§ 26. Navigasjon

Alle fartøy skal vere utstyrte med a) mottakar for globalt satellittnavigasjonssystem b) fastmontert magnetkompass c) ekkolodd d) radarreflektor. Fartøy med største lengd 15 meter eller meir skal i tillegg vere utstyrte med a) radar b) automatisk identifikasjonssystem (AIS) klasse B med sendar og mottakar. AIS skal alltid vere i drift når fartøyet er undervegs. Elektriske kraftkjelder som driv navigasjonsutstyr skal ha kapasitet til å drive utstyret under heile reisa, og i tillegg ha ein reservekapasitet på minst 6 timar. Reiser skal planleggast ved hjelp av oppdaterte offisielle sjøkart og nautiske publikasjonar og med omsyn til vêr- og bølgjevarslar. Oppdaterte offisielle sjøkart skal finnast om bord. Skipsførar skal overvake kursen og posisjonen til fartøyet for å sikre at fartøyet fylgjer den planlagde ruta.