§ 2-4. Opptaksgrunnlag praktisk-pedagogisk utdanning (PPU)

(1) For opptak til PPU gjeld forskrift om rammeplan for praktisk-pedagogisk utdanning § 6 og § 7. (2) Nærare krav til fagleg grunnlag for opptak og faglege minstekrav for den enkelte utdanninga blir fastsett i studieplanen. (3) Universitetet i Bergen tilbyr PPU med fagdidaktisk fordjuping i eitt eller to fag. (4) For opptak til PPU gjeld følgjande: a) Søkjaren må ha fullført ein mastergrad. b) Søkjarar til PPU er unnatekne frå kravet om engelsk, jf. § 2-1. c) Opptaksgrunnlaget er minimum 60 studiepoeng i minst eitt fagområde som er relevant grunnlag for tilsetjing på trinn 5–13 i den norske skulen, og som Universitetet i Bergen tilbyr fagdidaktikk i. d) Opptaksgrunnlaget for skulefaget naturfag er minimum 90 studiepoeng i relevante emne. e) Emna som utgjer opptaksgrunnlaget, skal ha eit vekta gjennomsnitt på minimum karakteren C (2,5) eller betre.