§ 7. Verksemds- og økonomistyring

Følgjande dokumentasjon om verksemds- og økonomistyring skal takast vare på for ettertida: a) innspel til statsbudsjettet og dokumentasjon om endringar i løyving i statsbudsjettet b) dokumentasjon som gjeld det overordna departementet si styring av underliggjande organ, medrekna instruksar, styringsdialog, strategiske og årlege planar, tildelingsbrev, rapportar, etatsstyringsmøter og evaluering av verksemda c) interne instruksar og retningsliner d) strategiske planar og andre strategiske styringsdokument e) internbudsjett og dokumentasjon som gjeld årleg planlegging av verksemda, interne styringsbrev og andre årlege styringsdokument f) dokumentasjon som gjeld årleg planlegging for administrative einingar i eit organ og innspel til budsjettfordeling frå administrative einingar i organet g) dokumentasjon som gjeld årleg rapportering om verksemda, medrekna årsrapport med årsrekneskap, liste over saldo og interne årsrapportar h) dokumentasjon som gjeld internrevisjon, ekstern revisjon og evaluering av verksemd- og økonomistyring i) dokumentasjon som gjeld etablering og eigarstyring av selskap og stiftingar.