§ 11-6. Teljande eksamensforsøk

(1) Med teljande eksamensforsøk meiner ein at studenten: a) har bestått eksamen b) trekk seg etter fristen, jf. § 11-7 c) ikkje møter til eksamen eller eksterne sertifikatkurs, utan dokumentert gyldig fråvær, jf. § 11-8 d) ikkje leverer heimeeksamen, oppgåve eller mappe, utan dokumentert gyldig fråvær, jf. § 11-8 e) får karakteren F / ikkje bestått f) får eksamen annullert på grunn av fusk eller forsøk på fusk. (2) Der utdanninga tilbyr gjennomføring av eksterne sertifikatkurs, som må vere bestått for å kunne utøve yrket, står høgskulen berre ansvarleg for kostnader og gjennomføring av eitt ordinært forsøk. Vidare forsøk må studenten syte for på eige initiativ. Dersom studenten ikkje møter på oppsett kurs eller ikkje består kurset, tel dette som eit ordinært forsøk.