§ 4-26. Individuell behandling ved fordeling av plassar til vidaregåande trinn 2 og vidaregåande trinn 3

Ved fordeling av plassar til vidaregåande trinn 2 og trinn 3 skal desse søkjarane behandlast individuelt: a) søkjarar som har dokumentasjon utan bokstav- eller talkarakterar, eller som ikkje har samanliknbart karaktergrunnlag b) søkjarar som blir tatt inn etter § 4-13 andre ledd bokstav a og b c) søkjarar som blir tatt inn etter § 4-13 sjette ledd. Ved inntak av søkjarar som fell inn under bokstav a fordi dei ikkje har bokstav- eller talkarakterar, skal fylkeskommunen rangere søkjarane på grunnlag av fråsegner frå skolane dei kjem frå.