Forskrift om endring i forskrift til opplæringslova og forskrift til friskolelova

I

I forskrift 23. juni 2006 nr. 724 til opplæringslova blir denne endringa gjort:

Ny § 1-16a skal lyde:

Ein elev som etter planen skulle ha gjennomført eit opplæringsår i utlandet på nivå med norsk Vg1 eller Vg2 skoleåret 2019–2020, kan søkje fylkeskommunen om å få denne opplæringa godkjend som ein del av norsk vidaregåande opplæring, sjølv om opplæringsåret blei avbrote som følgje av koronavirus-utbrotet. Fylkeskommunen skal gje godkjenning dersom vilkåra er oppfylt. Med omsyn til utdanningsprogram, fagkrins og saksbehandling gjeld reglane i § 1-16.

II

I forskrift 14. juli 2006 nr. 932 til friskolelova blir denne endringa gjort:

Ny § 5a-4 skal lyde:

Ein elev som etter planen skulle ha gjennomført eit opplæringsår i utlandet på nivå med norsk Vg1 eller Vg2 skoleåret 2019–2020, kan søkje dagleg leiar om å få denne opplæringa godkjend som ein del av norsk vidaregåande opplæring, sjølv om opplæringsåret blei avbrote som følgje av koronavirus-utbrotet. Dagleg leiar skal gje godkjenning dersom vilkåra er oppfylt. Med omsyn til utdanningsprogram, fagkrins og saksbehandling gjeld reglane i § 5a-3.

III

Forskrifta tek til å gjelde straks.