§ 5-12. Opplæring og eksamen etter læreplanen i norsk for språklege minoritetar med kort butid i Noreg

Elevar kan velje å følgje læreplanen i norsk for språklege minoritetar med kort butid i Noreg dersom begge desse vilkåra er oppfylte: a) Elevane har særskild språkopplæring etter opplæringslova § 6-5. b) Elevane har ikkje hatt meir enn fire års opplæring frå og med femte trinn i norsk grunnskole før dei byrjar i vidaregåande opplæring. Privatistar kan ta eksamen etter læreplanen i norsk for språklege minoritetar med kort butid i Noreg dersom alle desse vilkåra er oppfylte: a) Privatistane har eit anna morsmål enn norsk, samisk, svensk eller dansk. b) Privatistane har budd mindre enn sju år i Noreg første gong dei tar denne eksamenen. c) Privatistane har ikkje fått sluttvurdering etter ordinær læreplan i norsk skoleåret 2020-2021 eller seinare.