Forskrift om endring i forskrift om film og videogram

I

I forskrift 20. desember 1999 nr. 1515 om film og videogram blir det gjort følgjande endringar:

§ 2-1 blir oppheva.

Noverande § 2-2 blir § 2-1.

§ 3-4 første leddet skal lyde:

Det skal ikkje betalast avgift for framsyning av film eller videogram som ikkje krev kommunalt løyve etter § 2-1 pkt. 1 eller 2.

Kapittel 4 skal lyde:

Filmar eller videogram som skal synast fram i næring skal registrerast i Medietilsynet sitt filmregister.

namn på distributør, med adresse og telefonnummer original tittel norsk tittel regissør skodespelarar produksjonsår produksjonsland kort samandrag av innhaldet i filmen eller videogrammet filmtype (t.d. dokumentar, spillefilm, trailer osv.) talet på kopiar filmformat lagringsmedium.

Endringar i registrerte opplysningar skal meldast skriftleg til Medietilsynet snarast råd.

I tillegg skal registeret innehalde opplysningar om dato for registrering, registernummer og distributørnummer.

Film eller videogram som skal synast fram i næring for personar under 18 år, må på førehand vere godkjent av Medietilsynet.

Ein film eller eit videogram som allereie er godkjent for framsyning i næring må likevel kontrollerast på nytt dersom filmen eller videogrammet blir lansert i ein annan versjon enn den som tidlegare er kontrollert.

For filmar eller videogram som skal synast fram i næring for personar under 18 år skal filmregisteret, jf. § 4-1, også innehalde opplysningar om vedtak, grunngjeving, vedtaksdato og ev. klage til og vedtak frå Klagenemnda for film og videogram.

videogram i hotellrom, filmar eller videogram som berre inneheld: program som tidlegare er sende i Norsk rikskringkasting eller som er produserte av eit statleg eller kommunalt organ, opptak frå offentlege arrangement, framsyningar eller tilstellingar, musikk- eller idrettsstoff, dokumentar-, aktualitets-, eller nyhendestoff, program for undervisnings-, forskings- eller hobbyformål, informasjon om, og reklame for, varer og tenester.

Etter søknad kan Medietilsynet gjere unntak frå kravet om førehandskontroll for film og videogram som er tekne inn i landet for framsyning ved festivalar, filmveker eller i samband med offisielle kulturarrangement.

For førehandskontroll av film og videogram krev Medietilsynet inn eit gebyr rekna ut etter speletida (lengda) på filmen eller videogrammet. Departementet fastset gebyrsatsen.

Gebyr skal krevjast inn utan omsyn til kva for avgjerd Medietilsynet tek. Medietilsynet kan krevje at gebyret blir betalt på førehand.

For vurdering og klarering av eksemplar av film eller videogram som er blitt vurdert tidlegare, skal det reknast halvt gebyr.

II

Endringane trer i kraft straks.