Forskrift om endring i forskrift om gebyr til Post- og teletilsynet.

I

I forskrift 21. februar 2005 nr. 168 om gebyr til Post- og teletilsynet blir det gjort følgjande endringar:

45,5% krevjast frå tilbydar av elektronisk kommunikasjonsnett, elektronisk kommunikasjonsteneste og tilhøyrande fasilitetar, sertifikatutstedar som er registreringspliktig etter lov 15. juni 2001 nr. 81 om elektronisk signatur § 18, eller som kjem inn under frivillige sertifiseringsordningar eller sjølvdeklarasjonsordningar, jf. § 16a, innehavar av løyve til bruk av nummer, namn og adresseressursar og verksemd som delar ut domenenamn under norske landtoppdomene.

§ 5 skal lyde:

Post- og teletilsynet kan ved enkeltvedtak fastsetje årleg gebyr for sertifikatutstedar som er registreringspliktig i samsvar med lov 15. juni 2001 nr. 81 om elektronisk signatur § 18, jf. § 3 og § 24, eller som kjem inn under frivillige sertifiseringsordningar, godkjenningsordningar eller sjølvdeklarasjonsordningar, jf. § 16a og forskrift om frivillige sjølvdeklarasjonsordningar for sertifikatutstedarar § 14.

Post- og teletilsynet kan ved enkeltvedtak fastsetje årleg gebyr for verksemd som deler ut domenenamn under norske landkodetoppdomene i samsvar med lov 4. juli 2003 nr. 83 om elektronisk kommunikasjon § 7-1, jf. § 12-1 og forskrift 1. august 2003 nr. 990 (domeneforskrifta).

§ 6 andre leddet skal lyde:

Beløpet etter første ledd skal fordelast forholdsmessig mellom tilbydarar med relevant omsetning over 30 millionar norske kroner i siste rekneskapsåret før gebyrperioden. Kvar tilbydar skal betale ein brøkdel av dette beløpet som svarar til tilbydaren sin brøkdel av den samla relevante omsetninga til dei som skal betale gebyr etter dette leddet. Relevant omsetning er omsetning i marknaden for elektronisk kommunikasjonsnett- og teneste, mellom anna sluttbrukaromsetning for eksternt sal i konsern eller selskap i marknader for telefoni, leide samband, breiband og kringkasting (unntatt satellittkringkasting), med meir, på eit overordna nivå og geografisk avgrensa til Noreg.

§ 8 første og andre leddet skal lyde:

Samla gebyr som skal fordelast mellom innehavarane av frekvensløyve etter § 8 til § 13 er beløpet etter § 1 andre leddet nummer 2, fråtrekt gebyr etter § 7 og § 14.

44% mellom dei med frekvensløyve for Profesjonell Mobil Radio 12% mellom dei med sendarløyve i frekvensband planlagt for kringkastingstenester 11% mellom dei med andre sendarløyve enn dei som fell inn under a) og b) 23% mellom dei med spektrumsløyve i frekvensband planlagt for kringkasting eller mobile tenester 10% mellom dei med andre spektrumsløyve enn dei som fell inn under a) og d).

II

Endringane vert sett i kraft frå 23. februar 2007.