§ 3-7. Opptaksgrunnlag for erfaringsbasert master

For opptak til ein erfaringsbasert mastergrad med omfang på 90 studiepoeng må opptaksgrunnlaget som går fram av § 3-6, vere oppfylt. I tillegg blir det stilt krav om følgjande: a) Minst 2 års relevant yrkespraksis, dokumentert med attest frå arbeidsgivar. Kva som blir rekna som relevant yrkespraksis, skal gå fram av studieplanen. b) Det vekta karaktergjennomsnittet skal vere C eller betre i den faglege fordjupinga. Omfanget til den faglege fordjupinga skal gå fram av studieplanen. c) Eventuelle særskilde opptakskrav skal gå fram av studieplanen.