§ 12-1. Fusk og forsøk på fusk

(1) Som fusk reknar ein mellom anna: a) å opptre i strid med gjeldande reglar for den spesifikke eksamenen. b) å bruke eller ha ulovlege hjelpemiddel tilgjengeleg under eksamen. c) å legge fram andre sitt arbeid som sitt eige utan tilstrekkelege kjeldetilvisingar eller markering av sitat (plagiat). d) å vise til fiktive kjelder. e) å levere arbeid som er heilt eller delvis utarbeidd av andre enn studenten eller studentane sjølv. f) å sitere eller på annan måte nytte eigne tidlegare arbeid som har gitt utteljing i form av studiepoeng eller rett til å gå opp til eksamen, utan tilstrekkeleg kjeldetilvising. g) å skaffe seg tilgjenge til eksamen ved å fuske på ein obligatorisk læringsaktivitet, eller på urett grunnlag få godkjent deltaking til slik aktivitet. h) å tileigne seg fordelar ein ikkje har rett til ved eksamen eller kurs. i) ulovleg kommunikasjon mellom studentar eller grupper (ulovleg samarbeid). j) å la ein annan gjennomføre eksamen for seg. k) fabrikkering eller forfalsking av data. (2) Studentar kan reknast for å ha fuska eller forsøkt å fuske frå det tidspunktet eksamenen eller vurderinga har starta. For føresegner om når eksamen har byrja, sjå § 11-13.