§ 20-3. Innhenting av opplysningar ved skolebyte

Så langt det er nødvendig til formål som nemnde i opplæringslova § 25-1 andre ledd, kan skolar hente inn følgjande opplysningar om elevar og vaksne deltakarar i samband med skolebyte eller byte av opplæringsstad: a) opplysningar om tidlegare gjennomført opplæring b) karakterar som skal førast på vitnemål eller kompetansebevis c) opplysningar om fråvær som skal førast på vitnemål eller kompetansebevis d) kartlegging av elevar med rett til særskild språkopplæring etter opplæringslova § 3-5 og § 6-5 eller etter privatskolelova § 3-5. Ein skole kan dele dei opplysningane frå vedtak om skolebyte etter opplæringslova § 13-2 som den nye skolen treng for å kunne vareta eleven som blir flytta, og andre elevar på skolen.