§ 49. Folkehøgskolar

Følgjande dokumentasjon om folkehøgskolar skal takast vare på for ettertida: a) fylkeskommunen og folkehøgskolane sine retningsliner og prosedyrar, planar og evalueringar, verksemdsplanar og tilstandsrapportar b) kriterium for innhaldet i og organiseringa av opplæringa ved folkehøgskolen c) dokumentasjon som gjeld opplæringstilbodet og arbeidet med etablering av tilbod, liner, kurs og seminar d) dokumentasjon om innhald i og opplegg for lange og korte kurs e) dokumentasjon som gjeld andre faglege opplegg f) dokumentasjon om saker i regi av folkehøgskolen med stønad til prosjekt og arrangement som har noko å seie for utvikling av kunst- og kulturlivet i fylkeskommunen eller regionen g) dokumentasjon om folkehøgskolen si kunst- og kulturformidling, oversikter over kunst- og kulturarrangement i regi av folkehøgskolen heilt eller delvis og program og anna relevant informasjon om arrangementa h) saker som er handsama i skolen sitt øvste samarbeidsorgan.