Forskrift om opptak til Høgskulen i Volda

Del 1. Generelt

§ 1 . Virkeområde

Allmennlærarutdanning, bachelorgradar og årsstudium utlyste i Samordna opptak Vidareutdanningar: Studieprogram på lågare grads nivå Studieprogram på høgare grads nivå. Mastergradsutdanningar Praktisk-pedagogisk utdanning for allmennfag og yrkesfag Einskildemne på alle nivå.

§ 2 . Grunnlag for opptak

Til allmennlærarutdanning, bachelorgradar og årsstudium som er utlyste i Samordna opptak, gjeld sentral forskrift 31. januar 2007 nr. 173, Opptak til høyere utdanning. Denne forskrifta gjeld også for andre studieprogram på lågare grads nivå i lokale opptak, der opptakskravet er generell studiekompetanse. Til studieprogram som byggjer på minimumskrav til høgare utdanning, gjeld forskrifta etter § 2, punkt 1, og fullført minstekravsutdanning i tråd med studieplanen for studieprogrammet. Til mastergrad er det krav om at eitt av følgjande utdanningsløp er fullført: treårig bachelorgrad eller cand.mag.-grad eller annan grad eller yrkesutdanning av minimum tre års omfang eller utdanning som er godkjend som jamgod med ein av gradane eller utdanningsløpa over. I graden eller utdanningsløpet må det inngå fordjuping i fag, emne eller emnegruppe på minst 80 stp. eller integrert yrkesretta utdanning på minst 120 stp. innanfor fagområdet for mastergraden. Dei spesielle opptakskrava til mastergradsstudia er oppførte i § 11 – § 15. Opptak til praktisk-pedagogisk utdanning krev generell studiekompetanse, i tillegg til allmennfagleg eller yrkesfagleg utdanning. Sjå § 16. Opptakskrav til einskildemne er gjeve av nivå på studieprogrammet som emnet er ein del av. Søkjarar som ikkje fyller dei ordinære opptakskrava, kan søkje om opptak på grunnlag av realkompetanse. Søkjarar med utanlandsk utdanning vert vurderte i tråd med NOKUT si tilråding for det respektive landet (GSU-lista) og eventuell godkjenning av utdanning på høgare nivå. Kravet om norsk (for søkjarar utanom Norden) og engelsk (for søkjarar som ikkje er engelskspråklege) gjeld for opptak til alle studium på alle nivå.

§ 3 . Organisering, regulering og gjennomføring av opptak ved HVO

Styret vedtek kva studieprogram og kapasitet HVO skal tilby kvart studieår. Poengutrekning, rangering og opptak blir gjennomført av studiesjefen i samråd med dekanane som er ansvarlege for dei ulike studieprogramma. Den samla strategien for gjennomføring av opptaket vert bestemt i felles opptaksmøte.

§ 4 . Opptakskomitear

Studiesjefen kan nemne opp opptakskomité for eit studieprogram eller ei gruppe av studieprogram. Opptakskomiteen skal ha minst ein medlem med fagleg kompetanse i fagområdet for studieprogrammet eller gruppa av studieprogram som det skal vurdere opptak til. Opptakskomiteen handsamar saker knytte til realkompetanseopptak søknader om særskild vurdering søknader om dispensasjon frå kravet om generell studiekompetanse. Opptakskomiteen kan handsame saker knytte til undervisningsopptak. Studiesjefen eller den studiesjefen peikar ut er sekretær for opptakskomiteen. Det skal førast protokoll frå opptakskomitémøta.

§ 5 . Søknadsfristar

Søknadsfristane i lokale opptak følgjer normalt fristane i Samordna opptak. Dersom søkjarsituasjonen eller andre grunnar tilseier andre fristar i dei lokale opptaka, kan studiesjefen fastsetje andre fristar, m.a. for opptak til vårsemesteret. Søknadsfristane skal kunngjerast samstundes med utlysing av opptaka.

§ 6 . Dokumentasjon og ettersending

Søkjarar til studium i Samordna opptak følgjer fristar og prosedyrar som gjeld for Samordna opptak. I dei lokale opptaka pliktar søkjaren å orientere seg om kva dokumentasjon som er naudsynt for at søknaden skal kunne handsamast. Godkjend dokumentasjon er offentleg attesterte kopiar av originaldokument. Søkjarar til grunnutdanningar som har eit godkjent elektroniske vitnemål, kan få fritak for kravet om innsending av dokumentasjon til lokalt opptak. Søkjaren pliktar å ta kontakt med høgskulen og gje løyve til bruk av det elektroniske vitnemålet. For søkjarar som har fullført eit studium ved Høgskulen i Volda for mindre enn to studieår sidan, kan høgskulen bruke opp att tidlegare opptaksvedtak og handsame søknaden utan at søkjaren må sende ny dokumentasjon. Søkjaren pliktar å ta kontakt med høgskulen for å avtale at dette dannar grunnlag for handsaminga i lokalt opptak. Dokumentasjon på utdanning som er under fullføring i opptakssemesteret, skal ettersendast snarast og seinast innan den kunngjorde fristen. Søkjarar i lokale opptak som ikkje følgjer § 6, punkt 2-6, får ikkje handsama søknaden sin og blir følgjeleg ikkje med i opptaket.

§ 7 . Poengutrekning og rangering

Til grunnutdanning gjeld poengutrekning og rangering innanfor kvotar fastsette i forskrift 31. januar 2007 nr. 173, Opptak til høyere utdanning. Til studieprogram som byggjer på minimumskrav til høgare utdanning, gjeld § 7, punkt 1. I tillegg må minstekravsutdanninga som er fastsett i studieplan, vere fullført og bestått. Til mastergradsutdanning blir søkjarane poengutrekna og rangerte på grunnlag av vekta gjennomsnittskarakter frå grunnutdanninga. Omrekningar vert gjorde til skalaen 1-5 slik: Gammal type bokstavkarakterar: Sg = 5; Mg = 4; G = 3; Ng = 2 Talkarakterar: 1,0-2,0 = 5; 2,1-2,5 = 4; 2,6-2,9 = 3; 3,0-3,4 = 2; 3,5-4,0 = 1 Bokstavkarakterar: A = 5; B = 4; C = 3; D = 2; E = 1 Stått/bestått/godkjent = 3. Det kan gjevast tilleggspoeng for relevant praksis og fullført høgare utdanning utover opptakskravet. Dette vil normalt gå fram av gjeldande studieplan for studiet det vert søkt opptak til. Dersom fleire søkjarar har lik poengsum, skal rangeringa avgjerast ved loddtrekking.

§ 8 . Utsett studiestart

Studiesjefen kan etter søknad gje ein søkjar utsett studiestart dersom vedkomande har stadfesta at han tek imot tilbodet om studieplass og har gode grunnar for å søkje om utsetjing. Grunnar for å få innvilga søknad om utsett studiestart er normalt dersom studenten er innkalla til førstegongs militær- eller sivilteneste, er alvorleg sjuk eller er gravid. Andre tungtvegande grunnar kan også gje grunnlag for å imøtekome søknaden. Grunnane skal dokumenterast (innkallingsbrev, legeattest m.m.). Dei som får innvilga søknaden om utsett studiestart, får reservert studieplassen til neste gong studieprogrammet har ordinær studiestart. Det vert normalt berre innvilga utsett studiestart for eit år. Dei som har fått utsett studiestart, må stadfeste bruk av den reserverte studieplassen ved å søkje om opptak på nytt innan søknadsfristen for neste opptak til studieprogrammet. Prosedyrane skal gå fram av innvilgingsbrevet.

§ 9 . Grunngjeving og klage

Spørsmål om grunngjeving og klage skal rettast til studiesjefen som ansvarleg for gjennomføring av opptaket. Studiesjefen skal etterprøve saka for eventuelle sakshandsamingsfeil og rette opp dersom gjeldande vedtak er feil. Dersom studiesjefen held oppe vedtaket, kan søkjaren klage til klagenemnda. Vedtaks- og klagesaker er regulerte av forvaltningslova, kap. 5 og 6.

Del 2. Spesielle opptakskrav

§ 10 . Opptak på grunnlag av realkompetanse

Ein søkjar som ikkje kan dokumentere generell studiekompetanse eller spesielle opptakskrav, kan få opptak på grunnlag av fagleg realkompetansevurdering i opptakskomité. Ved søknad til grunnutdanning må søkjaren vere 25 år eller eldre i opptaksåret. Ved søknad til mastergradsutdanning må søkjaren vere 28 år eller eldre i opptaksåret. Søkjaren må ha minimum eitt år høgre utdanning på lågare grads nivå dersom ein søkjer studium på høgare grads nivå. Søkjarar med morsmål frå land utanfor Norden må dokumentere kunnskap i norsk på nivå med kravet som inngår i generell studiekompetanse. Søkjaren må ha til saman fem års fulltids yrkespraksis. Utdanning, organisasjonsarbeid eller liknande kan erstatte inntil to av desse fem åra. Minst tre år må vere relevant praksis i høve til utdanninga det vert søkt opptak til. For å få tilbod om opptak krev ein likeverdig dugleik og kunnskap med søkjarar som får tilbod etter rangering på grunnlag av poengutrekning. Realkompetansesøkjarar skal rangerast i høve til poengutrekna søkjarar ved hjelp av skjønsmessig vurdering. Direktøren fastset retningsliner for realkompetansevurdering.

§ 11 . Opptakskrav til mastergradsstudiet i nynorsk skriftkultur

Opptaksgrunnlaget til mastergradsstudiet i nynorsk skriftkultur er oppnådd bachelorgrad cand.mag.-grad med fordjuping/mellomfagseksamen tilsvarande 90 studiepoeng i eitt av følgjande fag eller tilgrensande fagområde: etnologi, filosofi, historie, idéhistorie, kulturvern og kulturformidling, lingvistikk, litteraturvitskap, medievitskap, norsk/nordisk, pedagogikk, sosialantropologi, sosiologi, statsvitskap. Søkjarar som har andre relevante fag eller utdanning på same nivå og av tilsvarande omfang, kan søkje om særskild vurdering.

§ 12 . Opptakskrav til mastergradsstudiet i samfunnsplanlegging og leiing

Opptaksgrunnlaget for mastergradsstudiet i samfunnsplanlegging og leiing er eitt av følgjande: minst tre år høgare utdanning med minst 80 studiepoeng i samfunnsfag/samfunnsplanlegging og leiing minst tre år anna høgare utdanning og minst to år relevant praksis frå samfunnsplanlegging og leiing. Alle studentar på mastergradsstudiet må søkje undervisningsopptak til dei avsluttande emna «Forskingsmetode og vitskapsteori» og «Masteroppgåve». Desse emna har avgrensa tal på studieplassar. Søkjarane må ha C eller betre i snitt frå dei obligatoriske emna. Deretter blir søkjarane rangerte på grunnlag av gjennomsnittskarakterar på alle emna søkjarane har gjennomført i mastergradsstudiet sitt. Lik rangering vert avgjord ved loddtrekking.

§ 13 . Opptakskrav til mastergradsstudiet i spesialpedagogikk

Opptaksgrunnlaget til mastergradsstudiet i spesialpedagogikk er fullført grunnutdanning ved universitet eller høgskule av minimum tre års omfang (180 stp.) innanfor følgjande utdanningsvegar: allmennlærarutdanning førskulelærarutdanning faglærar med praktisk-pedagogisk utdanning. Søkjarar med fullført utdanning som barnevernspedagog, vernepleiar eller anna treårig relevant profesjonsutdanning til studiet, kan takast opp etter særskild vurdering. Inntil 30 prosent av studieplassane er reserverte for allmennlærarstudentar ved Høgskulen i Volda som vel spesialpedagogikk som det fjerde året i utdanninga si. Dersom allmennlærarstudentane utgjer meir enn 30 prosent, blir dei rangerte og tildelt studieplass på same måten som ordinære søkjarar. Det vert gjeve tilleggspoeng slik: eitt poeng pr. år inntil fem år for pedagogisk praksis frå barnehage, skule eller annan pedagogisk institusjon etter avslutta grunnutdanning eitt poeng pr. 30 studiepoeng og inntil 3 poeng (90 studiepoeng) når søkjaren dokumenterer høgare utdanning utover opptaksgrunnlaget. Alle studentar på mastergradsstudiet må søkje om undervisningsopptak til dei avsluttande emna «Vitskapsteori, forskingsmetode og statistikk» og «Masteroppgåve». Desse emna har avgrensa tal på studieplassar. Søkjarane må ha C eller betre i snitt frå dei fire første obligatoriske emna, og blir deretter rangerte på grunnlag av gjennomsnittskarakterane frå desse emna. Lik rangering vert avgjord ved loddtrekking.

§ 14 . Opptakskrav til mastergradsstudiet i kulturmøte

Opptaksgrunnlaget til mastergraden i kulturmøte er fullført grunnutdanning ved universitet eller høgskule, minimum tre års omfang (180 stp.) innanfor følgjande utdanningsvegar: Bachelorgrad eller tilsvarande (minimum 180 stp.) med fordjuping i historie eller religion med minimum 80 studiepoeng. Allmennlærarutdanning med fagval i historie/KRL/samfunnsfag og minimum 20 studiepoeng fordjuping (200-nivå) i det same faget. Tilsvarande kompetanse innanfor humaniora eller samfunnsvitskap – etter særskild vurdering. Ein krev minst karakteren C (G, 2,8 eller stått) i fordjupingsfaget (historie, religionsvitskap eller anna) som det blir søkt opptak på grunnlag av.

§ 15 . Opptakskrav til mastergradsstudiet i helse- og sosialfag

Opptaksgrunnlaget til mastergraden i helse- og sosialfag er fullført minimum treårig helsefagleg, pedagogisk eller sosialfagleg grunnutdanning: Bachelorgrad i helse- eller sosialfag Allmennlærar med relevante fagval Cand.mag.-grad med relevant fagsamansetjing Annan relevant grad eller utdanningsløp av minimum tre års omfang etter særskild vurdering. For dei to siste punkta er det krav om fordjuping i fag, emne eller emnegruppe av minimum 80 studiepoengs omfang i helse- eller sosialfag. Søkjarane konkurrerer i éin av to kvotar: ein kvote for dei som har helsefagleg grunnutdanning, og ein kvote for dei som har sosialfagleg eller pedagogisk grunnutdanning. Søkjarane vert rangerte etter poengsum innanfor kvar av kvotane. Kvar av kvotane skal som hovudregel utgjere minimum 30 prosent av studieplassane. Alle studentar på mastergradsstudiet må søkje undervisningsopptak til dei avsluttande emna «Forskingsmetode og vitskapsteori» og «Masteroppgåve». Desse emna har avgrensa tal på studieplassar. Søkjarane må ha C eller betre i snitt frå dei obligatoriske emna. Deretter blir søkjarane rangerte på grunnlag av gjennomsnittskarakterar på alle emna søkjarane har gjennomført i mastergradsstudiet sitt. Lik rangering vert avgjord ved loddtrekking.

§ 16 . Opptakskrav til praktisk-pedagogisk utdanning

Allmennfag Studentar med allmennfagleg kompetanse vert tekne opp på grunnlag av fullført allmennfagleg universitets- eller høgskuleutdanning av minimum tre års omfang, dvs. minimum 180 studiepoeng. Allmennfagleg kompetanse er i denne samanhengen utdanning som kvalifiserer for undervisning i allmennfag i grunnskulen, i vidaregåande opplæring eller i vaksenopplæringa. Ved opptak til allmennfagleg variant prioriterer vi slik (undervisningsfaga må vere fag som høgskulen tilbyr fagdidaktikk i): Søkjarar med fullført masterstudium/hovudfag og med minst eitt relevant undervisningsfag. Søkjarar med bachelor-/cand.mag.-grad og med to relevante undervisningsfag, der minimum 140 studiepoeng (60 + 80) er samla i desse to faga. Søkjarar med tre års utdanning og med to relevante undervisningsfag, der 150 studiepoeng er samla i desse to faga (t.d. årsstudium og årsstudium med fordjuping). Søkjarar med tre års utdanning og med tre relevante undervisningsfag, med minimum 180 studiepoeng samla i desse tre faga (t.d. tre årsstudium). Søkjarar med tre års utdanning og med to relevante undervisningsfag, med minimum 120 studiepoeng samla i desse to faga (t.d. to årsstudium). Inntil 20 prosent av studieplassane på den allmennfaglege varianten vert reserverte for studentar som fullfører eit bachelorstudium ved HVO. Desse skal rangerast på grunnlag av vekta gjennomsnittskarakter frå bachelorstudiet. Yrkesfag Studentar med yrkesfagleg kompetanse blir tekne opp på eitt av følgjande to grunnlag: Fullført treårig profesjonsretta universitets- eller høgskuleutdanning og minimum to års yrkespraksis. Profesjonsretta utdanning er i denne samanhengen utdanning som kvalifiserer for undervisning på yrkesfaglege studieretningar i vidaregåande opplæring. Generell studiekompetanse og fag-/sveinebrev eller anna fullført treårig yrkesutdanning på vidaregåande nivå, yrkesteoretisk utdanning og minimum to års yrkespraksis. Lengre yrkespraksis og god yrkesteoretisk utdanning kan etter individuell vurdering kompensere for kravet om generell studiekompetanse. Ved opptak til den yrkesfaglege varianten prioriterer vi slik (undervisningsfaga må vere fag som høgskulen tilbyr fagdidaktikk i): Søkjarar med fullført masterstudium/hovudfag, og med relevant undervisningsfag for vidaregåande skule. Søkjarar med bachelor-/cand.mag.-grad, og med relevant undervisningsfag for vidaregåande skule. Søkjarar som tilfredsstiller krava til generell studiekompetanse og fag-/sveinebrev eller anna fullført treårig yrkesutdanning på vidaregåande nivå, yrkesteoretisk utdanning og minimum to års yrkespraksis. Studentane i denne gruppa vert prioriterte etter utdanning og yrkespraksis. Søkjarar som ikkje kjem inn under kriteria for allmennfag eller yrkesfag, kan søkje om opptak etter særskild vurdering. Ved opptak til praktisk-pedagogisk utdanning er det krav om å levere politiattest, jf. sentral forskrift 31. januar 2007 nr. 173, Opptak til høyere utdanning, kap. 6.

§ 17 . Verknadstidspunkt og oppheving av forskrift

Forskrifta har verknad frå opptak til studieåret 2009/2010. Denne forskrifta kan fråvikast i einskilde tilfelle for opptak til studieåret 2009/2010 dersom endring frå oppheva til ny forskrift er til ugunst for søkjaren. Forskrifta opphevar kap. 5-11 i forskrift 9. desember 2005 nr. 1715 om studium og eksamen ved Høgskulen i Volda.