller russisk semesteremne. Kunstfag Utdanningar ved Kunsthøgskolen i Bergen Søkjaren må bestå opptaksprøve etter nærare reglar fastsette av institusjonen. Utdanningar ved Kunsthøgskolen i Oslo Søkjaren må bestå opptaksprøve etter nærare reglar fastsette av institusjonen. Figurteaterutdanning ved Høgskolen i Østfold Søkjaren må bestå opptaksprøve etter nærare reglar fastsette av institusjonen. Studium ved Noregs musikkhøgskole og studium i utøvande musikk ved universitet og statlege høgskolar Søkjaren må bestå opptaksprøve etter nærare reglar fastsette av institusjonen. Musikkvitskap ved Noregs teknisk-naturvitskaplege universitet og Universitetet i Oslo Søkjaren må bestå opptaksprøve etter nærare reglar fastsette av institusjonen. Kunstfagleg utdanning ved Noregs teknisk-naturvitskaplege universitet Søkjaren må bestå opptaksprøve etter nærare reglar fastsette av institusjonen. Forfattarstudium ved Høgskolen i Telemark Søkjaren må leggje fram tekstprøver etter nærare reglar fastsette av institusjonen. Diverse fag Spesialtilpassa høgskoleutdanning for døve ved Høgskolen i Sør-Trøndelag Søkjaren må dokumentere dugleik i teiknspråk etter nærare reglar fastsette av institusjonen. Døvetolkutdanning ved Universitetet i Oslo og Høgskolen i Sør-Trøndelag Søkjaren må bestå opptaksprøve i teiknspråk etter nærare reglar fastsette av institusjonen. Medieteknikkutdanning og programproduksjonsutdanning ved Høgskolen i Lillehammer Søkjaren må dokumentere dugleik i form av innsendt arbeid (portfolie) og bestå opptaksprøve etter nærare reglar fastsette av høgskolen. Film- og fjernynsutdanning ved Høgskolen i Lillehammer Søkjaren må dokumentere dugleik i form av innsendt arbeid (portfolie) og bestå opptaksprøve etter nærare reglar fastsette av høgskolen. Medieteknikk ved Høgskolen i Stavanger 3MX + 2FY. Søkjarar med 2-årig teknisk fagskole eller bestått forkurs for ingeniørutdanning og maritim høgskoleutdanning fyller krava for opptak utan omsyn til dei spesielle krava som er fastsette her. Fotojournalistutdanning ved Høgskolen i Oslo Søkjaren må bestå opptaksprøve etter nærare reglar fastsette av institusjonen. Animasjonsfilm ved Høgskolen i Volda Søkjaren må dokumentere dugleik i form av innsendt arbeid (portfolie). Studium ved Noregs idrettshøgskole Søkjaren må bestå opptaksprøve etter nærare reglar fastsette av institusjonen. Industridesign ved Arkitekthøgskolen i Oslo Søkjaren må bestå opptaksprøve etter nærare reglar fastsette av institusjonen. Studium ved Samisk høgskole Søkjaren må dokumentere dugleik i samisk språk etter nærare reglar fastsette av institusjonen. Produktdesignutdanning ved Høgskolen i Akershus Søkjaren må bestå opptaksprøve etter nærare reglar fastsette av institusjonen. Visuell kommunikasjon i elektroniske og trykte media ved Høgskolen i Buskerud Søkjaren må bestå opptaksprøve etter nærare reglar fastsette av institusjonen.

§ 9 . Desentralisert utdanning og deltidsutdanning

For opptak til desentralisert og/eller deltidsutdanning kan institusjonane fastsetje spesielle opptakskrav i form av relevant yrkeserfaring og arbeidstilknyting i studietida. For opptak til deltidsstudium kan det i tillegg stillast krav om tilknyting til utdanningsstaden.

Kapittel 5. Opptak på visse vilkår (Betinga opptak)

§ 10 . Opptak på visse vilkår

Søkjarar som på grunn av særskilde tilhøve ikkje kan ta eksamen i vidaregåande opplæring, og som derfor ikkje kan få dokumentasjon for fullført og bestått opplæring som normalt er krav for opptak til institusjonar som er omfatta av denne forskrifta, kan få opptak til høgre utdanning på visse vilkår. Søkjaren får opptak til høgre utdanning på vilkår av at han/ho består eksamen i eitt eller fleire fag i vidaregåande opplæring i løpet av første semester etter opptak. Det er ein føresetnad at søkjaren har karakteren 2 eller betre i standpunktkarakter i det faget han/ho ikkje har eksamen i, og at søkjaren ikkje alt har avsluttande vurdering i faget.

Med særskilde tilhøve er her meint sjukdom, ulykker eller dødsfall i nær familie. Om det ligg føre andre særskilde tilhøve, kan opptaksorganet gi opptak på visse vilkår. Særskilde tilhøve må dokumenterast ved attest frå lege, anna helsepersonell, politi eller tilsvarande.

Søkjarar som har fått opptak på visse vilkår, kan ikkje få reservert studieplass til seinare opptak.

Studentar med opptak på visse vilkår som ikkje fyller opptakskrava innan den fastsette fristen, mister studieplassen og studieretten.

Studentar som tek eksamen i eit studium dei har fått opptak til på visse vilkår, får ikkje denne eksamenen rekna som bestått utan at opptakskravet er oppfylt.

Den lærestaden som gir opptak på visse vilkår, skal så langt det er mogeleg og rimeleg, legge til rette for at studenten både kan gå opp til utsett eksamen i vidaregåande skole, og gjennomføre studiet det er gitt opptak på visse vilkår til. Om lærestaden ikkje finn å kunne leggje til rette på denne måten, skal studenten få forlengje opptaket på visse vilkår til neste gong det blir arrangert utsett eksamen i det aktuelle faget i vidaregåande skole.

Kapittel 6. Overgangsreglar

§ 11 . Overgangsreglar om generell studiekompetanse

Grunnkurs, VKI og VKII i studieretning for handels- og kontorfag med bestått i faga norsk, matematikk, rekneskapslære, engelsk, sosialøkonomi og organisasjonslære, er jamgodt med fagkrava norsk, engelsk, matematikk og samfunnsfag, jf. § 2 bokstav a. For søkjarar som våren 1992 eller tidlegare har teke eksamen eller delprøver i samfunnsfag ved studieretning for allmenne fag, blir 5 veketimar godkjende. Dette kan omfatte geografi, historie og samfunnslære/samfunnskunnskap. Søkjarar som har fullført og bestått 3-årig vidaregåande skole, studieretning for allmenne fag eller studieretning for handels- og kontorfag, har generell studiekompetanse. Det same gjeld for søkjarar som har bestått examen artium eller eksamen frå økonomisk gymnas. Søkjarar som før 1. juni 1997 er tekne opp til, eller kan dokumentere å ha fått ei vurdering av sitt opptaksgrunnlag ved eit universitet eller ein vitskapleg høgskole på grunnlag av anna høveleg utdanning (tidlegare Veg I-, II- og III-vurderingar), eller er tekne opp med heimel i § 4 bokstav b punkt 20 i tidlegare forskrift av 12. desember 1991 nr. 812 om opptak til regionale høgskolar har generell studiekompeta.

§ 12 . Overgangsreglar om spesielle opptakskrav

Endringa i spesielle opptakskrav til farmasiutdanning, jf. § 8 bokstav a punkt 1, gjeld frå og med opptak til studieåret 2005–2006. Dette inneber at søkjarar som kan dokumentere tidlegare spesielle krav (2MX/2MY/2MZ + 2FY + 2KJ + 3MX/3MY/3FY/3KJ) er kvalifiserte for opptak til og med studieåret 2004–2005. Endringa som inneber spesielle opptakskrav til informatikk, realfag, natur- og miljøfag, jf. § 8 bokstav c punkt 1 og 2, gjeld frå og med opptak til studieåret 2005–2006. Dette inneber at søkjarar som dokumenterer generell studiekompetanse, er kvalifiserte for opptak til og med studieåret 2004–2005. Kravet om 3MX for søkjarar med 2-årig teknisk fagskole til ingeniørutdanning (integrert mastergrad) ved statlege høgskolar gjeld frå og med opptak til studieåret 2005–2006. Dette inneber at søkjarar som dokumenterer 2-årig teknisk fagskole er kvalifiserte for opptak til og med studieåret 2004–2005. Det spesielle opptakskravet (2MX/2MY/3MZ) for økonomisk-administrativ utdanning ved Høgskolen i Agder og Høgskolen i Bodø gjeld frå og med opptak til studieåret 2005–2006. Dette inneber at søkjarar som dokumenterer generell studiekompetanse, er kvalifiserte for opptak til slike studium ved Høgskolen i Agder og Høgskolen i Bodø til og med studieåret 2004–2005.

Kapittel 7. Iverksetjing

§ 13 . Iverksetjing

Forskrift av 15. januar 1998 nr. 792 om generell studiekompetanse som grunnlag for opptak til universitet og høgskolar. Forskrift av 8. juli 1999 nr. 800 om betinget opptak til universiteter og høgskoler av søkere som har hatt fravær til eksamen i videregående opplæring. Forskrift av 6. desember 1999 nr. 1501 om spesielle opptakskrav og unntak frå krav om generell studiekompetanse for grunnutdanningar ved universitet og høgskolar.

Kommentarar til forskrifta

Forskrifta gjeld for opptak til all grunnutdanning ved universitet og høgskolar som er omfatta av Uh-lova.

Til § 2 Generell studiekompetanse

Generell studiekompetanse skal framleis vere hovudkravet for opptak til høgre utdanning.

Under bokstav a er dei generelle krava for opptak oppgitte.

Søkjarar som er 23 år eller eldre i opptaksåret (dvs. ved studiestart), kan takast opp utan 3-årig vidaregåande utdanning dersom dei kan dokumentere 5 års arbeidserfaring eller ein kombinasjon av arbeid og fullført og bestått utdanning som til saman utgjer minimum 5 år. Det er eit krav at arbeidserfaring skal vere på heiltid. Deltidsarbeid i minst halv stilling kan reknast om til full tid. Arbeidsforhold under eit halvt år tel normalt ikkje.

Fag og prøver frå vidaregåande skole, studieretning for allmenne, økonomiske og administrative fag kan stillast saman til eit skoleår, dersom dei har eit omfang på minimum 30 timar i veka. Det er ein føresetnad at det ikkje er stor overlapping med fag som inngår i skoleår frå vidaregåande skole som søkjaren har fått godkjend som del av grunnlaget for opptak. Slike fag og prøver kan omfatte fag som inngår i krava til generell studiekompetanse og/eller spesielle opptakskrav.

Til § 3 Opptak på grunnlag av fullført høgre utdanning

Søkjarar som ikkje fyller krava til generell studiekompetanse etter vilkåra i § 2, kan vurderast i forhold til krava i § 3.

Høgre utdanning som er avbroten, gir normalt ikkje generell studiekompetanse. Dette fører til at søkjarar som tidlegare har fått opptak til høgre utdanning utan at dei fyller krava til generell studiekompetanse, normalt må fullføre og bestå den utdanninga dei har teke til på, før dei kan få generell studiekompetanse på grunnlag av utdanninga.

Til § 4 Utanlandsk utdanning

Søkjarar med 3-årig vidaregåande utdanning frå dei andre nordiske landa og som dokumenterer at dei har utdanning som gir generelt opptaksgrunnlag til universitet og høgskolar i heimlandet, er kvalifiserte for opptak.

Søkjarar med Diplom frå International baccalaureate (IB) tilfredsstiller norskkravet som ligg i den generelle studiekompetansen når dei har teke norsk A eller norsk B på minst standard level, eller når dei alternative norskkrava i § 4 bokstav b er oppfylte.

Oversikta som er utarbeidd av det tidlegare Samarbeidsutvalet for internasjonale studiesaker (SIS-lista), og som syner om andre lands utdanning ligg på nivå med norsk vidaregåande skole, skal brukast ved opptak av søkjarar med utdanningsbakgrunn frå utlandet. 1 Søkjarar kan ikkje påleggjast å ta fag som er oppfylte gjennom den vidaregåande utdanninga frå heimlandet. Opptaksorgana pliktar i slike tilfelle å gjere ei full vurdering av søkjaren si utdanning i forhold til kravet om generell studiekompetanse.

Krav til norsk:

Dei strenge karakterkrava i norsk som tidlegare gjaldt for søkjarar som har opptaksgrunnlag frå land utanfor Norden, er fjerna. Dette fører til at søkjarar som har opptaksgrunnlaget frå utlandet og som må dokumentere norsk som andrespråk i vidaregåande skole, fyller krava når dei har fullført og bestått eksamen i norsk som andrespråk med karakteren 2 eller betre, jf. bokstav b punkt 1. Det er heller ikkje lenger karakterkrav for søkjarar som har bestått eksamen frå trinn 3 i norsk for utanlandske studentar ved universiteta, eller har bestått eksamen frå 1-årig høgskolestudium i norsk språk og samfunnskunnskap for utanlandske studentar, jf. bokstav b punkt 2 og 3.

Søkjarar med opptaksgrunnlag frå utlandet og som ikkje har utdanning på nivå med norsk 3-årig vidaregåande opplæring, og søkjarar som skal vurderast etter reglar om 23 års alder og 5 års arbeidserfaring, kan ikkje erstatte fagkravet om norsk (eller anna nordisk språk) med dokumentasjonsalternativa som går fram av punkt 2, 3 eller 4, eller med norsk/nordisk språk som morsmål.

Krav til engelsk:

Søkjarar med opptaksgrunnlaget frå utlandet og som kan dokumentere kunnskapar i engelsk på nivå med engelsk frå norsk vidaregåande skole, kan ikkje påleggjast å ta engelsk språktest.

Søkjarar med opptaksgrunnlaget frå utlandet og som tilfredsstiller krav om generell studiekompetanse, men som ikkje kan dokumentere engelsk på nivå med engelsk frå norsk vidaregåande skole, kan alternativt påleggjast å ta engelsk språktest (jf. SIS-lista).

1 Listen ligger på følgende nettsted: http://www.nnr.no/naic/index.html .

Til § 5 Realkompetanse

Realkompetanse omfattar all formell, ikkje-formell og uformell kompetanse som den vaksne søkjaren har. Det er den einskilde institusjonen sjølv som har ansvar for vurdering og opptak på grunnlag av realkompetanse.

Ein søkjar som har fått godkjend realkompetanse for opptak til eit studium ved ein institusjon, vil ikkje automatisk vere kvalifisert for opptak til andre studium ved same institusjon, heller ikkje til same type studium ved andre institusjonar. Vi viser og til rundskriv F-55-00 (18. desember 2000) som mellom anna omhandlar opptak på grunnlag av realkompetanse.

Til § 6 Dispensasjon

Gjennom lovendring er det opna for å gjere unntak frå krav om generell studiekompetanse i særskilde tilfelle, jf. § 37 nr. 3 i Uh-lova. Formålet er å hindre openberr urimeleg behandling av einskilde søkjarar. I Ot.prp.nr.40 (2001–2002), s. 50 har departementet m.a. følgjande merknad til § 37 nr. 3:

«Departementet kan gi forskrift om at institusjonene i særskilte tilfeller kan gjøre unntak fra kravene om generell studiekompetanse. Formålet med forskriftshjemmelen er å forhindre åpenbar urimelig behandling av enkeltsøkere. Det har i ulike sammenhenger vært tatt til orde for å etablere en adgang til å innvilge dispensasjon fra de fastsatte krav til generell studiekompetanse. Forslagene er fremmet med utgangspunkt i konkrete saker med søkere som hevder at de ikke har mulighet for å fullføre og bestå videregående opplæring (for eksempel på grunn av spesifikke lese-, skrive- eller matematikkvansker), og søkere som hevder at de ikke er i stand til å gjennomføre kravet om 5 års arbeidserfaring eller annen skolegang. Det legges til grunn at en unntaksbestemmelse fastsatt i forskrift kun skal komme til anvendelse i tilfeller hvor helt spesielle hensyn gjør seg gjeldende. I likhet med opptak på grunnlag av realkompetanse etter nr. 2, må det foretas en konkret vurdering av studentens kvalifikasjoner i forhold til det bestemte studium vedkommende søker opptak til. Det må godtgjøres at søkeren har nødvendige faglige forutsetninger for å gjennomføre det aktuelle studiet. Bestemmelsen vil gjelde søkere under 25 år. Søkere som er 25 år eller eldre vil på ordinært vis kunne søke opptak på grunnlag av realkompetanse etter nr. 2, og det vil for disse søkerne ikke stilles krav om at spesielle hensyn skal gjøre seg gjeldende.»

Til § 7 Unntak frå krav om generell studiekompetanse for opptak til bestemte studium

For studium som ikkje er nemnde her, gjeld normalt kravet om generell studiekompetanse dersom det ikkje er fastsett spesielle opptakskrav i § 8.

I samband med kvalitetsreforma har Stortinget gjort vedtak som har ført til at einskilde studium har fått nye namn. Vi viser til omtale under kommentarane til § 8 om spesielle opptakskrav.

Til § 8 Spesielle opptakskrav

For studium som ikkje er nemnde her, gjeld normalt kravet om generell studiekompetanse dersom det ikkje er fastsett unntak i § 7.

I samband med kvalitetsreforma har Stortinget gjort vedtak som har ført til at einskilde studium har fått nye namn. Vi viser spesielt til at ingeniørutdanning (integrert mastergrad) erstattar tidlegare «sivilingeniørutdanning» og at 3-årig ingeniørutdanning erstattar tidlegare «høgskoleingeniørutdanning», jf. § 8 bokstav d punkt 3 og 4 og § 7 bokstav b punkt 2 og 3.

Den tidlegare 4-årige «siviløkonomutdanninga» ved Noregs handelshøgskole, Høgskolen i Agder og Høgskolen i Bodø har fått nemninga økonomisk-administrativ utdanning, jf. § 8 bokstav e punkt 1.

Skjerpa opptakskrav

Departementet har i forskrifta lagt til grunn at tilnærma lik utdanning bør ha same opptakskrav. I nokre tilfelle fører dette til at krava er skjerpa for studium ved høgskolar der det har vore tilsvarande studium ved universitet eller vitskapeleg høgskole, jf. t.d. tidlegare «sivilingeniørutdanning» ved dei høgskolane som har hatt slike tilbod og «siviløkonomutdanning» ved høgskolane i Agder og Bodø.

Under bokstav a som omfattar helsefag, er farmasi tatt inn i punkt 1 saman med dei andre helsefaga som blir tilbydde ved universiteta. Det er såleis same krav for opptak til medisin, odontologi, ernæring og farmasi. Sidan det tidlegare var alternative fagkrav til farmasi, er det fastsett overgangsordning for denne utdanninga.

Vi gjer særskilt merksam på at det er fastsett spesielle opptakskrav for økonomisk-administrative fag ved Noregs handelshøgskole, Høgskolen i Agder og Høgskolen i Bodø, jf. § 8 bokstav e punkt 1. Dette kravet gjeld bare for utdanningar som erstattar den tidlegare «siviløkonomiutdanninga». For opptak til andre økonomisk-administrative studieprogram ved Høgskolen i Agder og Høgskolen i Bodø gjeld framleis krav om generell studiekompetanse. Departementet føreset at høgskolane sjølve informerer potensielle søkjarar om dei krava som gjeld for det einskilde studium.

Vi viser og til at det i § 8 bokstav c er fastsett spesielle opptakskrav til informatikk, realfag, natur- og miljøfag. Departementet gjer merksam på at institusjonane sjølve må definere og klargjere for potensielle søkjarar kva for studium dei tilbyr som svarar til slike studium. Vi viser og til at det er fastsett ulike krav for studium som er definerte som informatikkstudium og andre studium som omfattar realfag, natur- og miljøfag. Departementet gjer merksam på at dei spesielle opptakskrava normalt og skal gjelde for opptak til einskildemne som inngår i fastsette studieprogram.

Til § 9 Spesielle opptakskrav til desentralisert utdanning og deltidsutdanning

Vi viser til at institusjonane sjølve kan fastsetje spesielle opptakskrav til desentralisert og/eller deltidsutdanning. Det kan stillast krav om inntil 5 års yrkeserfaring, og at minimum 2 år skal vere relevant praksis.

Departementet minner om at institusjonane ikkje kan fastsetje tilleggskrav ut over yrkeserfaring og relevant arbeidspraksis.

Når eit studium er organisert som eit deltidsstudium og det berre blir tilbydd ein gong, er det rimeleg at det er fastsett krav om at søkjarane skal ha tilknyting til utdanningsstaden. Det geografiske området må i slike tilfelle ikkje definerast slik at grensene kan opplevast som vilkårlege. Opptaket bør heller ikkje avgrensast til søkjarar frå ein einskild eller eit fåtal kommunar.

Til § 10 Opptak på visse vilkår (Betinga opptak)

Det går fram av § 10 kven som har rett til opptak på visse vilkår. Det som er fastsett i denne paragrafen, gjeld og for søkjarar som har hatt dokumentert fråvær i fag som gir grunnlag for forbetra rangering, sjølv om eksamen i faget ikkje er nødvendig for å bli kjend kvalifisert for studiet.

Det skal gå fram av dokumentasjonen frå den vidaregåande skolen at særskilde tilhøve, som nemnde i andre ledd, var årsak til fråværet ved eksamen i eitt eller fleire spesifiserte fag, og at dette er grunnen til at eleven ikkje har fått dokumentasjon for fullført og bestått opplæring.

Attest for fråværet skal sendast til opptaksorganet saman med annan dokumentasjon som gjeld opptaket.

Dersom resultatet av utsett eksamen i eit fag ligg føre før utløpet av dokumentasjonsfristen for opptak til høgre utdanning, kan ikkje institusjonen gi opptak på visse vilkår.

Søkjarar som får tilbod om opptak på visse vilkår, skal opplysast om dette i tilbodsbrevet.

Søkjarar som blir tekne opp om sommaren, må bestå utsett eksamen i løpet av haustsemesteret. Søkjarar som blir tekne opp om vinteren, må bestå utsett eksamen i løpet av vårsemesteret.

Til § 11 og § 12 som omhandlar overgangsreglar

§ 11 er vidareføring av reglar som tidlegare var fastsette i forskrift om generell studiekompetanse.

I tilfelle der det er fastsett nye spesielle opptakskrav i § 8 som inneber ei skjerping av opptakskrav, er det fastsett overgangsordningar i § 12 om at dei ikkje får verknad før opptak til studieåret 2005–2006.