Forskrift om opptak, studium og eksamen ved Høgskulen i Volda

Kapittel 1. Allmenne reglar

§ 1-1 . Verkeområde

(1) Forskrifta gjeld for opptak, studium og eksamenar ved Høgskulen i Volda, og for studentar som er akkreditert etter lov 1. april 2015 nr. 15 om universiteter og høyskoler (uhl.)

(2) For fellesgradar i samarbeid med andre institusjonar, kan det gjelde andre reglar.

§ 1-2 . Definisjonar

(1) Rammeplan er ein plan som fastsett nasjonale rammer for eit studieprogram.

(2) Studieprogram er ei samling emne på 30 studiepoeng eller meir med eit samla læringsutbytte som er fastsett i studieplan, som søkjarar kan få opptak og studierett til, og som fører fram til ei fullført utdanning, grad eller yrkesutdanning.

(3) Emne er den minste eininga med vurdering som gir utteljing i form av studiepoeng, og som kan gå inn i eit studieprogram eller tilbydast med eige opptak. Eit emne har eit læringsutbytte som er fastsett i ein emneplan.

(4) Studieplan er omtale av studieprogram med tilhøyrande emneplanar, og beskriv mellom anna opptakskrav, innhald, emne og læringsutbytte i eit studieprogram.

(5) Studiepoeng er mål på omfang og arbeidsmengde for eit studieprogram eller emne. Eitt års studium på heiltid er normert til 60 studiepoeng med arbeidsbelastning.

(6) Utdanningsplan er ein gjensidig forpliktande avtale mellom institusjonen og studenten. Utdanningsplanen synleggjer den planlagde faglege progresjonen og gjennomføring av studiet for den enkelte student, og baserer seg på studieplanen.

(7) Studierett vert gitt ein person som aksepterer tilbod om studieplass innan svarfristen, og får status som student. Studieretten gir mellom anna rett til undervisning, rettleiing og vurdering ved det aktuelle studieprogrammet, og gjeld i perioden for normert gjennomføringstid.

§ 1-3 . Studenten si plikt til å gjere seg kjend med regelverk og informasjon som gjeld for den enkelte student

(1) Alle søkarar, studentar og eksamenskandidatar har plikt til å gjere seg kjend med gjeldande regelverk ved Høgskulen i Volda.

(2) Høgskulen i Volda nyttar til dømes e-post, SøknadsWeb, StudentWeb, nettsida til høgskulen og e-læringssystem, for å formidle viktig informasjon.

(3) Søkarar og studentar pliktar å regelmessig følge med om det kjem ny informasjon via dei digitale kommunikasjonsverktøya som Høgskulen i Volda nyttar.

Kapittel 2. Gradar og yrkesutdanningar

§ 2-1 . Gradar og yrkesutdanningar

Bachelor, 180 studiepoeng. Master, 120 studiepoeng. Master, 300 studiepoeng. Erfaringsbasert master, 90 til 120 studiepoeng. Praktisk pedagogisk utdanning, 60 studiepoeng.

(2) Høgskulen i Volda kan også tilby studiar med anna omfang, mellom anna etter- og vidareutdanningar.

§ 2-2 . Bachelorgrad

(1) Graden bachelor blir tildelt på grunnlag av eksamen i studieprogram, fag og emne med eit samla omfang på 180 studiepoeng.

fullført treårig studieprogram som ifølgje nasjonal rammeplan gir bachelorgrad. fullført treårig studieprogram som ifølgje vedtak i styret for Høgskulen i Volda gir bachelorgrad. sjølvvald/fri bachelorgrad.

minst ei eining på minimum 80 studiepoeng i eit fagområde, der minimum 20 studiepoeng er på fordjupingsnivå, eller eit integrert studium på 120 studiepoeng, og minst ei eining på minimum 30 studiepoeng i eit anna fagområde, og eit sjølvstendig arbeid knytt til fordjupingsnivået på minimum 15 studiepoeng, til dømes ei bacheloroppgåve.

§ 2-3 . Mastergrad

(1) Høgskulen i Volda tildeler mastergrad i samsvar med forskrift 1. desember 2005 nr. 1392 om krav til mastergrad.

(2) Høgskulen i Volda tildeler mastergrad med eit omfang på 90 eller 120 studiepoeng på grunnlag av studieprogram som er akkreditert av Nasjonalt organ for kvalitet i utdanninga (NOKUT).

(3) Høgskulen i Volda tildeler mastergrad med eit omfang på 300 studiepoeng på grunnlag av fullført master i grunnskulelærarutdanning for 1.–7. trinn og 5.–10. trinn.

(4) Mastergrad med 90 eller 120 studiepoengs omfang skal inkludere et sjølvstendig arbeid på minimum 30 studiepoeng.

(5) Mastergrad med 300 studiepoengs omfang i tråd med punkt (3) skal inkludere et sjølvstendig arbeid på minimum 20 studiepoeng.

Kapittel 3. Opptak og rangering ved opptak

§ 3-1 . Grunnlag for opptak

generell studiekompetanse, eller bestått høgare utdanning på minst eitt år, eller fullført 2-årig fagskuleutdanning.

(2) For opptak etter punkt (1) bokstav b og c, er det krav om dokumenterte språkkunnskapar, jf. forskrift om opptak til høgare utdanning § 2-3 og § 2-4.

§ 3-1 (1) i denne forskrifta, og fullført minstekrav til høgare utdanning i tråd med studieplanen for det enkelte studieprogrammet.

treårig bachelorgrad eller annan grad eller utdanning av minimum tre års omfang.

(5) Særskilde opptakskrav går fram av studieplanen for det enkelte studieprogrammet.

(6) Styret ved Høgskulen i Volda kan regulere opptaket til det enkelte studium eller deler av det, når dette er nødvendig av omsyn til kapasitet eller ressursar.

§ 3-2 . Krav om politiattest

Høgskulen i Volda har utdanningar med krav om å levere politiattest ved opptak eller undervegs i studiet, jf. § 6-8, uhl. § 4-9 og forskrift 6. januar 2017 nr. 13 om opptak til høgare utdanning kapittel 6.

§ 3-3 . Vurdering av realkompetanse

(1) Ein søkar som ikkje kan dokumentere generell studiekompetanse eller spesielle opptakskrav, kan få opptak på grunnlag av realkompetansevurdering, jf. forskrift 6. januar 2017 om opptak til høgare utdanning kapittel 3.

er 25 år eller eldre i opptaksåret har til saman fem års yrkespraksis og/eller utdanning. Utdanning, organisasjonsarbeid eller liknande kan utgjere inntil to av desse fem åra. Minst tre år må vere relevant praksis i høve til utdanninga det vert søkt opptak til. med morsmål frå land utanfor Norden må dokumentere kunnskap i norsk på nivå med kravet som inngår i generell studiekompetanse.

(3) Kvalifikasjonane skal vurderast ut frå det faget søkaren ønsker å studere. Søkaren må ha nødvendige faglege føresetnader for å gjennomføre det aktuelle studiet utan å ha generell studiekompetanse.

(4) Realkompetansesøkarar skal rangerast i høve til same nivå som søkarar som får opptak på ordinært grunnlag.

(5) Høgskulen i Volda har eigne retningslinjer for realkompetansevurdering.

§ 3-4 . Søknadsfristar

(1) Søknadsfristar vert kunngjort på Høgskulen i Volda sine nettsider samtidig med utlysing av studieprogram for søking.

(2) Søkarar til studium i nasjonalt opptak følger fristar og prosedyrar som gjeld for dette.

§ 3-5 . Dokumentasjon og ettersending

(1) Søkarar pliktar å syte for at Høgskulen i Volda får den dokumentasjonen som er nødvendig for at søknaden skal kunne handsamast, innan kunngjorde fristar.

(2) Godkjend dokumentasjon er kopiar av originaldokument eller godkjent opplasta dokumentasjon av eksterne resultat.

(3) Dokumentasjon på utdanning som er under fullføring i opptakssemesteret, skal ettersendast snarast og seinast innan den kunngjorde fristen.

(4) Ein student må ved førespurnad vise fram originaldokument som er grunnlag for opptak til studium. Ein student som ikkje viser fram førespurde originaldokument for kontroll og godkjenning, kan bli nekta opptak.

§ 3-6 . Poengutrekning og rangering

(1) Til grunnutdanning gjeld poengutrekning og rangering innanfor kvotar fastsette i forskrift 6. januar 2017 nr. 13 om opptak til høgare utdanning.

(2) Til studieprogram som bygger på høgare utdanning må i tillegg særlege minstekrav til utdanninga som er fastsett i studieplanen, vere fullført og bestått.

(3) Til mastergradutdanning blir poengutrekning og rangering gjorde på grunnlag av gjennomsnittskarakterar frå fullført og bestått grunnutdanning.

(4) Det kan gjevast tilleggspoeng for relevant praksis og fullført høgare utdanning ut over opptakskravet. Dette går fram av gjeldande studieplan for studieprogrammet det vert søkt opptak til.

§ 3-7 . Utsett studiestart

har stadfesta at ein tek imot tilbodet om studieplass innan fastsett svarfrist, og har særskild grunn for søknaden, og har søkt innan tre veker etter at tilbodet om studieplass vart motteke.

er innkalla til førstegongs militær-/sivilteneste, er gravid, eller har alvorleg sjukdom, eller annan tungtvegande grunn.

(3) Søknaden skal dokumenterast med innkallingsbrev eller legeattest.

(4) Høgskulen i Volda kan ikkje reservere ein studieplass tildelt i Samordna opptak dersom søkaren har fått opptak på vilkår, dvs. av spesielle omstende ikkje har teke eksamen i vidaregåande skule i vårsemesteret, jf. forskrift om opptak til høgre utdanning § 5-1.

(5) Ein søkar som får innvilga søknad om utsett studiestart, får reservert studieplass i inntil to år.

(6) Ein søkar som får utsett studiestart, må stadfeste bruk av den reserverte studieplassen ved å søke om nytt opptak innan søknadsfristen. Prosedyrane skal gå fram av godkjenningsbrevet.

Kapittel 4. Studierett

§ 4-1 . Studierett

rett og plikt til å få ein utdanningsplan, jf. uhl. § 4-2 og § 4-4 i denne forskrifta rett og plikt til å ta del i obligatorisk undervisning i studiet, praksisopplæring og deltaking i andre aktivitetar i studiet rett til utanlandsopphald/utveksling som gjeld for studiet rett og plikt til å bli vurdert i samsvar med dei vurderingsformene som er fastsette i studie- og emneplanar, og i tråd med vedtekne reglar om eksamen rett til utdanningsrettleiing tilgang til Høgskulen i Volda sine undervisningslokale, bibliotek, lese- og arbeidsplassar og IT-system, i samsvar med gjeldande rammer.

(2) Perioden for studierett vert gitt i samsvar med fastsett gjennomføringstid for eit studieprogram.

(3) Høgskulen i Volda har eigne retningslinjer for studierett.

§ 4-2 . Utvida studierett

(1) Dersom studenten sin studieprogresjon ikkje samsvarar med fastsett gjennomføringstid for studieprogrammet, skal studenten aktivt bidra til å klargjere status og legge ein plan for vidare gjennomføring.

(2) Ein student som vert forsinka med avtalt gjennomføringstid for studieprogrammet, kan søkje om få utvida perioden for studierett med inntil to år. Ein student som har fått utsett studiestart eller permisjon, eller mellombels har vore utestengd, får ikkje dette rekna med som del av desse to åra.

(3) Ein student med forseinka studieprogresjon, må følge til ei kvar tid gjeldande studieplan.

§ 4-3 . Tap av studierett

studenten held ikkje fristane for registrering og betaling av semester- og/eller studieavgift studenten har ikkje oppfylt obligatoriske krav som er sette for gjennomføring av studieprogrammet studenten har ikkje avlagt eksamen/-ar i samsvar med utdanningsplanen studenten overskrid grensa for fastsett gjennomføringstid for studieprogrammet, inkl. eventuelle tillegg. Studenten har brukt opp forsøka sine på praksis og/eller eksamen.

studenten sjølv stadfestar at vedkommande trekkjer seg frå studieprogrammet, eller studieprogrammet er fullført .

Kapittel 5. Tilrettelegging og permisjon

§ 5-1 . Individuell tilrettelegging ved funksjonsnedsetting og særskilte behov

(1) Studentar med funksjonsnedsetting og/eller særskilte behov har rett til egna individuell tilrettelegging av lærestad, undervisning, læremidlar og eksamen, for å sikre likeverdige opplærings- og utdanningsvilkår, jf. uhl. § 4-3c.

(2) Retten gjeld ikkje tilrettelegging som inneber ei uforholdsmessig byrde for institusjonen. Ved vurderinga av om tilrettelegginga inneber ei uforholdsmessig byrde, skal det leggast særleg vekt på effekten tilrettelegginga har for å bygge ned barrierar for studentar med funksjonsnedsetting og særskilte behov, dei nødvendige kostnadane ved tilrettelegginga og institusjonens ressursar.

(3) Den som fullfører og består ei utdanning, må ha oppnådd det fastsette læringsutbyttet. Tilrettelegginga må difor ikkje føre til en reduksjon av dei faglege krava som vert stilt i den enkelte utdanninga.

(4) Dersom grunnlaget for tilrettelegging er av varig karakter, er det nok å sende søknad ein gong for perioden ein har studierett på eit studieprogram. Studenten må søke på nytt ved endra behov.

(5) Det er gitt nærmare regler om særskild tilrettelegging ved eksamen i § 8-9.

(6) Høgskulen i Volda har eigne retningslinjer for tilrettelegging.

§ 5-2 . Tilrettelegging for gravide studentar og rett til foreldrepermisjon

(1) Ei student som er gravid, har rett til utsett eksamen om eksamensdatoen er i perioden mellom tre veker før termin og seks veker etter fødsel.

(2) Barnets andre forelder har rett til utsett eksamen om eksamensdatoen er i perioden mellom fødsel og to veker etter fødsel.

(3) Ein student som får barn under studiane, har rett til permisjon frå studiane under svangerskap og til omsorg for barn. I permisjonsperioden har studenten fortsatt status som student ved institusjonen og har rett til å gjenoppta sine studiar på tilsvarande nivå som før permisjonen.

(4) Høgskulen i Volda skal i den grad det er mogleg legge til rette for at studentar som er i slik permisjon, kan gjenoppta sine studiar så raskt som mogleg etter permisjon.

(5) Studentar som har omsorg for barn, kan også få individuell tilrettelegging, jf. § 5-1.

§ 5-3 . Permisjon frå studiar

(1) Ein student som i ein avgrensa periode ikkje har høve til å følgje undervisninga og ta eksamen, kan søke permisjon.

(2) Søknaden om permisjon skal vere skriftleg.

(3) Permisjon skal innvilgast ved teneste etter forsvarsloven § 17, verv i studentpolitiske organ og når det føreligg andre særlege grunner. Studenten skal innvilgast permisjon så lenge behovet føreligg.

(4) Studentar som er innvilga permisjon, har fortsatt studierett og rett til å gå opp til eksamen ved institusjonen.

(5) Høgskulen i Volda har eigne retningslinjer for permisjon.

Kapittel 6. Gjennomføring av studiet

§ 6-1 . Studiekalender og fristar

start og avslutningsdato for haust- og vårsemesteret undervisnings- og eksamensperiodar.

semesterregistrering og godkjenning av utdanningsplan betaling av semesteravgift til studentsamskipnaden og ev. andre avgifter for å søkje om utveksling/utanlandsopphald andre høve som gjeld gjennomføring av studiet.

(3) Studiekalender og informasjon om fristar vert kunngjort på Høgskulen i Volda si offisielle nettside.

§ 6-2 . Studentavgifter og semesterkvittering

semesteravgift til Studentsamskipnaden i Volda, jf. lov om studentsamskipnader § 10 frivillig støtte til Studentenes og Akademikernes Internasjonale Hjelpefond (SAIH) avgifter til læremiddel og andre materialkostnader knytt til undervisninga, jf. forskrift 15. desember 2005 nr. 1506 om egenbetaling ved universiteter og høyskoler studieavgift, dersom det er vedtatt at dette skal gjelde for studieprogrammet, jf. forskrift 15. desember 2005 nr. 1506 om egenbetaling ved universiteter og høyskoler.

(2) Betalt semesteravgift, saman med gyldig studierett, gir rett til semesterkvittering som stadfester at ein er student i det aktuelle semesteret.

§ 6-3 . Utdanningsplan

(1) Studentar ved studieprogram med eit omfang på 60 studiepoeng eller fleire skal ha ein utdanningsplan, jf. uhl. § 4-2.

(2) Studentar ved studieprogram inntil 60 studiepoeng kan ha ein utdanningsplan.

(3) Utdanningsplanen skal være et middel for at studenten gjennomfører studiet. Planen skal innehalde Høgskulen i Volda sitt ansvar og plikter overfor studenten og studentens plikter overfor institusjonen.

(4) I starten av første semester får studenten eit forslag til individuell utdanningsplan. Forslaget viser emna og forventa progresjon i utdanninga, både obligatoriske og eventuelt valfrie delar, basert på studieplanen for studieprogrammet.

(5) Studenten må stadfeste utdanningsplanen sin kvart semester gjennom den obligatoriske semesterregistreringa.

(6) Studenten får ikkje melde seg til undervisning og vurdering i meir enn 45 studiepoeng kvart semester utan etter særskild avtale.

§ 6-4 . Utdanningsrettleiing og utdanningssamtale

(1) Studenten skal ha tildelt ein utdanningsrettleiar knytt til sitt studieprogram.

(2) Utdanningsrettleiar skal gi tilbod om minst ein utdanningssamtale med studenten kvart studieår. Utdanningssamtalen kan gjennomførast individuelt eller i grupper. Dersom ein av partane ønskjer det, skal samtalen gjennomførast individuelt.

(3) Studenten kan be om å få skifte utdanningsrettleiar i ein grunngjeven søknad.

(4) Høgskulen i Volda har egne retningslinjer for utdanningsplanar og utdanningsrettleiing.

§ 6-5 . Undervisningsopptak

(1) Høgskulen kan fastsette regler om undervisningsopptak for det enkelte semester for fleirårige studieprogram.

(2) Eit eige undervisningsopptak inneber at studentane innanfor gitte fristar må melde seg til og søke plass på dei emna dei planlegg å ta det påfølgande semesteret.

(3) For enkelte emne kan det vere krav om at bestemte emne, arbeidskrav eller eksamenar skal vere fullførte med godkjent resultat før ein får tilbod om plass på emnet.

(4) Høgskolen i Volda kan utarbeide egne retningslinjer for undervisningsopptaket.

§ 6-6 . Obligatorisk frammøte og deltaking

(1) Studie- og emneplanane skal vise omfanget av og kva delar av undervisninga og andre aktivitetar som er sett som obligatorisk krav for studieprogrammet.

(2) Dersom ikkje anna er bestemt i emneplanen, krev ein 80 prosent frammøte/deltaking til obligatorisk undervisning i eit emne.

(3) Ved krav om obligatorisk frammøte/deltaking vert det ført logg over frammøtet til kvar student.

(4) Studenten skal halde seg orientert om fråværet sitt.

(5) Ein student som av særskilde grunnar ikkje klarer å innfri det obligatoriske kravet til frammøte/deltaking, kan søke om dispensasjon frå frammøtekravet innan rimeleg tid før undervisningsperioden er ute. Særskilde grunnar betyr medisinsk grunn eller velferdsgrunn. Søknaden skal vere dokumentert med attest frå lege eller annan sakkunnig. Studenten kan bli pålagt fagleg(-e) arbeid som erstatning.

(6) Ein student som har tillitsverv i styringsordningar ved Høgskulen i Volda og Studentsamskipnaden i Volda, verv i nasjonale eller internasjonale studentorganisasjonar, eller har plikter i offentleg valde organ, kan søke om fritak frå heile eller delar av kravet om obligatorisk frammøte.

(7) Ein student som ikkje får godkjent frammøtet, mister retten til å gå opp til eksamen i emnet, og må melde seg til undervisning og vurdering på nytt ved neste ordinære emnegjennomføring.

(8) Studenten har klagerett på vedtak om ikkje godkjent frammøte.

(9) Høgskulen i Volda har egne retningslinjer for praktisering av kravet om obligatorisk oppmøte, søknad om dispensasjon og behandling av slike søknader.

§ 6-7 . Arbeidskrav

(1) Studenten har krav på ei oversikt over arbeidskrav i eit emne som beskriv krav til innhald og form, samt fristar for gjennomføring og innlevering av arbeidskrav.

(2) Studenten har krav om arbeidskravet blir vurdert. Vurderingsuttrykket for arbeidskrav skal vere godkjent/ikkje godkjent.

(3) Ein student får 2 – to – forsøk på eit arbeidskrav.

(4) Dersom ein student ikkje kan gjennomføre og levere eit arbeidskrav innan fastsett frist, kan studenten søke om utvida frist innan rimeleg tid før fristen for levering går ut. Søknaden skal vere grunngjeven.

(5) Ein student som ikkje får godkjent, ikkje leverer eller ikkje møter til eit arbeidskrav, har brukt eitt forsøk og får eitt nytt forsøk på å fullføre arbeidskravet.

(6) Studenten har klagerett på vedtak om ikkje godkjent arbeidskrav. Ved klage skal arbeidskravet vurderast på nytt. Klagehandsaminga skal følgje reglane om ny sensur, jf. uhl. § 3-9 og § 5-3, med unntak av kravet om ekstern sensor, jf. uhl. § 3-9 5. ledd.

(7) Ein student som ikkje får gå opp til eksamen på grunn av manglande godkjenning av arbeidskrav, må melde seg til undervisning og vurdering på nytt ved neste ordinære emnegjennomføring.

(8) § 8-7 om hjelpemiddel og kjeldebruk og § 9-3 gjeld også ved innlevering av arbeidskrav.

(9) Høgskulen i Volda har egne retningslinjer for arbeidskrav.

§ 6-8 . Praksis/praksisstudium

(1) For utdanningane som er styrte av nasjonal rammeplan, gjeld rammeplanen sine føresegner om praksis/praksisstudium.

(2) Det går fram av studie- eller emneplan om det er krav til forkunnskapar for å kunne gjennomføre praksis.

(3) I studium der studenten kan kome i kontakt med mindreårige som ein del av eit praksisstudium, er det krav om at studenten legg fram politiattest ved opptak. Det kan også krevjast ny politiattest undervegs i utdanninga, jf. uhl. § 4-9.

(4) Ein student med særskild grunn kan søke om særordning knytt til gjennomføring av praksis/praksisstudiet. Særskilde grunnar betyr medisinsk grunn eller velferdsgrunn. Søknaden skal vere dokumentert med attest frå lege eller annan sakkunnig.

(5) Ved godkjenning av praksis/praksisstudiet skal prosessen som fører fram til eit vedtak om godkjenning eller underkjenning, vere skriftleg og kunne dokumenterast.

(6) Vurderingsuttrykket for praksis/praksisstudiet skal gå fram av studie- eller emneplanen.

(7) Ein student kan framstille seg to gongar til same praksis/praksisstudiet.

(8) Ein student som bryt av praksis/praksisstudiet, får dette teljande som eitt forsøk.

(9) Ein student i praksis har teieplikt, jf. uhl. § 4-6.

(10) Ved ikkje bestått praksis skal høgskulen og praksisstaden vurdere om det er grunnlag for å sende tvilsmelding til ansvarleg for skikkavurdering når studenten går på eit studieprogram underlagt skikkavurdering, jf. uhl. § 4-10 (1).

(11) Studenten har ikkje klagerett på vedtak om ikkje godkjent praksis/praksisstudium, jf. uhl. § 5-3, 5. ledd.

(12) Studieprogram med praksis/praksisstudium har egne retningslinjer for praksisgjennomføringa.

§ 6-9 . Utveksling til utlandet

(1) Høgskulen i Volda tilbyr utveksling til utlandet for studentar på fleirårige studieprogram.

(2) Ein bachelorgradstudent må ha fullført 60 studiepoeng ved Høgskulen i Volda før utreise.

(3) Ein mastergradstudent må ha fullført 30 studiepoeng ved Høgskulen i Volda før utreise.

(4) Studenten må inngå ein avtale om førehandsgodkjenning for godskriving i utdanningsplanen. Avtalen skal vere signert av studenten og fagmiljøet ved Høgskulen i Volda, og av vertsinstitusjonen når dette er eit krav.

(5) Ein student som ikkje fullfører i tråd med førehandsgodkjenninga, må be om ei ny vurdering om godskriving når utvekslingsopphaldet er avslutta.

(6) Studenten er sjølv ansvarleg for å skaffe visum, ta vaksinar og kjøpe forsikring som trengst til utvekslingsopphaldet.

(7) Under utvekslingsopphaldet må studenten vere semesterregistrert og betale semesteravgift til Høgskulen i Volda.

(8) Etter at utvekslingsopphaldet er gjennomført, skal studenten levere ein rapport om opphaldet.

(9) Etter at utvekslingsopphaldet er gjennomført, skal studenten levere gyldig dokumentasjon frå vertsinstitusjonen i form av ei karakterutskrift, så snart sensuren er klar. Berre gyldig dokumentasjon med fullført resultat vil bli lagd inn som del av utdanninga.

(10) Høgskulen i Volda er ikkje juridisk ansvarleg for ein student på utvekslingsavtale, men har plikt til å gje nødvendig informasjon om visum, forsikring og andre forhold som studenten bør vite om.

§ 6-10 . Overgang mellom studieprogram

studenten har fått studierett gjennom ordinært opptak, møtt til studiestart og registrert seg på det studieprogrammet vedkommande vart oppteken til, og studieprogrammet studenten søker overgang til, ikkje er lukka ved poengrangering, og studenten fyller opptakskravet til studieprogrammet.

(2) Dersom studieprogrammet er lukka med poengrangering, kan overgang vurderast dersom studenten sin poengsum er lik eller høgare enn medianen ved siste opptak.

(3) Ein student som får innvilga overgang, mister studieretten til studieprogrammet vedkommande søker overgang frå, og får tildelt ny studierett ved det nye studieprogrammet.

(4) Studentar som ønsker overgang til eit studieprogram som ikkje er dekt av denne overgangsordninga, må søke om opptak på vanleg måte.

(5) Studentar må søke om overgang innan fastsett frist.

§ 6-11 . Skikkavurdering

(1) Høgskulen i Volda har fleire utdanningar der ein student vil bli vurdert om vedkommande er skikka det vil seie om dei har dei faglege og personlege føresetnadene, for den yrkesutøvinga som utdanninga kvalifiserer.

(2) Det går fram av den enkelte studieplanen dersom studiet er omfatta av kravet om skikkavurdering.

(3) Høgskulen i Volda sin praksis for skikkavurdering følger reglane i forskrift 30. juni 2006 nr. 859 om skikkethetsvurdering i høyere utdanning.

Kapittel 7. Godkjenning av tidlegare utdanning og fritak frå eksamen

§ 7-1 . Godkjenning av norsk eller utanlandsk tidlegare utdanning og fritak frå eksamen

(1) Høgskulen i Volda kan godkjenne tidlegare utdanning som del av ny utdanning i samsvar uhl. § 3-5 flg., og forskrift 10. april 2006 nr. 412 om godskriving av høyere utdanning.

(2) Tidlegare utdanning som er fagleg jamgod med eitt eller fleire emne i ny utdanning, heilt eller delvis, kan gje fritak frå delar av utdanninga.

(3) Studentar som vil ha godkjenning av tidlegare utdanning må søke om dette.

Kapittel 8. Eksamen og andre vurderingsformer

§ 8-1 . Allment om eksamen og andre vurderingsformer

(1) Ein student skal vurderast etter ulike eksamensformer i eit studieprogram.

(2) Ved Høgskulen i Volda vert det nytta ei rekke ulike vurderings- og eksamensformer, kvar for seg eller saman. Vurderings- og eksamensformer for det enkelte emne/studieprogram går fram av gjeldande emne- og studieplan.

(3) Eksamen vert avlagd individuelt med mindre emneplanen seier noko anna.

(4) Det kan vere krav om at bestemte emne, eksamenar eller obligatoriske krav skal vere fullført med godkjent resultat før ein student får gå opp til eksamen i eit emne.

(5) Når karakteren i eit emne vert slått saman av to eller fleire eksamenar (delar), skal den prosentvise vektlegginga mellom dei ulike delane gå fram av emneplanen.

(6) Høgskulen i Volda arrangerer normalt to eksamensperiodar kvart semester, éin for ordinære eksamenar og éin for kontinuasjonar.

(7) Høgskulen i Volda er ikkje ansvarleg for kollisjonar på eksamensdatoar for ein student som vel ein annan utdanningsplan enn det som er tilrådd, eller som tek fleire emne i tillegg til emna i studieprogrammet.

(8) Høgskulen i Volda har eigne retningslinjer for eksamenskandidatar og gjennomføring av eksamen.

§ 8-2 . Oppmelding til eksamen

(1) Eksamensdatoar vert kunngjorde for studentane i Studentweb.

(2) Oppmelding til ordinær eksamen skjer i samband med godkjenning av utdanningsplan/semesterregistrering i Studentweb.

§ 8-3 . Eksamensforsøk

(1) Ein student har tre – 3 – gjeldande eksamensforsøk i same emnet.

bestått får karakter F/ikkje bestått trekk seg etter fristen, jf. § 5-2 (4) ikkje møter til eksamen eller ikkje leverer eksamenssvar, utan gyldig dokumentasjon får eksamen annullert grunna fusk eller forsøk på fusk.

(3) Dersom ein student har gyldig fråvær ved eksamen, skal dokumentasjon leverast snarast, og utan ugrunna opphald, etter at eksamen skulle ha vore gjennomført.

§ 8-4 . Trekke seg frå eksamen

(1) Studenten kan sjølve velje å trekke seg frå eksamen i Studentweb inntil to – 2 – veker før eksamensdato.

(2) Trekk innan fristen tel ikkje som gjeldande eksamensforsøk.

(3) Studentar kan berre trekke seg under eksamen på grunn av sjukdom. For at dette ikkje skal telje som gjeldande eksamensforsøk må studenten snarast levere dokumentasjon frå lege eller annan sakkyndig.

§ 8-5 . Rett til kontinuasjonseksamen – ny eksamen

av ein medisinsk grunn, eller ein velferdsgrunn vert hindra frå å gå opp til ordinær eksamen, og som kan dokumentere fråværet med attest frå lege eller annan sakkunnig, eller får ikkje stått som resultat på ordinær eksamen, eller som trekkjer seg under ordinær eksamen.

(2) Ein student som har bestått eit emne og som ønsker å forbetre karakteren sin, kan melde seg opp til ny eksamen når det vert arrangert kontinuasjonseksamen (ny eksamen) for studentar etter første ledd, eller dersom eksamen vert helt som ordinær eksamen for nytt kull.

(3) Ein student som har tapt studieretten etter å ha brukt opp eksamensforsøka sine i emnet, får ikkje nye eksamensforsøk i emnet ved å søke om nytt opptak til same studieprogram.

(4) Høgskulen i Volda har eigne retningslinjer for gjennomføring av kontinuasjonseksamen (ny eksamen).

§ 8-6 . Forbetring av bachelor- og masteroppgåver og andre oppgåver

(1) Ein student som har fått vurdert bachelor- eller masteroppgåve si til ikkje bestått, kan levere ny eller revidert oppgåve ein gong.

(2) Det er ikkje høve til å forbetre karakter på ei bestått bachelor- eller masteroppgåve innafor same studieprogram.

(3) Dersom noka anna ikkje går fram av studie- eller emneplanen har ein student rett til å levere forbetra versjon av ei ikkje bestått og bestått semesteroppgåve eller andre større oppgåver med individuelt utforma problemstilling. Det er berre mogleg å levere forbetra versjon ein gong.

(4) Ved gruppeoppgåver er det ikkje anledning til å levere individuelt forbetra versjon.

(5) Ein eksamenskandidat som har fått semesteroppgåve, bacheloroppgåve, masteroppgåve eller anna større oppgåve annullert på grunn av fusk, kan ikkje levere forbetra versjon av oppgåva med same problemstilling.

(6) Studenten har ikkje krav på ny rettleiing ved forbetring av oppgåver som nemnt i 1. til 5. ledd.

(7) Høgskulen i Volda har eigne retningslinjer for forbetring av bachelor- og masteroppgåver og andre oppgåver.

§ 8-7 . Tid og stad for eksamen

(1) Studenten er sjølv ansvarleg for å halde seg orientert om tid og stad for eksamen og kva hjelpemiddel som er tillatne.

(2) Ordinær eksamen vert arrangert innanfor fastsett eksamensperiode i slutten av kvart semester.

(3) Kontinuasjonseksamen vert arrangert i påfølgjande semester.

(4) Eksamen i emne som er utgått, kan bli arrangert inntil eitt år etter siste ordinære eksamen i emnet.

(5) Eksamensstad er Høgskulen i Volda, inkludert høgskulen sitt datanettverk og eksamensverktøy.

§ 8-8 . Hjelpemiddel og kjeldebruk

(1) Lovlege hjelpemiddel skal gå tydeleg fram av emneplanen og eksamensoppgåva.

(2) Det er ulovleg å bruke elektronisk utstyr som kan opprette samband eller på anna vis kommunisere internt i eksamenslokalet, eller med omverda.

(3) Studenten plikter å sette seg godt inn i lovlege hjelpemiddel til den enkelte eksamen.

(4) Studenten har sjølv ansvar for å ta med lovlege hjelpemiddel til eksamen, samt gjere seg kjent med korleis hjelpemidla verkar. Studenten pliktar å gjere alle hjelpemidlar tilgjengeleg for kontroll.

(5) Bruk eller innehaving av ulovlege hjelpemiddel i forbindelse med eksamen vert rekna som fusk eller forsøk på fusk, jf. 9-3.

(6) For arbeidskrav og andre vilkår som er sette for å gå opp til eksamen gjeld 1. ledd til 5. ledd tilsvarande.

(7) Høgskulen i Volda har eigne retningslinjer for kjelde- og litteraturbruk.

§ 8-9 . Eksamensspråk

(1) Eksamensspråket ved Høgskulen i Volda er norsk med mindre anna er fastsett i studie- eller emneplanen.

(2) Alle eksamensoppgåver i norskspråklege emne skal ligge føre både på nynorsk og bokmål, med unntak for eksamenar der nynorsk- eller bokmålskompetansen skal prøvast.

(3) Når eksamensspråket er norsk kan ein student velje å skrive eksamenssvaret på eit anna skandinavisk språk, jf. språklova § 8.

§ 8-10 . Særskild tilrettelegging av eksamen

(1) Ein student som av medisinsk grunn eller ein velferdsgrunn har vanskar med å gjennomføre eksamensforma som er vedteken, kan søke om særskild tilrettelegging av eksamen.

(2) Tilrettelegginga skal kompensere for dei ulempene som ligg til grunn for søknaden, samtidig som studentane i størst mogleg grad skal prøvast likt. Særskild tilrettelegging er normalt utvida tid eller bruk av hjelpemiddel. Det kan også vurdere andre tiltak når det er dokumentert særlege behov.

(3) Søknad om særskild tilrettelegging av eksamen må leverast innan fastsett frist som vert publisert på Høgskulen i Volda sine nettsider.

(4) Det kan gjerast unntak frå fristen ved akutt sjukdom eller liknande. Behovet må dokumenterast med attest frå lege eller annan sakkunnig. Det skal gå fram av dokumentasjonen kva som trengst av særskild tilrettelegging.

(5) Dersom grunnlaget for særskild tilrettelegging er av varig karakter, er det nok å sende søknad ein gong for perioden ein har studierett på eit studieprogram. Studenten må søke på nytt ved endra behov.

§ 8-11 . Privatisteksamen

(1) Ein privatist er ein person som ikkje er oppteken som student ved Høgskulen i Volda, men som fyller opptakskrava og søker om å få ta eksamen i eitt eller fleire emne i eit studieprogram. Eventuelle obligatoriske krav og krav til forkunnskapar i eit emne må også vere stetta.

(2) Søknad om privatisteksamen må leverast innan fastsett frist, publisert på Høgskulen i Volda sine nettsider.

(3) Retten til å ta eksamen som privatist gjeld berre eksamen med tilsyn.

(4) Privatistar skal betale semesteravgift til Studentsamskipnaden det semesteret dei går opp til eksamen.

(5) Privatistar skal betale ei avgift som dekker Høgskulen i Volda sine meirkostnader ved å leggje til rette for eksamen, jf. uhl. § 3-10, 4. ledd

(6) Dersom ein privatist av ein særskild grunn vert hindra frå å gå opp til eksamen, kan eksamen takast på nytt utan at han/ho må betale nye avgifter. Med særskild grunn meiner ein medisinsk grunn eller ein velferdsgrunn, som vert dokumentert med attest frå lege eller annan sakkunnig, sjå ovanfor § 8-3 og § 8-4.

Kapittel 9. Sensur og klage på sensur

§ 9-1 . Grunnlag for sensur

(1) Ein student som har vore oppe til eksamen, kan ikkje unndra seg sensur etter at eksamenssvaret er levert.

(2) Ved eksamen med tilsyn kan eksamenssvar som er leverte, ikkje leverast ut igjen, endrast eller supplerast.

(3) Ved eksamen utan tilsyn kan ein student erstatte eit eksamenssvar som allereie er levert, med eit nytt eksamenssvar fram til fastsett innleveringsfrist.

(4) Eksamensresultat vert normalt kunngjorde på Studentweb så snart godkjend sensurvedtak ligg føre.

§ 9-2 . Om vurderingsuttrykk

(1) Vurderingsuttrykket for ein eksamen er anten stått/ikkje stått eller ein gradert karakterskala med fem trinn frå A til E for stått og F for ikkje stått, jf. uhl. § 3-9, 6. ledd.

(2) Når karakteren i eit emne vert fastsett på grunnlag av fleire eksamenar (delar), skal alle eksamenar (delar) vere stått for at emnet er stått.

§ 9-3 . Fusk og forsøk på fusk

(1) Fusk, forsøk på fusk eller medverknad til fusk ved eksamen, arbeidskrav eller andre vilkår som er sette for å gå opp til eksamen, kan føre annullering, utestenging frå høgskulen og tap av retten til å ta eksamen, jf. uhl. § 4-7 og § 4-8, 3. ledd.

å ha ulovlege hjelpemiddel tilgjengeleg under eksamen, ulovleg bruk av hjelpemiddel som er tillat eller bruk av andre hjelpemidlar enn dei som er tillat i emneplanen. plagiering: presentere andre sitt arbeid som sitt eige utan tilstrekkeleg kjeldetilvising presentere sitt eige, tidlegare arbeid som nytt arbeid utan å oppgje kjelde (sjølvplagiering) manglande markering av sitat parafrasering ved å nytte seg av andre sitt materiale, men sjølv arbeide til materialet i noko grad utan å oppgje kjelde tekstnær parafrasering utan å vise til sidetal i kjelda. ulovleg kommunikasjon eller samarbeid mellom studentar eller grupper å skaffe seg tilgjenge til eksamen ved å fuske på ein obligatorisk læringsaktivitet, eller urett på grunnlag få godkjent deltaking til slik aktivitet. dersom oppgåva er utarbeidd av andre eller la andre gjennomføre eksamen for seg.

(3) Når det under eksamen med tilsyn oppstår mistanke om fusk eller forsøk på fusk, skal kandidaten straks gjerast merksam på at dette vil bli rapportert til rette vedkommande ved institusjonen, og at saka vil bli undersøkt nærmare. Tilsvarande gjeld også ein kandidat som yter hjelp til ein eller fleire medstudentar. Kandidaten/-ane kan velje å halde fram eller avbryte eksamen. Kandidaten/-ane vil bli kalla inn til samtale.

(4) Når det i samband med eksamen utan tilsyn oppstår mistanke om fusk eller forsøk på fusk, blir rette vedkommande ved institusjonen varsla og saka undersøkjast straks. Tilsvarande gjeld også for arbeidskrav og andre vilkår som er sette for å gå opp til eksamen. Kandidaten/-ane vil bli kalla inn til samtale.

(5) Det er fastsett eigne retningslinjer om fusk og sakshandsaminga i sakar som gjeld fusk og forsøk på fusk.

§ 9-4 . Sensurering

(1) Alle eksamenar blir vurdert av ein kommisjon på minst to sensorar.

(2) Ved intern sensur er sensorane fagleg tilsette ved institusjonen. Ved ekstern sensur er minst ein av sensorane ikkje fagleg tilknytt institusjonen.

(3) Det skal utarbeidast sensorrettleiing til alle eksamenar. Sensorrettleiinga er offentleg etter at den ordinære sensuren er avslutta, jf. uhl. § 5-3, 3. ledd.

(4) Sensur skal gjennomførast anonymt så langt dette er praktisk mogleg.

(5) Sensuren skal føreligge innan tre veker om ikkje særlege grunner gjer det nødvendig å bruke meir tid.

(6) Høgskulen i Volda har eigne retningslinjer for sensurarbeid og sensorrettleiing.

§ 9-5 . Rett til grunngjeving

(1) Studenten har rett til grunngjeving for fastsetting av karakteren.

(2) Ved munnleg eksamen eller vurdering av praktiske ferdigheiter må studenten krevje grunngjeving straks karakteren er gjort kjent for studenten.

(3) For andre eksamenar må studenten krevje grunngjeving innan ei veke frå karakteren er kunngjord.

(4) Studenten har normalt rett på grunngjeving innan to veker etter at studenten har bedt om grunngjeving, seinast to veker etter at frist for å be om grunngjeving gjekk ut.

(5) I grunngjevinga skal det gjerast greie for dei generelle prinsippa som er lagt til grunn ved sensureringa, og for vurderinga av studenten sin prestasjon.

(6) Grunngjevinga skal normalt gis skriftleg, men sensor kan gi ei munnleg grunngjeving om sensor etter forholda finn dette meir hensiktsmessig for studenten.

(7) Høgskulen i Volda har eigne retningslinjer for arbeid med mellom anna grunngjevingar.

§ 9-6 . Klage på sensur

(1) Studenten har rett til å klage på fastsetting av karakteren i tråd med reglane i uhl. § 5-3.

(2) Det er individuell klagerett ved gruppeeksamen.

(3) Ved vurdering av munnleg prestasjon og vurdering av praksisstudiar eller liknande som etter sin art ikkje lar seg etterprøve, har studenten ikkje klagerett.

(4) Fristen for å klage på karakteren er tre veker frå eksamensresultatet er kunngjord.

(5) Dersom studenten har bedt om grunngjeving, reknast klagefristen frå det tidspunkt studenten har fått grunngjevinga.

(6) Dersom studenten har klage på formelle feil ved same eksamen, jf. uhl. § 5-2 (6), reknast fristen for klage på sensur frå det ligg føre endeleg avgjer i klagesaka om formelle feil.

§ 9-7 . Ny sensur

(1) Ved ny sensurering skal sensorane ikkje ha tilgang til første karakter, sensors grunngjeving for denne eller studentens grunngjeving for klaga.

(2) I det tilfelle karakteren ved ny sensur avvik med to eller fleire karakterar frå første sensur, skal det gjennomførast ytterlegare ei vurdering før endeleg karakter kan fastsettast.

Kapittel 10. Behandling av klager og andre særlege saker

§ 10-1 . Nemnd for studentsaker

(1) Høgskulen i Volda har oppretta ei eiga nemnd for studentsaker i samsvar med uhl. § 5-1.

Leiar for nemnda og vara for leiar skal være jurist og ha fylt 25 år. (dei lovbestemte krava for lagdommar). Disse kan ikkje være tilsett ved skulen. To av medlemmane er tilsette ved institusjonen. To av medlemmane og deira varamedlemmer skal oppnemnast av og blant studentane.

(3) Nemnda er vedtaksfør når leiar eller vara for leiar og to andre medlemmer er til stade.

§ 10-2 . Nemnda avgjer klage på enkeltvedtak

(1) Nemnda skal handsame klager over enkeltvedtak.

Opptak, godskriving av anna utdanning og fritak frå eksamen Studierett Godkjenning/vurdering av tilrettelegging, fristutsettingar og permisjonar Obligatorisk frammøte og deltaking Formelle feil knytt til gjennomføring av mellom anna eksamen, arbeidskrav og liknande Eksamensrett Avslag på vitnemål eller karakterutskrift.

(3) Nemnda sine vedtak i klagesaker om institusjonens enkeltvedtak, kan det ikkje klagast på.

(4) Nemnda skal i tillegg handsame andre klagesaker for studentane.

§ 10-3 . Nemnda si klagehandsaming

(1) Nemnda skal handsame klagesakene i tråd med forvaltningslova (fvl.) kapittel VI.

(2) Fristen for å fremje klage til nemnda er 3 veker frå det tidspunktet studenten har fått eller burde ha skaffa seg kjennskap om vedtaket eller forholdet studenten ønsker å klage på. Ber studenten om nærare grunngjeving for vedtaket, reknast ny frist frå det tidspunkt grunngjevinga er kome fram til studenten, eller studenten på anna måte er gjort kjent med den.

(3) Klagen skal være skriftleg og underskrive, og være adressert til rette vedkomande ved institusjonen. Klagen må omtale vedtaket som klaga gjeld, og nemne den endring som studenten ynsker i det vedtaket det er klaga over. Klagen bør også innehalde ei grunngjeving for kvifor klagar ønsker dei endringane som er skildra.

(4) Institusjonen har ei sjølvstendig plikt til å utgreie saka og gi klagaren nødvendig rettleiing for at han skal kunne ivareta sine interesser. Nemnda skal sjå til at saken er så godt opplyst som mogleg før vedtak treffast.

(5) Klager har rett til innsyn i faktiske opplysingar mv. i si sak, og har rett til å gjere seg kjent med dokumenta i saka, med unntak av interne dokument eller andre særlege dokument som nemnt i fvl. § 18 og § 19.

(6) Nemnda skal handsame og avgjere saka utan ugrunna opphald. Dersom det er venta at det vil ta uforholdsmessig lang tid å handsame klaga, skal klager få informasjon om dette og samtidig få informasjon om når klaga er venta å bli handsama.

§ 10-4 . Andre saker som nemnda skal handsame

(1) Nemnda skal også handsame saker etter uhl. om inndraging og karantenetid (§ 3-7 (8), annullering av eksamen (§ 4-7), bortvising og utvising (§ 4-8, § 4-9, § 4-10 og § 7-9). Saker etter disse paragrafane kan ikkje handsamast av andre organ ved institusjonen.

(2) Nemnda handsamar også saker om formelle feil på eksamen, jf. uhl. § 5-2.

(3) Nemnda sine vedtak etter uhl. § 3-7 (8), § 4-7 til § 4-10 og § 7-9 kan klagast vidare til nasjonalt klageorgan.

Kapittel 11. Vitnemål og karakterutskrift

§ 11-1 . Vitnemål

(1) Høgskulen i Volda skriv ut vitnemål og Diploma supplement etter avslutta grad, yrkesutdanning, praktisk-pedagogisk utdanning (PPU) eller anna studieprogram på minimum 120 studiepoeng.

(2) Når ein student fullfører studiet og blir kvalifisert for ei grad, utferdast normalt digitalt vitnemål. Oppnådd grad med resultat er tilgjengeleg via Vitnemålsportalen.

(3) Har studenten klaga på karakterfastsettinga, jf. § 9-6, eller på formelle feil ved eksamen, jf. § 10-4 (2), må studenten vente på resultatet av klagebehandlinga før vitnemål blir skrive ut. Har studenten allereie fått skrive ut vitnemål som omfattar den aktuelle eksamen, vil vitnemålet bli satt som ugyldig til klagesaka er ferdig handsama.

(4) For utdanningar der skikkavurdering inngår, kan vitnemål holdast tilbake til studenten er vurdert å være skikka for yrket.

dersom studenten manglar norsk fødselsnummer eller D-nummer dersom studenten har fått digitalt vitnemål, men har behov for å vise fram et vitnemål på papir til utdanningsinstitusjonar eller arbeidsgivar i utlandet.

(6) I særskilte tilfelle kan studenten få skrive ut duplikat etter søknad. Søknaden må være dokumentert. Det blir normalt kravd ei avgift for å skrive ut duplikat.

(7) For grader som gis i samarbeid med andre norske eller utanlandske institusjonar (fellesgradar) må minst 30 studiepoeng være avlagt ved Høgskulen i Volda. Det skal gå fram av vitnemålet at utdanninga er gitt i samarbeid med andre institusjonar.

(8) For studentar som har fått godkjent eksamenar i tråd med reglane i denne forskrifta og uhl. § 3-5, § 3-5e eller § 3-5f, må krava om tilknyting og nye studiepoeng, jf. kapittel 2 i denne forskrifta, være oppfylt for at ein student skal få skreve ut vitnemål.

(9) Dersom ein student har fått vitnemål/karakterutskrift som etter klagehandsaming ikkje lenger er gyldig, skal studenten snarast råd levere inn att vitnemålet/karakterutskrifta.

(10) Ved forbetring av resultat i emne etter at vitnemålet er utskrive, kan ein be om karakterutskrift.

§ 11-2 . Karakterutskrift

(1) Studenten kan fortløpande og ved fullførte studiar hente ut karakterutskrift på Studentweb eller Vitnemålsportalen.

(2) Karakterutskrifta skal vise karakter for alle emne der kandidaten har bestått eksamen. Resultat frå deleksamenar går normalt ikkje fram av karakterutskrifta.

Kapittel 12. Diverse

§ 12-1 . Utfyllande reglar

(1) Innanfor rammene av denne forskrifta kan direktør fastlegge utfyllande reglar.

§ 12-2 . Iverksetjing og oppheving

(1) Denne forskrift trer i kraft 1. april 2023.

(2) Frå same tidspunkt er forskrift 4. desember 2014 nr. 1697 om opptak, studium og eksamen ved Høgskulen i Volda oppheva.