§ 3-6. Opptaksgrunnlag for mastergradsutdanning

(1) For opptak til mastergrad gjeld forskrift om krav til mastergrad §§ 3 til 5 og eventuelle nasjonale rammeplanar som er fastsette i forskrift. (2) Spesifikke krav til fagleg grunnlag og faglege minstekrav for den enkelte utdanninga blir fastsett av styret i studieplanen, jf. § 2 i forskrift om krav til mastergrad. (3) For opptak til ein mastergrad med eit omfang på 120 studiepoeng må eit av følgjande utdanningsløp vere fullført eller bestått: -) bachelorgrad (minimum 180 studiepoeng) -) cand.mag.-grad -) annan grad eller yrkesutdanning av minimum 3 års omfang -) utdanning som i samsvar med § 9-3 i lova er godkjend som jamgod med ovannemnde gradar eller utdanningsløp (4) Innanfor grunnlaget for opptak må eit av følgjande inngå: -) Fordjuping i fag, emne eller emnegruppe av eit omfang på minimum 80 studiepoeng innanfor eit fagområde som er relevant for mastergraden. Dette skal gå fram av studieplanen. -) Integrert yrkesretta utdanning av eit omfang på minimum 120 studiepoeng innanfor eit fagområde som er relevant for mastergraden. Dette skal gå fram av studieplanen. (5) Andre opptakskrav som er fastsette i studieplanen for masterprogrammet, må vere oppfylte. (6) For mastergradsutdanningar som har opptakskrav om minst gjennomsnittskarakter C, må søkjaren ha eit vekta gjennomsnitt på 2,5 tilsvarande 25,00 karakterpoeng for å oppfylle kravet.