§ 1-9. Opplæring i framandspråk, fordjuping, eller arbeidslivsfag på 8. til 10. trinn

Elevar på 8. til 10. trinn skal i tillegg til opplæringa i engelsk ha opplæring i eit framandspråk, fordjuping i engelsk, norsk, samisk eller matematikk, eller opplæring i arbeidslivsfag. Kommunen må ved kvar skole tilby opplæring i a) minst eitt av språka tysk, fransk, spansk eller russisk etter læreplanen i framandspråk på nivå I b) arbeidslivsfag. Elevane skal ha det faget dei har valt, frå 8. til 10. trinn. Dei kan likevel byte fag det første halvåret i samråd med skolen. Kommunen kan godkjenne fagbyte på eit seinare tidspunkt dersom særlege grunnar taler for det. Elevane kan ikkje krevje å halde fram med det same faget dersom dei byter skole.