§ 62. Unntak frå kravet om fullføring på normert tid

Låntakaren kan få sletta gjeld etter § 61 første eller andre ledd sjølv om utdanninga ikkje blei gjennomført på normert tid, dersom årsaka til at låntakaren brukte lengre tid var a) at låntakaren har nedsett funksjonsevne, og var funksjonshemma i studiesituasjonen fordi læringsmiljøet eller studiesituasjonen ved lærestaden ikkje var tilpassa låntakarens nedsette funksjonsevne b) at låntakaren har fått barn i utdanningsperioden c) at låntakaren blei forseinka på grunn av sjukdom d) at låntakaren samtidig hadde tillitsverv på fulltid i minst 3 månader i strekk i ein landsomfattande studentorganisasjon, eller i tilknyting til ein utdanningsinstitusjon eller ein studentsamskipnad.