Forskrift om endring i forskrift om film og videogram

I

I forskrift 20. desember 1999 nr. 1515 om film og videogram blir det gjort følgjande endringar:

§ 3-2 skal lyde:

bygdekinoen, import og distribusjon av kvalitetsfilm, filmtiltak for barn og unge medrekna dubbing av film for barn, teksting og dubbing av film for barn på samisk, filmfestivalar, cinematek utanfor Oslo, støtte til Norsk Filmklubbforbund og barnefilmklubbar.

Departementet kan kvart år peike ut særleg prioriterte satsingsområde eller slå fast at særskilte omsyn skal vektleggast ved forvaltninga av avgiftsmidlane.

§ 3-3 andre ledd skal lyde:

Norsk film- og kinofond skal kvart år, innan utgangen av januar månad, leggja fram eit forslag til prioritering av oppgåver for departementet.

§ 3-3 fjerde ledd skal lyde:

Budsjettframlegget, årsrekneskapen og årsmeldinga til Norsk kino- og filmfond skal kvart år leggjast fram for departementet i rimeleg tid før Norsk kino- og filmfond sitt årsmøte.

§ 4-5 skal lyde:

For førehandskontroll av film og videogram krev Medietilsynet inn ei avgift som skal dekkje inn kostnadene ved ordninga. Avgifta utgjer ein prosentsats av netto omsetting ved framsyning av den aktuelle filmen eller videogrammet innanfor avgiftsperioden. Departementet fastset prosentsatsen samt minsteavgift og maksimumsavgift. Avgiftsperioden er 30 dager frå og med premieredagen.

Omsetting skal rapporterast til Medietilsynet straks etter utløpet av avgiftsperioden.

Avgift skal krevjast inn utan omsyn til kva for avgjerd Medietilsynet tek.

II

Endringane trer i kraft 1. januar 2013.