§ 10. Helse, miljø og tryggleik

Om helse, miljø og tryggleik skal følgjande dokumentasjon takast vare på for ettertida: a) interne instruksar og retningsliner for det systematiske arbeidet med helse, miljø og tryggleik b) årlege rapportar og dokumentasjon som gjeld systematisk gjennomgang og evalueringar av arbeidet med helse, miljø og tryggleik c) dokumentasjon som gjeld undersøkingar og evalueringar av arbeidsmiljøet d) dokumentasjon som gjeld tilsyn e) dokumentasjon som gjeld oppfølging av arbeidsulykker, yrkesskadar og yrkessjukdommar f) dokumentasjon som gjeld konflikthandtering, med framstilling av korleis partane ser på saka og korleis arbeidsgivaren har følgt opp saka g) dokumentasjon som gjeld varsling av kritikkverdige tilhøve.