§ 1-1. Verkeområde

(1) Forskrifta gjeld opptak, studium og eksamen ved Høgskulen i Volda. Forskrifta gjeld også for privatistar som tek eksamen etter lov om universiteter og høyskoler (uhl.) § 11-4. (2) Forskrifta gjeld for obligatoriske aktivitetar og eksamen i opplæringsdelen i ph.d.-program (ved Høgskulen i Volda eller andre program), så langt dette er regulert i uhl. eller forskrift om graden philosophiae doctor (ph.d.) ved Høgskulen i Volda. (3) Forskrifta gjeld for fellesgradar i samarbeid med andre institusjonar, så langt dette er regulert i forskrift for den aktuelle fellesgraden. (4) For studium som er underlagde nasjonale rammeplanar, vil nasjonale rammeplanar vere overordna denne forskrifta ved eventuell konflikt.