Forskrift om endring i forskrift om bustøtte

I

I forskrift 29. november 2012 nr. 1283 om bustøtte gjøres følgende endring:

Ny § 8a skal lyde:

Reglane i andre og tredje ledd gjeld for søkjarar som fekk utbetalt bustøtte for desember 2014 og som då hadde minst eitt husstandsmedlem som fikk ytingar etter folketrygdlova kapittel 12. Reglane gjeld for bustøttevedtak med situasjonsdato mellom 1. januar 2015 og 30. juni 2016.

Reglane om overslag over inntekt og bortfall av bustøtte etter § 8 andre ledd gjeld når overslaget er meir enn kr 95 000 over den øvre grensa for å få bustøtte. Reglane om tilbakebetaling i § 14 gjeld bare dersom etterkontrollen syner ei omrekna inntekt som er meir enn kr 95 000 over den øvre grensa for å få bustøtte. Husbanken kan i heilt særskilde tilfelle tillate større overskriding av inntektsgrensa dersom føremålet er å hindre at uføre fell ut av bustøtteordninga på grunn av uførereforma.

Uføre som i desember 2014 hørte til ein husstand som fikk bustøtte utrekna på grunnlag av eit overslag over omrekna inntekt i perioden etter § 8 tredje ledd, skal ha eit frådrag i inntekta. Frådraget skal nyttast både i vurderinga av om vilkåra for å bruke overslag over omrekna inntekt i perioden er oppfylt og i utrekninga av omrekna inntekt i perioden. Det blir først fastsett eit årsbeløp som svarer til dei ytingane vedkomande hadde per 1. desember 2014 og som gikk inn i grunnlaget for uføretrygd etter forskrift 3. juli 2014 nr. 947 om omregning av uførepensjon til uføretrygd. Deretter blir det rekna ut eit årsbeløp som svarer til uføretrygda per 1. januar 2015. Frådraget i inntekta skal svare til differansen mellom dei to beløpa.

II

Forskriften trer i kraft 1. januar 2015.