§ 5-2b. Vilkår for betalingsstudium og studieavgift

Studentar på betalingsstudium som er finansiert med eigenbetaling ved studieavgift betalt av studenten, gjeld følgjande: • Etter utløp av angrefristen gjeld følgjande forpliktingar: a) Etter utløp av angrefrist og før studiet har starta opp: i) Studenten kan søke om permisjon og ta opp igjen studia neste gong studia startar opp. Studenten blir belasta for studieavgift første semester. ii) Dersom studenten avbryt studia og ikkje startar opp på studiet ved neste opptak, er studieavgifta for første semester tapt for studenten. b) Etter at studiet har starta opp: i) Studenten kan søke om permisjon frå studiet i inntil to semester. Studenten betaler studieavgift for inneverande (påbegynte) semester og kan starte opp ved første moglegheit om emnet blir tilbydd igjen. Dersom studenten likevel avbryt studia, er studieavgifta for inneverande semester tapt for student. I tillegg blir studenten belasta for studieavgift for påfølgjande semester. c) Ved eventuell godkjenning av permisjonssøknad, tar høgskulen atterhald om at studiet framleis blir tilbode etter at permisjonstida er gått ut.