§ 23-3. Eksamen

Første eksamen i fag etter Læreplanverket for Kunnskapsløftet 2020 skal haldast a) våren 2021 for fag som skal avsluttast på vidaregåande trinn 1 b) våren 2022 for fag som skal avsluttast på grunnskolen og på vidaregåande trinn 2 c) våren 2023 for fag som skal avsluttast på vidaregåande trinn 3. I grunnskolen skal siste eksamen i fag etter Læreplanverket for Kunnskapsløftet 2006 haldast hausten etter første eksamen i fag etter Læreplanverket for Kunnskapsløftet 2020. I den vidaregåande opplæringa skal siste eksamen etter Læreplanverket for Kunnskapsløftet 2006 haldast a) hausten 2021 for vidaregåande trinn 1 b) hausten 2022 for vidaregåande trinn 2 c) hausten 2023 for vidaregåande trinn 3. Siste eksamen i lærefag med opplæring i tre år og verdiskaping i eit og eit halvt år, skal haldast våren 2025. Siste eksamen i lærefag med opplæring i fire år og verdiskaping i eit år, og lærefag med opplæring i tre år og verdiskaping i to år, skal haldast hausten 2025. Dersom opplæringa er gjennomført, kan lokalt gitt eksamen haldast hausten det same året som Læreplanverket for Kunnskapsløftet 2020 er tatt i bruk i faget.