Forskrift om endring i forskrift om omsetning i første hand av viltlevande marine ressursar

I

I forskrift 30. april 2010 nr. 641 om omsetning i første hand av viltlevande marine ressursar blir det gjort følgjande endring:

§ 1 nytt fjerde ledd skal lyde:

Forbodet i første ledd mot å utføre viltlevande marine ressursar omfattar ikkje viltlevande marine ressursar hausta av og bringa i land frå fartøy som fører flagg tilhøyrande ein medlemsstat i Den europeiske union. Unntaket er avgrensa til fangst bringa i land på nærare angjevne stader og på dei verksemder Fiskeridirektoratet har godkjent for dette formål, jf. forskrift 21. april 2006 nr. 433 om transitt av fisk fanget av og brakt i land fra EU-fartøy. Det er eit vilkår at dei viltlevande marine ressursane ikkje er fortolla i Noreg, og at dei vert utførde i samsvar med lov 21. desember 2007 nr. 119 om toll og vareførsel.

II

Endringa trer i kraft 15. august 2010.