§ 6-1. Eksamensrett for privatistar

(1) Personar som dekkjer opptakskrav og andre krav for å gå opp til eksamen i eit emne ved Høgskulen på Vestlandet, har rett til å gå opp til eksamen, jf. universitets- og høyskoleloven § 11-4 første ledd. (2) Personar med eksamensrett ved høgskulen etter universitets- og høyskoleloven § 11-4 første ledd, som ikkje har opptak til emnet som student eller emnestudent, er privatistar. (3) For å kunne ta eksamen, må privatisten: a) Dekkje opptakskravet til studieprogrammet som emnet høyrer til, jf. forskrift om opptak ved Høgskulen på Vestlandet, kapittel 2. b) Dekkje eventuelle forkunnskapskrav for emnet. c) På fastsett måte og innan fastsett frist søke om å få ta eksamen i emnet. Fristen for å søke er 1. desember for vårsemesteret og 1. juni for haustsemesteret. Dokumentasjon av generell studiekompetanse og eventuelle tilleggskrav skal leggjast ved søknaden. (4) Privatistar skal innan fastsett frist betale semesteravgift og vederlag til høgskulen, jf. § 4-5 (11). Vederlag som er betalt av privatist blir ikkje tilbakebetalt.