Forskrift om endring i forskrift om graden philosophiae doctor (ph.d.) ved Universitetet i Tromsø – Noregs arktiske universitet (UiT)

I

Forskrift 25. oktober 2012 nr. 1150 om graden philosophiae doctor (ph.d.) ved Universitetet i Tromsø – Noregs arktiske universitet (UiT) vert endra slik:

§ 4 får slike nye definisjonar

- etter stikkordet eksamen: Ekstern søkar Ei/ein som søker opptak til ph.d.-studiet og som har anna finansiering enn stipend der UiT er arbeidsgivar.

- etter stikkordet kreera: Midtvegsevaluering Evaluering av studenten sitt arbeid og progresjon midtvegs i studiet.

§ 7 vert endra slik:

vurdering av potensialet for innovasjon og/eller idear som kan kommersialiserast.

- Åttande ledd vert sletta.

§ 9 vert endra slik:

- Andre ledd andre setning får slik ordlyd:

Det kan gjerast foreløpig vedtak om opptak med atterhald om utarbeiding/revisjon av prosjektbeskriving, utdanningsplan, tilleggsutdanning og immaterialrettslege avtalar.

- Tredje ledd første setning får slik ordlyd:

For eksterne søkarar kan det gjerast foreløpig vedtak om opptak med atterhald om finansiering, opptakskapasitet, utarbeiding/revisjon av prosjektbeskriving, utdanningsplan, tilleggsutdanning og immaterialrettslege avtalar.

- Fjerde ledd, første setning får slik ordlyd:

Vedtak om endeleg opptak skal, så langt råd er, gjerast seinast tre månader etter studiestart, jf.§ 1-3 åttande ledd i forskrift om ansettelsesvilkår for stillinger som postdoktor, stipendiat mv.

§ 10 får slik ny ordlyd:

(1) Ph.d.-emne (8000-emne) er først og fremst opne for UiT sine ph.d.-studentar (kategori 1).

kategori 2: Deltakarar på UiT sitt førstelektorprogram som fyller utdanningskravet. kategori 3: Doktorgradsstudentar frå andre universitet. kategori 4: Personar med minimum mastergrad eller tilsvarande som ikkje er doktorgradsstudentar.

(3) Forskarlinjestudentar ved Det helsevitskaplege fakultetet kan ta ph.d.-emne ved fakultetet på lik linje med ph.d.-studentar. Forskarlinjestudentar kan etter søknad bli tatt opp til ph.d.-emne ved andre fakultet. Forskarlinjestudentar frå andre medisinske fakultet skal rangerast etter kategori 3.

(4) Fakultetet kan fastsetja spesielle opptakskrav innafor denne ramma. Det må gå tydeleg fram av emnebeskrivinga kva opptakskrav som gjeld og kva kategoriar søkjarar som kan få plass.

(5) Dersom det er fleire kvalifiserte søkjarar enn det er plassar, skal dei prioriterast i rekkjefølgja kategori 1 til kategori 4, med mindre emnet er lyst ut med ei anna prioritering.

§ 11 får slik ny ordlyd:

(1) Student og hovudrettleiar skal revidera prosjektbeskrivinga raskast mogeleg og seinast innan to månader etter studiestart når det er gitt pålegg om slik revisjon ved foreløpig vedtak om opptak.

(2) Når det er gjort endeleg vedtak om opptak, skal det setjast opp skriftleg avtale mellom student, rettleiarar og fakultet.

(3) Når ein ph.d.-student har finansiering av studiet frå, tilsetjing hjå eller andre tilskot frå ein ekstern part, skal det skrivast eigen avtale mellom studenten, fakultetet og den eksterne parten, jf. § 17.

(4) Studenten skal utarbeida databehandlingsplan for forskingsdata i prosjektet innan seks månader i samsvar med gjeldande retningslinjer. 1

1 Gjeldande retningslinjer er «Prinsipper og retningslinjer for forvaltning av forskningsdata ved UiT».

I § 12 andre ledd skal orda «eitt år» erstattast med ordet «semesteret».

§ 13 andre ledd vert sletta. Tredje til femte ledd vert andre til fjerde ledd.

§ 14 får slikt nytt tredje ledd:

Universitetet skal førebu studenten på ei yrkeskarriere i eller utanfor akademia.

§ 20 tredje ledd får slik ordlyd:

Ei avhandling som har vore vurdert/er levert til vurdering ved ein annan lærestad kan ikkje leverast.

§ 21 får slikt nytt femte ledd:

Publiserte delar av avhandlinga skal som hovudregel vera opent tilgjengeleg enten i tidsskrift med open tilgang eller i UiT sitt vitenarkiv. Upubliserte delar av avhandlinga skal gjerast opent tilgjengelege seinast to år etter disputas og upubliserte monografiar seinast fire år etter disputas. Alle delar av ei avhandling skal vera opent tilgjengelege seinast innan fem år etter disputas.

§ 22 vert endra slik:

- Andre ledd får slikt tillegg (ny femte setning):

Fakulteta kan venta med framdriftsrapporteringa til studenten er i det siste året i normert tid. Etter det skal framdriftsrapportering gjennomførast kvart år.

- Nytt tredje ledd:

For kvar ph.d.-student skal det gjennomførast ei midtvegsevaluering. Føremålet er at studenten skal få tilbakemelding om status for doktorgradsarbeidet og innspel til korleis kvaliteten kan betrast. Dersom det vert avdekka vesentlege svakheiter ved arbeidet, slik at det er fare for at utdanninga ikkje kan gjennomførast på normert tid, skal det setjast i verk tiltak for å korrigera situasjonen. Fakultetet bestemmer forma på midtvegsevalueringa.

- Tredje og fjerde ledd blir fjerde og femte ledd.

§ 28 andre ledd får slik ny fjerde setning:

Dersom komiteen har fått kortare frist enn tre månadar på å levera innstillinga, kan fristen kortast forholdsmessig ned.

§ 31 tredje, femte og sjette ledd får slik ny ordlyd:

(3) Dersom fakultetet tek tilrådinga til følgje, jf. § 32 tredje ledd, skal kandidaten få ein frist for omarbeiding på inntil tre månadar. Det skal fastsetjast ein ny frist for komiteen si endelige innstilling. Kandidaten kan ikkje klaga over eit vedtak om høve til omarbeiding.

(5) Fakultetet skal senda kopi av innstillinga til kandidaten. Når innstillinga er samrøystes negativ, ved dissens, og når komiteen anbefaler at kandidaten skal få gjera ei mindre omarbeiding, skal han/ho få høve til å komma med skriftlege merknader med ein frist på ti arbeidsdagar. Dersom kandidaten ikkje ynskjer å fremja merknader, skal han/ho så raskt som mogeleg melda skriftleg frå til fakultetet om det.

(6) Dersom det vert vurdert nødvendig for å opplysa saka, skal fakultetet senda eventuelle merknader til komiteen med ein kort frist for tilbakemelding.

§ 32 første til tredje ledd får slik ordlyd:

(1) Når komiteen si innstilling er samrøystes positiv, er avhandlinga verdig forsvar for graden philosophiae doctor (ph.d.).

Dersom fakultetet finn å kunna leggja innstillinga / fleirtalet si innstilling til grunn, gjer fakultetet vedtak i samsvar med innstillinga. Dersom fakultetet finn at det er rimeleg tvil om komiteen si innstilling / fleirtalet si innstilling skal leggjast til grunn, kan fakultetet be om nærare avklaring frå komiteen og/eller nemna opp to nye sakkunnige som gir individuell vurdering av avhandlinga eller nemna opp ny komité. Dei sakkunnige skal ikkje vera tilsette ved universitetet, og dei skal ikkje ha hatt noko å gjera med avhandlinga tidligare. For oppnemning av ny komité gjeld § 27. Innstillinga og eventuelle merknader frå kandidaten skal leggjast ved til dei sakkunnige / den nye komiteen. Tilleggsavklaringar skal leggjast fram for kandidaten, som får høve til å komma med skriftlege merknader.

vurdera om det er grunnlag for å ta forslaget til følgje, jf. § 31 andre og tredje ledd eller om fakultetet skal be komiteen gi endeleg innstilling utan at avhandlinga blir omarbeidd eller gjera endeleg vedtak på grunnlag av innstillinga og eventuelle merknader frå kandidaten.

§ 34 vert endra slik:

Første ledd får slik ny siste (fjerde) setning:

Komiteen fastset tittel på førelesinga.

Tredje og fjerde ledd får slik ordlyd:

(3)Tittelen på førelesinga skal kunngjerast etter at avhandlinga er levert, og førelesinga skal haldast før disputasen. Fakultetet bestemmer tidspunktet.

(4) Dersom førelesinga skal haldast før innstillinga er klar, kan fakultetet i staden nemna opp ein eigen komité som fastset tittel på, og vurderer førelesinga. Minst ein av medlemmene i avhandlingskomiteen skal vera med i førelesningskomiteen, som så langt råd er skal setjast saman i samsvar med krava i § 27 tredje ledd.

§ 38–§ 40 får slik ordlyd:

Avslag på søknad om opptak til ph.d.-studiet og vedtak om avslutning av studierett kan påklagast til universitetets klagenemnd etter reglane i forvaltningslova § 28 flg. Klage skal sendast til fakultetet.

Avslag på søknad om godkjenning av emne eller andre delar av opplæringsdelen kan påklagast til universitetets klagenemnd etter reglane i forvaltningslova § 28 flg. Klage skal sendast til fakultetet.

Forskrift for eksamenar ved UiT gjeld ved klage over sensur på emne i opplæringsdelen.

Stryk på (underkjenning av) avhandling med disputas kan påklagast til universitetets klagenemnd etter reglane i forvaltningslova § 28 flg, jf. uhl. § 4-13 fjerde ledd. Klage skal sendast til fakultetet.

II

Kravet om open tilgang i § 21 femte ledd gjeld for kandidatar som leverer avhandlinga 1. januar 2019 eller seinare. Ny siste setning i § 22 andre ledd gjeld for studentar det blir gjennomført midtvegsevaluering for. Obligatorisk midtvegsevaluering etter § 22 tredje ledd skal gjennomførast seinast frå og med det kullet som tek til på ph.d.-studiet hausten 2018. Dei andre endringane tek til å gjelda frå 1. august 2018.