Forskrift om endring i forskrift om fremskyndet innføring av krav om dobbeltskrogdesign eller tilsvarende design for oljetankskip med enkeltskrog.

I

I forskrift 20. februar 2003 nr. 254 om fremskyndet innføring av krav om dobbeltskrogdesign eller tilsvarende design for oljetankskip med enkeltskrog gjøres følgende endringer:

§ 1 skal lyde:

Forordning (EF) nr. 417/2002 om fremskyndet innføring av krav om dobbeltskrogs- eller tilsvarende design for oljetankskip med enkeltskrog og oppheving av forordning (EF) nr. 2978/94, som endret ved EØS-avtalens vedlegg XIII nr. 53 (forordning (EF) nr. 2099/2002 om nedsettelse av en komité for sikkerhet til sjøs og hindring av forurensning fra skip (COSS) og om endring av forordningene om sjøsikkerhet og hindring av forurensning fra skip), samt forordning (EF) nr. 1726/2003 som endrer forordning (EF) nr. 417/2002, gjelder som forskrift.

Denne forskrift gjelder for norske oljetankskip og alle oljetankskip som anløper norsk havn, slik disse er definert i artikkel 3 i forordningen.

Forskriftens vedlegg får overskriften Vedlegg I.

Nytt vedlegg II skal lyde:

EUROPAPARLAMENTS- OG RÅDSFORORDNING (EF) nr. 1726/2003 *

av 22. juli 2003

om endring av rådsforordning (EF) nr. 417/2002 om framskunda innføring av krav om dobbelt skrog eller tilsvarande konstruksjon for oljetankskip med enkelt skrog

* Oversettelsen er uoffisiell.

EUROPAPARLAMENTET OG RÅDET FOR DEN EUROPEISKE UNIONEN HAR –

med tilvising til traktaten om skipinga av Det europeiske fellesskapet, særleg artikkel 80 nr. 2,

med tilvising til framlegget frå Kommisjonen, 1

med tilvising til fråsegna frå Økonomi- og sosialutvalet, 2

etter å ha rådspurt Regionutvalet,

etter den framgangsmåten som er fastsett i artikkel 251 i traktaten, 3 og

I forordning (EF) nr. 417/2002 4 er det fastsett ei ordning for framskunda innføring av krav om dobbelt skrog eller tilsvarande konstruksjon i MARPOL 73/78-konvensjonen for oljetankskip med enkelt skrog, for å redusere risikoane for utilsikta oljeureining i europeiske farvatn. Kommisjonen og medlemsstatane bør gjere alt dei kan for å sikre at liknande reglar som dei som er omfatta av denne forordninga om endring av forordning (EF) nr. 417/2002, kan fastsetjast på verdsplan i 2003 gjennom ei endring av MARPOL-konvensjonen. Både Rådet og Kommisjonen helsar velkommen den viljen som Den internasjonale sjøfartsorganisasjonen (IMO) har til å halde eit tilleggsmøte i Utvalet for vern av havmiljøet (MEPC) i desember 2003 for å gjere det lettare å finne ei internasjonal løysing med omsyn til framskunda utfasing av oljetankskip med enkelt skrog og innføring av eit forbod på kort sikt mot oljetankskip med enkelt skrog som fraktar tunge oljer. Fellesskapet ser med stor uro på at aldersgrensene for drift av oljetankskip med enkelt skrog i forordning (EF) nr. 417/2002 ikkje er tilstrekkeleg strenge. Desse aldersgrensene bør gjerast lågare, særleg på bakgrunn av forliset til «Prestige», eit oljetankskip med enkelt skrog i kategori 1, som var like gammalt som «Erika» (26 år). I kommisjonsmeldinga til Europaparlamentet og Rådet om tryggleiken ved oljetransport til sjøs vart det gjort framlegg om aldersgrenser på høvesvis 23, 28 og 25-30 år for tre kategoriar oljetankskip med enkelt skrog, og endelege fristar til høvesvis 2005, 2010 og 2015 for slike tanskip. I det opphavlege framlegget frå Kommisjonen er det fastsett at forordninga skal nyttast på oljetankskip på 600 tonn daudvekt eller meir. Dei grensene som til slutt vart fastsette i forordning (EF) nr. 417/2002 på grunnlag av forhandlingar, var mindre strenge på alle område. I kommisjonsmeldinga til Europaparlamentet og Rådet om betring av sjøtryggleiken etter forliset til oljetankskipet «Prestige» vart det slått fast at Kommisjonen aktar å gjere framlegg om ei forordning om forbod mot transport av tunge oljer i oljetankskip med enkelt skrog som har kurs for eller som seglar frå medlemsstatshamner. I konklusjonane til Rådet av 6. desember 2002 vart Kommisjonen oppmoda til snarast mogleg å gjere framlegg om framskunda utfasing av oljetankskip med enkelt skrog og om innføring av tilstandsvurderingsordninga for alle typar tankskip som er over 15 år gamle. Rådet var òg samd i at tunge oljer berre bør fraktast i oljetankskip med dobbelt skrog. Framskunda utfasing av skip med enkelt skrog vil føre til ein monaleg auke i talet på skip til opphogging, og det bør difor gjerast ein innsats for å sikre at skip til opphogging vert handsama på ein måte som er sikker for menneske og miljø. Tilstandsvurderingsordninga er utforma for å oppdage veikskapar i strukturen til gamle tankskip, og frå 2005 bør ho difor nyttast på alle oljetankskip som er meir enn 15 år gamle. I resolusjonen sin av 21. november 2002 om katastrofen med oljetankskipet «Prestige» utanfor kysten av Galicia oppmoda Europaparlamentet til meir verksame tiltak som kan setjast i verk snøggare, og slo fast at denne nye katastrofen nok ein gong har streka under kor viktig det er med effektive tiltak på internasjonalt plan og EU-plan for ei monaleg betring av tryggleiken til sjøs. Rådet og medlemsstatane bør gje Kommisjonen eit mandat til å forhandle innanfor IMO om gjennomføring av føresegnene i denne forordninga. Ettersom den snøgt aukande mengda av olje som vert frakta over Austersjøen, utgjer ein risiko for havmiljøet, særleg om vinteren, bør dei oljetankskipa som legg til ved eller seglar frå ei hamn eller ein offshoreterminal, eller som ankrar opp i eit område som er underlagt jurisdiksjonen til ein medlemsstat i den regionen, vere utstyrde med forsterking mot is og framdriftsmaskineri som stettar dei krava som forvaltinga i medlemsstaten stiller, når istilhøva krev bruk av fartøy som har forsterking mot is. Det er særs viktig å få tredjestatar, særleg søkjarstatar og nabostatar til EU, til å plikte seg til å slutte å nytte oljetankskip med enkelt skrog. Laste- eller containerskip har ofte lagra tung brennolje som drivstoff i mengder som i stor grad kan overstige lasta til mindre oljetankskip. Kommisjonen bør gjere framlegg til Europaparlamentet og Rådet så snøgt som råd, for å sikre at olje som vert nytta til drivstoff, vert lagra i sikre tankar med doble vegger på nye skip. Europeiske skipsverft har den fagkunnskapen som er naudsynt for å byggje tankskip med dobbelt skrog. Kommisjonen og medlemsstatane bør difor ved hjelp av høvelege rettsakter og program freiste å sikre at den auka etterspurnaden etter sikre oljetankskip med dobbelt skrog som følgjer av denne forordninga, har ein positiv innverknad på skipsbyggingsindustrien i Fellesskapet. Forordning (EF) nr. 417/2002 bør difor endrast –

1 Enno ikkje offentleggjord i TEU.

2 TEU C 133 av 6.6.2003, s. 97.

3 Fråsegn frå Europaparlamentet av 4. juni 2003 (enno ikkje offentleggjord i TEU) og rådsavgjerd av 22. juli 2003.

4 TEF L 64 av 7.3.2002, s. 1. Forordninga endra ved forordning (EF) nr. 2099/2002 (TEF L 324 av 29.11.2002, s. 1).

VEDTEKE DENNE FORORDNINGA:

Artikkel 1

I artikkel 1 skal følgjande leggjast til: «, og å forby transport av tunge oljer til eller frå medlemsstatshamner i oljetankskip med enkelt skrog.» I artikkel 2 skal nr. 1 lyde: Denne forordninga skal nyttast på oljetankskip på 5 000 tonn daudvekt eller meir, som legg til ved eller seglar frå hamner eller offshoreterminalar, eller som ankrar opp i eit område som er underlagt jurisdiksjonen til ein medlemsstat, utan omsyn til kva flagg dei seglar under, eller som seglar under flagget til ein medlemsstat. For føremålet med artikkel 4 nr. 3 skal denne forordninga nyttast på oljetankskip på 600 tonn daudvekt eller meir.» I artikkel 3 vert det gjort følgjande endringar: Nr. 10 skal lyde: «oljetankskip med dobbelt skrog» eit oljetankskip som stettar krava om dobbelt skrog eller tilsvarande konstruksjon i regel 13F i vedlegg I til MARPOL 73/78. Eit oljetankskip som stettar føresegnene i nr. 1 bokstav c) i den reviderte regel 13G i vedlegg I til MARPOL 73/78, vert òg rekna som oljetankskip med dobbelt skrog,» Nytt nr. 14 skal lyde: «tunge oljer» råoljer med ein densitet ved 15 °C på over 900 kg/m 3 , * brennoljer med ein densitet ved 15 °C på over 900 kg/m 3 eller ein kinematisk viskositet ved 50 °C på over 180 mm 2 /s , ** bitumen og tjøre og emulsjonar av desse.

* Tilsvarer ein API-grad på under 25,7.

** Tilsvarer ein kinematisk viskositet på over 180 cSt.»

I artikkel 4 vert det gjort følgjande endringar: I nr. 1 skal bokstav a) og b) lyde: for oljetankskip i kategori 1: 2003 for skip som er leverte i 1980 eller tidlegare, 2004 for skip som er leverte i 1981, 2005 for skip som er leverte i 1982 eller seinare, for oljetankskip i kategori 2 og 3: 2003 for skip som er leverte i 1975 eller tidlegare, 2004 for skip som er leverte i 1976, 2005 for skip som er leverte i 1977, 2006 for skip som er leverte i 1978 og 1979, 2007 for skip som er leverte i 1980 og 1981, 2008 for skip som er leverte i 1982, 2009 for skip som er leverte i 1983, 2010 for skip som er leverte i 1984 eller seinare.» Bokstav c) vert oppheva. Nytt nr. 2 skal lyde: Utan omsyn til føresegnene i nr. 1 kan oljetankskip i kategori 2 eller 3 – som berre har dobbel botn eller doble sider som ikkje vert nytta til transport av olje, og som strekkjer seg langs heile lengda av lastetanken, eller oljetankskip med dobbeltbotnrom som ikkje vert nytta til transport av olje, og som strekkjer seg langs heile lengda av lastetanken, men som ikkje stettar krava for å få unntak frå føresegnene i nr. 1 bokstav c) i den reviderte regel 13G i vedlegg I til MARPOL 73/78 – framleis nyttast etter den datoen som er nemnd i nr. 1, men ikkje etter årsdagen for leveringsdatoen til skipet i 2015 eller etter 25-årsdagen for leveringsdatoen til skipet, alt etter kva årsdag som kjem først.» Noverande nr. 2 skal lyde: Det er ikkje tillate for oljetankskip som fraktar tunge oljer, utan omsyn til kva flagg dei seglar under, å leggje til ved eller segle frå hamner eller offshoreterminalar, eller ankre opp i eit område som er underlagt jurisdiksjonen til ein medlemsstat, med mindre tankskipet har dobbelt skrog.» Nye nr. 4, 5 og 6 skal lyde: Oljetankskip som berre vert nytta i hamner og til fart på innlandsvassvegar, kan få unntak frå den plikta som er nemnd i nr. 3, dersom dei har tilbørleg løyve i medhald av regelverket for innlandsvassvegar. Oljetankskip med ei daudvekt på mindre enn 5 000 tonn må vere i samsvar med føresegnene i nr. 3 seinast på årsdagen for leveringsdatoen til skipet i 2008. Fram til 21. oktober 2005 kan ein medlemsstat, når istilhøva krev bruk av fartøy som har forsterking mot is, tillate oljetankskip med forsterking mot is og med enkelt skrog med dobbel botn som ikkje vert nytta til transport av olje, og som strekkjer seg langs heile lengda av lastetankane, å leggje til ved eller segle frå ei hamn eller ein offshoreterminal eller å ankre opp med tunge oljer i lasta i eit område som er underlagt jurisdiksjonen til ein medlemsstat, dersom den tunge olja vert frakta berre i tankane midt i skipet.» Artikkel 5 skal lyde: « Artikkel 5 Stetting av tilstandsvurderinga for oljetankskip i kategori 2 og 3 Det er ikkje tillate for oljetankskip med enkelt skrog som er eldre enn 15 år, utan omsyn til kva flagg dei seglar under, å leggje til ved eller segle frå hamner eller offshoreterminalar eller å ankre opp eit i område som er underlagt jurisdiksjonen til ein medlemsstat, etter årsdagen for leveringsdatoen til skipet i 2005 for skip i kategori 2 og 3, med mindre skipet stettar krava i den tilstandsvurderingsordninga som er nemnd i artikkel 6.» Artikkel 6 skal lyde: « Artikkel 6 Tilstandsvurderingsordning for skip I medhald av artikkel 5 skal tilstandsvurderingsordninga for skip, som er vedteken ved resolusjon MEPC.94(46) av 27. april 2001, med seinare endringar, nyttast.» I artikkel 8 skal den innleiande delen i nr. 1 lyde: Som eit unntak frå artikkel 4, 5 og 7 kan den rette styresmakta i medlemsstaten, med atterhald for nasjonale føresegner, i særskilte høve tillate eit skip å leggje til ved eller segle frå ei hamn eller ein offshoreterminal eller å ankre opp i eit område som er underlagt jurisdiksjonen til denne medlemsstaten, når».

Artikkel 2

Formannskapet i Rådet, som handlar på vegner av medlemsstatane, skal saman med Kommisjonen informere IMO om at denne forordninga er vedteken, og samstundes vise til artikkel 211 nr. 3 i Havrettskonvensjonen til Dei sameinte nasjonane.

Artikkel 3

Denne forordninga tek til å gjelde tjuande dagen etter at ho er kunngjord i Tidend for Den europeiske unionen.

Denne forordninga er bindande i alle delar og gjeld direkte i alle medlemsstatane.

Utferda i Brussel, 22. juli 2003.

For Europaparlamentet

P. COX

President

For Rådet

G. ALEMANNO

Formann

II

Endringene trer i kraft straks.