§ 8. Personalforvaltning

Følgjande dokumentasjon om personalforvaltning skal takast vare på for ettertida: a) personalplanar og strategiske styringsdokument b) dokumentasjon som gjeld lokal personalpolitikk c) lokale avtaler mellom arbeidsgivarar og arbeidstakarorganisasjonar d) dokumentasjon som gjeld interne reglement og retningsliner e) kunngjering av stillingar, offentleg søkjarliste og utvida søkjarliste f) dokumentasjon som gjeld innstillings- og tilsetjingsmakta si sakshandsaming av tilsetjingssaker i eit organ g) dokumentasjon som gjeld sakshandsaminga i overordna organ når det er dissens mellom medlemmene i tilsetjingsmakta eller usemje mellom innstillingsmakta og tilsetjingsmakta h) interne reglement og retningsliner for personalforvaltning i) evaluering av personalforvaltninga j) dokumentasjon om lønnsforhandlingar som inneheld føringar frå overordna departement, tilrådingar frå arbeidsgivar, forhandlingar og drøftingar og skilsdommar k) dokumentasjon som gjeld lokale ordningar for arbeidstid.