Forskrift om endring i forskrift om kommunefordeling av grunnlaget for eigedomsskatt for kraftanlegg.

I

I forskrift av 20. desember 2000 nr. 1393 om kommunefordeling av grunnlaget for eigedomsskatt for kraftanlegg blir det gjort følgjande endringar:

§ 5 første leden første punktum skal lyde:

Sentralskattekontoret for storbedriftar fastset kommunefordelinga av eigedomsskattegrunnlag for kraftanlegg som nemnd i denne forskrift.

§ 5 andre leden skal lyde:

Dei eigedomsskattepliktige kan påklaga Sentralskattekontoret for storbedriftar si avgjerd etter første leden til Riksskattenemnda.

§ 5 tredje leden andre punktum skal lyde:

Klagen skal sendast til Sentralskattekontoret for storbedriftar.

II

Endringane trer i kraft straks med verknad frå og med eigedomsskatteåret 2005.