Forskrift om fremskyndet innføring av krav om dobbeltskrogsdesign eller tilsvarende design for oljetankskip med enkeltskrog.

§ 1 . Innfasing av krav om dobbeltskrogsdesign eller tilsvarende design

Forordning (EF) nr. 417/2002 om fremskyndet innføring av krav om dobbeltskrogs- eller tilsvarende design for oljetankskip med enkeltskrog og oppheving av forordning (EF) nr. 2978/94 gjelder som forskrift.

Denne forskrift gjelder for norske oljetankskip og alle oljetankskip som anløper norsk havn, slik disse er definert i artikkel 3 i forordningen.

§ 2 . Rederens og førerens plikter

Reder og fører skal sørge for at bestemmelsene i denne forskrift blir fulgt.

§ 3 . Tilsynsmyndighet

Sjøfartsdirektoratet eller den det bemyndiger skal føre tilsyn med at denne forskrift følges.

§ 4 . Ikrafttredelse

Denne forskrift trer i kraft straks.

Vedlegg

EUROPAPARLAMENTS- OG RÅDSFORORDNING (EF) nr. 417/2002

av 18. februar 2002

om framskunda innføring av krav om dobbelt skrog eller tilsvarande konstruksjon for oljetankskip med enkelt skrog og om oppheving av rådsforordning (EF) nr. 2978/94

EUROPAPARLAMENTET OG RÅDET FOR DEN EUROPEISKE UNIONEN HAR –

med tilvising til traktaten om skipinga av Det europeiske fellesskapet, særleg artikkel 80 nr. 2,

med tilvising til framlegget frå Kommisjonen, 1

med tilvising til fråsegna frå Økonomi- og sosialutvalet, 2

med tilvising til fråsegna frå Regionutvalet, 3

etter den framgangsmåten som er fastsett i artikkel 251 i traktaten, 4 og

Innanfor ramma av den felles transportpolitikken må det vedtakast ytterlegare tiltak for å auke tryggleiken og hindre ureininga innan sjøtransport. Fellesskapet er veldig uroa over skipsulukkene der oljetankskip er innblanda og den påfølgjande ureininga av kystlinja til Fellesskapet og skadane på dyrelivet, plantelivet og andre ressursar i sjøen. I meldinga «ein felles politikk for tryggleik til sjøs» la Kommisjonen vekt på oppmodinga frå det ekstraordinære møtet til Rådet om miljø og transport 25. januar 1993 om å støtte innsatsen til Den internasjonale sjøfartsorganisasjonen (IMO) for å redusere skilnaden mellom nye og eksisterande skip med omsyn til tryggleik, ved å oppgradere og/eller fase ut dei eksisterande skipa. I resolusjonen om ein felles politikk for tryggleik til sjøs 5 helsa Europaparlamentet kommisjonsmeldinga velkomme og oppmoda særleg til innsats for å betre tryggleiksstandarden med omsyn til tankskip. Rådet har ved resolusjonen av 8. juni 1993 om ein felles politikk for tryggleik til sjøs 6 gjeve full støtte til måla i kommisjonsmeldinga. I resolusjonen som vart vedteken 20. januar 2000 om oljeureininga utanfor den franske kysten, helsa Europaparlamentet velkomme all innsats frå Kommisjonen for å framskunde datoen for innføring av dobbelt skrog på oljetankskip. Den internasjonale sjøfartsorganisasjonen (IMO) har i Den internasjonale konvensjonen om hindring av ureining frå skip av 1973 og den tilhøyrande protokollen av 1978 (MARPOL 73/78) fastsett internasjonalt godkjende reglar for hindring av ureining som omfattar konstruksjon og drift av oljetankskip. Medlemsstatane er partar i MARPOL 73/78. I samsvar med artikkel 3 nr. 3 i MARPOL 73/78 gjeld denne konvensjonen ikkje for krigsskip, hjelpeskip for marinen eller andre skip som høyrer til eller vert drive av ein stat, og som berre vert nytta i offentleg, ikkje-kommersiell teneste. Ved ei samanlikning av ulukkes- og aldersstatistikkane for tankskip går det fram at eldre skip oftare har ulukker. Det er internasjonal semje om at endringane som vart gjorde i 1992 til MARPOL 73/78, der det vart fastsett krav om bruk av dobbelt skrog eller tilsvarande konstruksjon for eksisterande oljetankskip med enkelt skrog når dei når ein viss alder, sikrar eit høgare nivå med omsyn til vern mot utilsikta oljeureining ved kollisjon eller grunnstøyting. Det er i Fellesskapet si interesse å vedta tiltak for å sikre at dei oljetankskipa som legg til ved dei hamnene eller terminalane til sjøs som er under jurisdiksjonen til ein medlemsstat, og dei oljetankskipa som seglar under flagget til medlemsstatar, stettar regel 13G i vedlegg I til Marpol 73/78, revidert i 2001 ved resolusjon MEPC 95(46), for å redusere risikoene for utilsikta oljeureining i europeiske farvatn. Endringane til MARPOL 73/78-konvensjonen som IMO vedtok 6. mars 1992, tok til å gjelde 6. juli 1993. I desse tiltaka er det fastsett krav om dobbelt skrog eller tilsvarande konstruksjon for oljetankskip som vert leverte 6. juli 1996 eller seinare, med sikte på å hindre utilsikta oljeureining ved kollisjon eller grunnstøyting. Desse endringane omfatta òg ei ordning som tok til å gjelde 6. juli 1995, for gradvis innføring av dobbelt skrog eller tilsvarande konstruksjon for oljetankskip med enkelt skrog som vart leverte før den datoen. Oljetankskip som er leverte før 1. juni 1982, skal stette krava om dobbelt skrog eller tilsvarande konstruksjon seinast 25 år og i visse høve 30 år etter leveringsdatoen. Slike eksisterande oljetankskip med enkelt skrog vil ikkje lenger kunne nyttast etter 2007 og i visse høve 2012 med mindre dei stettar krava om dobbelt skrog eller tilsvarande konstruksjon som er fastsette i regel 13F i vedlegg I i MARPOL 73/78. Denne fristen utløper seinast 2026 for eksisterande oljetankskip med enkelt skrog som er leverte før 1. juni 1982, eller dei som er leverte før denne datoen og som er ombygde for å stette krava i MARPOL 73/78 om åtskilde ballasttankar og trygg plassering av desse. I resolusjonen MEPC 95(46) vedtok IMO sitt utval for vern av havmiljøet på det 46. møtet sitt 27. april 2001, nye vesentlege endringar til regel 13G i vedlegg I til MARPOL 73/78. Ved denne resolusjonen, som tek til å gjelde 1. september 2002, vert det innført ei ny ordning for framskunda utfasing av oljetankskip med enkelt skrog. Dei nye fristane for når oljetankskipa må stette regel 13F i vedlegg I til MARPOL 73/78 kjem an på storleiken og alderen til skipet. Oljetankskipa er difor i denne ordninga delte inn i tre kategoriar etter tonnasje, konstruksjon og alder. Alle desse kategoriane, medrekna den minste (3), er viktige i handelen innanfor Fellesskapet. Den siste fristen for når eit oljetankskip må fasast ut er årsdagen for leveringsdatoen til skipet i følgje ein tidsplan som løper frå 2003 til 2007 for oljetankskip i kategori 1, og til 2015 for oljetankskip i kategori 2 og 3. I den reviderte regel 13G i MARPOL 73/78 vert krava for oljetankskip i kategori 1 haldne ved lag med omsyn til å ha vingtankar og dobbeltbotnrom på stader som er sikra og som ikkje vert nytta til transport av olje, og å nytte berre hydrostatisk balansert lasting. Med den same regelen vert det innført eit krav om at oljetankskip i kategori 1 eller 2 ikkje kan drivast etter årsdagen for leveringsdatoen deira i høvesvis 2005 og 2010 med mindre dei stettar tilstandsvurderingsordninga (Condition Assessment Scheme (CAS)) som vart vedteken av IMO 27. april 2001 i resolusjonen MEPC 94(46). CAS-ordninga krev at flaggstatsstyresmakta utferdar ei samsvarsfråsegn og at han tek del i framgangsmåtane for inspeksjon under CAS. I medhald av nr. 5 i den nemnde regelen kan oljetankskip i kategori 2 og 3 unntaksvis og i visse høve drivast etter fristen for når dei skal fasast ut. Nr. 8 bokstav b) i den nemnde regelen gjev partane i MARPOL 73/78-konvensjonen rett til å nekte oljetankskip som vert drive i medhald av dette unntaket, å leggje til ved dei hamnene eller terminalane til sjøs som er under jurisdiksjonen deira. Medlemsstatane har gjort det klart at dei aktar å nytte denne retten. Avgjerda om å nytte denne regelen må sendast til IMO. Det er viktig å sikre at føresegnene i denne forordninga ikkje set i fare tryggleiken til mannskap og oljetankskip som søkjer naudhamn eller ly. For at skipsverft i medlemsstatane skal kunne tillatast å reparere oljetankskip med enkelt skrog kan medlemsstatane unntaksvis gje slike skip tilgang til hamnene sine dersom dei ikkje har noko last. Det bør vere mogleg å endre visse føresegner i denne forordninga slik at dei vert i samsvar med dei internasjonale instrumenta som er vedtekne, endra eller har teke til å gjelde etter at denne forordninga tok til å gjelde, utan at verkeområdet til forordninga vert utvida. Desse endringane bør vedtakast i samsvar med rådsbeslutning 1999/468/EF av 28. juni 1999 om fastsettelse av nærmere regler for utøvelsen av den gjennomføringsmyndighet som er tillagt Kommisjonen. 7 Med tanke på at fristen nærmar seg for oljetankskip med enkelt skrog som ikkje er i samsvar med krava i MARPOL 73/78 om åtskilde ballasttankar og trygg plassering av desse, og at dette er særleg viktig for oljetankskip i kategori 1, er det ikkje nokon grunn til å halde ved lag avgiftsordninga i forordning (EF) nr. 2978/94, 8 som skil mellom slike oljetankskip og oljetankskip som stettar dei nemnde krava etter 2007; forordning (EF) nr. 2978/94 bør difor opphevast –

1 TEF C 212 E av 25.7.2000, s. 121 og TEF C 154 E av 29.5.2001, s. 41.

2 TEF C 14 av 16.1.2001, s. 22.

3 TEF C 22 av 24.1.2001, s. 19.

4 Europaparlamentsfråsegn av 30. november 2000 (TEF C 228 av 13.8.2001, s. 140), felles haldning frå Rådet av 7. august 2001 (TEF C 307 av 31.10.2001, s. 41) og europaparlamentsavgjerd av 13. desember 2001.

5 TEF C 91 av 28.3.1994, s. 301.

6 TEF C 271 av 7.10.1993, s. 1.

7 TEF L 184 av 17.7.1999, s. 23.

8 Rådsforordning (EF) nr. 2978/94 av 21. november 1994 om gjennomføring av IMO-resolusjon A.747(18) om måling av ballastrom i oljetankskip med atskilte ballasttanker (TEF L 319 av 12.12.1994, s. 1).

VEDTEKE DENNE FORORDNINGA:

Artikkel 1 Mål

Målet med denne forordninga er å fastsetje ei ordning for framskunda innføring av krav om dobbelt skrog eller tilsvarande konstruksjon i MARPOL 73/78-konvensjonen for oljetankskip med enkelt skrog.

Artikkel 2 Verkeområde

legg til ved hamner eller terminalar til sjøs som er under jurisdiksjonen til ein medlemsstat, uanset kva flagg dei seglar under, eller som seglar under flagget til ein medlemsstat.

2. Denne forordninga skal ikkje nyttast på krigsskip, hjelpeskip for marinen eller andre skip som høyrer til eller vert drive av ein stat og som inntil vidare berre vert nytta i offentleg, ikkje-kommersiell teneste. Medlemsstatane skal så langt det er rimeleg og mogleg stette denne forordninga med omsyn til skip som er nemnde i dette nummeret.

Artikkel 3 Definisjonar

«MARPOL 73/78» Den internasjonale konvensjonen om hindring av ureining frå skip av 1973, som endra ved den tilhøyrande protokollen av 1978, samt dei endringane av denne som tok til å gjelde 18. februar 2002, «revidert regel 13G i vedlegg 1 til MARPOL 73/78» dei endringane som er gjorde til regel 13G i vedlegg 1 til MARPOL 73/78 og til supplementet til det internasjonale sertifikatet for hindring av oljeureining, som vart vedtekne ved resolusjon MEPC 94(46) av 27. april 2001, som tek til å gjelde 1. september 2002. «oljetankskip» eit oljetankskip som definert i regel 1 nr. 4 i vedlegg I til MARPOL 73/78, «daudvekt» daudvekt som definert i regel 1 nr. 22 i vedlegg 1 til MARPOL 73/78, «nytt oljetankskip» nytt oljetankskip som definert i regel 1 nr. 26 i vedlegg I til MARPOL 73/78, «oljetankskip i kategori 1» oljetankskip med ei daudvekt på 20.000 tonn eller meir, som fraktar råolje, brennolje, tung dieselolje eller smøreolje, og oljetankskip med ei daudvekt på 30.000 tonn eller meir, som fraktar anna olje enn det som er nemnd ovanfor, som ikkje stettar krava for nye oljetankskip, som definert i regel 1 nr. 26 i vedlegg I til MARPOL 73/78, «oljetankskip i kategori 2» oljetankskip med ei daudvekt på 20.000 tonn eller meir, som fraktar råolje, brennolje, tung dieselolje eller smøreolje, og oljetankskip med ei daudvekt på 30.000 tonn eller meir, som fraktar anna olje enn det som er nemnd ovanfor, som stettar krava for nye oljetankskip, som definert i regel 1 nr. 26 i vedlegg I til MARPOL 73/78, «oljetankskip i kategori 3» eit oljetankskip med ei daudvekt på 5.000 tonn eller meir, men mindre enn det som er spesifisert i definisjon 6 og 7, «oljetankskip med enkelt skrog» eit oljetankskip som ikkje er i samsvar med krava med omsyn til dobbelt skrog eller tilsvarande konstruksjon i regel 13F nr. 3 i vedlegg I til MARPOL 73/78, «oljetankskip med enkelt skrog» eit oljetankskip som er i samsvar med krava med omsyn til dobbelt skrog eller tilsvarande konstruksjon i regel 13F nr. 3 i vedlegg I til MARPOL 73/78, «alder» alderen til skipet uttrykt i kor mange år som er gått etter leveringsdatoen, «tung dieselolje» dieselolje som definert i revidert regel 13G i vedlegg I til MARPOL 73/78, «brennolje» tunge destillater eller rester av råolje eller ei blanding av desse produkta som definert i regel 13G i vedlegg I til MARPOL 73/78.

Artikkel 4 Stetting av krava om dobbelt skrog eller tilsvarande konstruksjon med omsyn til oljetankskip med enkelt skrog

for oljetankskip i kategori 1: 2003 for skip som er leverte i 1973 eller tidlegare, 2004 for skip som er leverte i 1974 og 1975, 2005 for skip som er leverte i 1976 og 1977, 2006 for skip som er leverte i 1978, 1979 og 1980, 2007 for skip som er leverte i 1981 eller seinare, for oljetankskip i kategori 2: 2003 for skip som er leverte i 1973 eller tidlegare, 2004 for skip som er leverte i 1974 og 1975, 2005 for skip som er leverte i 1976 og 1977, 2006 for skip som er leverte i 1978 og 1979, 2007 for skip som er leverte i 1980 og 1981, 2008 for skip som er leverte i 1982, 2009 for skip som er leverte i 1983, 2010 for skip som er leverte i 1984, 2011 for skip som er leverte i 1985, 2012 for skip som er leverte i 1986, 2013 for skip som er leverte i 1987, 2014 for skip som er leverte i 1988, 2015 for skip som er leverte i 1989 eller seinare. for oljetankskip i kategori 3: 2003 for skip som er leverte i 1973 eller tidlegare, 2004 for skip som er leverte i 1974 og 1975, 2005 for skip som er leverte i 1976 og 1977, 2006 for skip som er leverte i 1978 og 1979, 2007 for skip som er leverte i 1980 og 1981, 2008 for skip som er leverte i 1982, 2009 for skip som er leverte i 1983, 2010 for skip som er leverte i 1984, 2011 for skip som er leverte i 1985, 2012 for skip som er leverte i 1986, 2013 for skip som er leverte i 1987, 2014 for skip som er leverte i 1988, 2015 for skip som er leverte i 1989 eller seinare.

det skal ha vingtankar eller dobbeltbotnrom som ikkje vert nytta til frakt av olje, og som stettar krava med omsyn til breidd og høgd i regel 13E nr. 4 i vedlegg 1 til MARPOL 73/78, og dekke minst 30% av L t i heile djupet til skipet på kvar side eller minst 30% av det projiserte botnarealet innanfor lengda av L t , når L t er som definert i nr. 2 i regel 13F i vedlegg 1I til MARPOL 73/78, eller det skal nytte hydrostatisk balansert lasting i samsvar med retningslinjene som er utarbeidde av IMO ved resolusjon MEPC 64(36).

Artikkel 5 Stetting av tilstandsvurderingsordninga med omsyn til oljetankskip i kategori 1 og 2

1. Eit oljetankskip skal ikkje tillatast å leggje til ved dei hamnene eller terminalane til sjøs som er under jurisdiksjonen til ein medlemsstat, etter årsdagen for leveringsdatoen til skipet i 2005 for oljetankskip i kategori 1, og i 2010 for skip i kategori 2, med mindre skipet stettar tilstandsvurderingsordninga som er nemnd i artikkel 6.

2. Dei rette styresmaktene i ein medlemsstat kan tillate eit oljetankskip som seglar under flagget til den medlemsstaten, å vere i drift etter årsdagen for leveringsdatoen til skipet i 2005 for oljetankskip i kategori 1, og i 2010 for skip i kategori 2, dersom skipet stettar tilstandsvurderingsordninga som er nemnd i artikkel 6.

Artikkel 6 Tilstandsvurderingsordning

I medhald av artikkel 5 skal tilstandsvurderingsordninga som er vedteken ved resolusjon MEPC 94(96) av 27. april 2001, nyttast.

Artikkel 7 Frist

oljetankskip i kategori 2 og 3 som seglar under flagget til ein medlemsstat, å vere i drift, i samsvar med nr. 5 i den reviderte regel 13G i vedlegg I til Marpol 73/78, og andre oljetankskip i kategori 2 og 3 å leggje til ved dei hamnene eller terminalane til sjøs som er under jurisdiksjonen til ein medlemsstat, sjølv om dei framleis seglar under flagget til ein tredjestat i samsvar med nr. 5 i den reviderte regel 13G i vedlegg I til Marpol 73/78.

Artikkel 8 Unntak for skip som er i vanskar eller for skip som skal reparerast

eit oljetankskip er i vanskar eller søkjer ly, eit oljetankskip utan last er på veg til ei hamn for å verte reparert.

2. Medlemsstatane skal i god tid, men før 1. september 2002, melde frå til Kommisjonen om dei internrettslege føresegnene som dei vil nytte i dei høva som er nemnde i nr. 1. Kommisjonen skal melde frå til dei andre medlemsstatane om dette.

Artikkel 9 Melding til IMO

1. Formannskapet i Rådet, som handlar på vegner av medlemsstatane, og Kommisjonen skal saman informere IMO om vedtakinga av denne forordninga og samstundes vise til artikkel 211 nr. 3 i havrettskonvensjonen til Dei sameinte nasjonane.

2. Kvar medlemsstat skal informere IMO om avgjerda si om å nekte oljetankskip som vert drive i samsvar med føresegnene i nr. 5 i den revidert regel 13G i vedlegg I til MARPOL 73/78, å leggje til ved dei hamnene eller terminalane til sjøs som er under jurisdiksjonen til medlemsstaten, på grunnlag av nr. 8 bokstav b) i den revidert regel 13G i vedlegg I til MARPOL 73/78.

3. Kvar medlemsstat skal melde frå til IMO om han tillèt, kallar attende, opphevar eller nektar drift av oljetankskip i kategori 1 eller 2 som har rett til å segle under flagget til medlemsstaten i samsvar med artikkel 5, på grunnlag av nr. 8 bokstav a) i den reviderte regel 13G i vedlegg I til MARPOL 73/78.

Artikkel 10 Utvalsframgangsmåte

1. Kommisjonen skal få hjelp av eit utval som er oppnemnd i medhald av artikkel 12 nr. 1 i rådsdirektiv 93/75/EØF, 1 heretter kalla «utvalet».

Det tidsrommet som er fastsett i artikkel 5 nr. 6 i avgjerd 1999/468/EF, skal vere tre månader.

3. Utvalet fastset møteføresegnene sine.

1 Rådsforordning (EF) nr. 2978/94 av 21. november 1994 om gjennomføring av IMO-resolusjon A.747(18) om måling av ballastrom i oljetankskip med atskilte ballasttanker (TEF L 319 av 12.12.1994, s. 1).

Artikkel 11 Framgangsmåte for endring

Tilvisingane i artiklane i denne forordninga til reglane i vedlegg I til MARPOL 73/78 og til resolusjon MEPC 94(46) og 95(46) skal eventuelt endrast i samsvar med framgangsmåten i artikkel 10 nr. 2 for å tilpasse dei til endringar av desse reglane og resolusjonane som er vedtekne av IMO, så lenge slike endringar ikkje utvidar verkeområdet til denne forordninga.

Artikkel 12 Oppheving

Forordning (EF) nr. 2978/94/EF vert oppheva frå 31. desember 2007.

Artikkel 13 Iverksetjing

Denne forordninga tek til å gjelde 20. dagen etter at ho er kunngjord i Tidend for Dei europeiske fellesskapa.

Ho skal nyttast frå 1. september 2002.

Denne forordninga er bindande i alle delar og gjeld direkte i alle medlemsstatane.

Utferda i Brussel, 18. februar 2002.

For Europaparlamentet

P. COX

President

For Rådet

J. PICQUÉ I CAMPS

Formann