Forskrift om endring i forskrift om opptak til Høgskulen på Vestlandet

I

I forskrift 31. januar 2019 nr. 446 om opptak til Høgskulen på Vestlandet blir det gjort følgjande endringar:

§ 2-9 første ledd skal lyde:

generell studiekompetanse, eller fullført fagopplæring med fag- eller sveinebrev innanfor relevant fagområde eller fullført treårig yrkesfaglig opplæring innanfor relevant fagområde eller realkompetanse.

§ 2-10 første ledd og andre ledd bokstav c skal lyde:

Søkjaren må normalt ha meir enn eitt semester att for å fullføre utdanninga som skal gjennomførast på utdanningsprogrammet studenten søkjer om overflytting til, sjå tilknytingskravet i forskrift om studium og eksamen ved Høgskulen på Vestlandet § 14-1 første ledd.

§ 2-11 skal lyde:

For å få opptak til enkeltemne, må søkjaren dekka opptakskrava til utdanninga som emnet inngår i. Eventuelle krav om fagleg forkunnskap for emnet må òg dekkast, jf. forskrift om studium og eksamen ved Høgskulen på Vestlandet § 4-8.

§ 4-9 skal lyde:

Ved opptak til eittårig fagskuleutdanning for yrkesdykkarar vert søkjarar poengutrekna og rangerte etter føresegner gitt i kapittel 3 i forskrift om høyere yrkesfaglig utdanning.

§ 4-13 første ledd skal lyde:

(1) Kvalifiserte søkjarar som ikkje kan poengutreknast etter § 4-1 til § 4-12 i denne forskrifta, skal rangerast etter ei individuell skjønnsmessig vurdering av søkjaren sitt opptaksgrunnlag, jf. forskrift om opptak til høgre utdanning § 7-12.

§ 5-1 første ledd og tredje ledd skal lyde:

(1) Det kan gjerast unntak frå delar av rangeringsføresegnene i kapittel 5, dersom det ligg føre grunnlag for særskilt vurdering. Grunnlag for opptak etter særskilt vurdering kan til dømes vere anna morsmål enn norsk, sjukdom, funksjonshemming eller andre spesielle forhold som gir grunn til å anta at søkjaren sin karakterpoengsum ikkje gir eit rett bilete av søkjaren sine kvalifikasjonar.

(3) Tilhøva nemnd i første ledd gir ikkje søkjaren rett til opptak. For å få tilbod om opptak, er det krav om likeverdige ferdigheiter og kunnskapar med søkjarar som får tilbod om opptak etter reglane om rangering i kapittel 4.

§ 6-1 første ledd og fjerde ledd skal lyde:

(1) Styret sjølv fastset årleg tal studieplassar som gir ei opptaksramme for dei enkelte studieprogramma, jf. universitets- og høyskoleloven § 3-7 femte ledd.

(4) Opptak til studia skjer på grunnlag av rangering innanfor kvotar. Kvote er eit bestemt tal eller ein bestemt del av studieplassane som vert fordelt blant søkjarar som tilfredsstiller nærmare bestemte krav. Eit krav i ein kvote kan vere eit bestemt kjønn, tilsetjingsforhold, geografi, faglege forhold, nasjonale og internasjonale avtalar eller institusjonstilknyting.

§ 7-2 femte ledd skal lyde:

(5) Studentar som ikkje oppfyller dei gitte vilkåra for opptak innan fristen, taper studieplassen.

§ 8-1 fjerde ledd skal lyde:

(4) Reservasjon av studieplass er ikkje mogleg når ein har fått opptak via Ledige studieplassar.

§ 8-3 første ledd skal lyde:

(1) Høgskulen på Vestlandet kan gi førehandsløfte til kvalifiserte søkjarar som med god margin ville ha komme inn ved siste opptak. Vurderinga vert gjort på grunnlag av tilhøva på studiet og søkjartala på det enkelte studium.

§ 8-6 første ledd og tredje ledd skal lyde:

(1) Fristen for å melde inn studium for etterfølgjande år er 1. desember, jf. forskrift om studium og eksamen ved Høgskulen på Vestlandet kapittel 3.

(3) Trekk av studium i det lokale opptaket må skje i rimeleg tid etter at søkjartala er kunngjort.

II

Forskrifta skal tre i kraft frå 1. januar 2020.