Mellombels forskrift om ekstra Merkurtilskot på grunn av verknadane av covid-19

§ 1 . Føremål

Føremålet med tilskotsordninga er å kompensere daglegvarebutikkar som er med i Merkurprogrammet, jf. Merkurforskrifta, for tapt inntekt som ein følgje av tiltaka mot koronaepidemien. Tilskota skal medverke til at butikkane overlever på lengre sikt, slik at innbyggjarar i distrikta er sikra tilgang til ein daglegvarebutikk i nærleiken også etter at koronasituasjonen er over. Tilskotsordninga er mellombels.

§ 2 . Kven som kan få tilskot

er open heile året har ein nærmarknad på under 200 hushald har ein avstand på minst 5 kilometer til næraste alternative daglegvarebutikk, ligg på ein stad utan fast vegsamband eller er einaste daglegvarebutikk på ei øy har hatt ei årsomsetning i 2019 på inntil 13 millionar kroner eksklusiv meirverdiavgift, drivstoff, kraftfôr og gjødsel har hatt tap på grunn av hytteforbod og reiserestriksjonar på grunn av covid-19.

Tilskotet kjem i tillegg til andre tilskot i Merkurprogrammet. Den ekstra Merkurordninga kan på særlege vilkår kombinerast med inntektssikring for private næringsdrivande og den generelle statlege kontantstøtta for å hjelpe verksemder som er ramma av effektane av covid-19 skal sjåast i samanheng. For kombinasjon med inntektssikring for private næringsdrivande, sjå § 3 under om utrekning av tilskot. For kombinasjon med den generelle statlege kontantstøtta skal støtte frå Merkurprogrammet bli tillagt omsetninga for dei aktuelle månadane ved berekning av kontantstøtta, jf. forskrift til utfylling og gjennomføring av lov om midlertidig tilskuddsordning for foretak med stort omsetningsfall, § 2-2, 2. ledd. Dette gjeld også om ein har fått tildelt Merkurstøtta etter at ein er tildelt kontantstøtte.

§ 3 . Utrekninga av størrelsen på tilskota

Søkarar som hadde ein årsomsetning i 2019 på 8 millionar eller mindre, og som har ein reduksjon i omsetninga på minst 20 pst. i aktuelle periodar i 2020, samanlikna med tilsvarande periode i 2019, der reduksjonen er eit resultat av hytteforbodet eller reiserestriksjonar som følgje av koronasituasjonen, kan få kompensert 35 % av dokumentert omsetningssvikt for mars–april, og 20 % kompensasjon f.o.m. mai.

Søkjarar som hadde ein årsomsetning på mellom 8 og 13 millionar, og som har hatt ein reduksjon i omsetninga på minst 20 pst. i aktuelle periodar i 2020 samanlikna med tilsvarande periode i 2019 der reduksjonen er eit resultat av hytteforbodet eller reiserestriksjonar som følgje av koronasituasjonen, kan få kompensert 20 % av dokumentert omsetningssvikt for mars–april, og 15 % kompensasjon f.o.m. mai.

Eventuelt tilskot for inntektssikring for private næringsdrivande i samband med koronasituasjonen skal leggjast til omsetninga for den aktuelle perioden før berekning av tilskot frå Merkurordninga.

§ 4 . Støttebeløp og søknadsperiode

Maksimalt støttebeløp er inntil 500 000 kr pr. butikk eksklusiv meirverdiavgift for kvar søknadsperiode. Minstegrensa for å få utbetalt kompensasjon er på 5 000 kr pr. søknadsperiode.

Første aktuelle periode å søke for er mars–april 2020, samla. Deretter kan det søkast for nye periodar på to og to månader. Det er høve til å søke fleire gonger.

§ 5 . Krav til ein søknad om tilskot

organisasjonsnummer og namnet på den ansvarlege butikkeigaren. dokumentasjon av omsetnadssvikt for perioden som søknaden gjeld, samanlikna med omsetning for same periode i 2019, i form av daglegvareomsetning rapportert til kjeden. informasjon om søkjaren har søkt på eller motteke tilskot for inntektssikring for private næringsdrivande ei stadfesting av at søkjaren på søknadstidspunktet ikkje har fått anna bagatellmessig støtte i søknadsåret og dei to føregåande åra, som overstig grensene for offentleg støtte.

Var ikkje føretaket i drift i mars og april 2019, skal omsetninga i søknadsperioden samanliknast med gjennomsnittleg omsetning i dei månadene føretaket har vore i drift.

§ 6 . Sakshandsaminga og utbetaling av tilskot

Søknadane om tilskot blir handsama etter kvart som dei kjem inn.

Tilskota blir utbetalt snarast.

Elles gjeld Merkur-forskrifta § 5, § 6, § 7, § 9 og § 38.

§ 7 . Ikraftsetjing

Forskrifta blir sett i kraft 6. mai 2020.