Forskrift om endring i forskrift om krav til kassasystem

I

I forskrift 18. desember 2015 nr. 1616 om krav til kassasystem (kassasystemforskrifta) gjerast følgjande endring:

§ 2-8-4 skal lyde:

Ei salskvittering skal minst innehalde opplysningar som nemnt i forskrift 1. desember 2004 nr. 1558 om bokføring § 5-3-12 samt opplysningar om type betalingsmiddel og ID-nummeret til kassapunktet. Ordet «Salskvittering» skal visast øvst på kvitteringa. Dersom salskvitteringa er framstilt i elektronisk form skal orda «Elektronisk salskvittering» visast. Dersom betalingsløysinga er integrert med kassasystemet, skal salskvitteringa også innehalde transaksjons-ID.

II

Endringa under I trer i kraft straks.