§ 3-2. Opptak på grunnlag av realkompetanse

Søkarar som er 25 år eller eldre i opptaksåret og som ikkje har oppnådd generell studiekompetanse og ikkje er kvalifisert for opptak etter føresegnene i §§ 3-4 til 3-7, har rett til å få vurdert sin realkompetanse opp mot eit konkret studium. Dersom realkompetansevurderinga viser at søkaren har dei nødvendige faglege føresetnadene for det konkrete studiet, er søkaren kvalifisert for opptak til dette studiet. Med realkompetanse siktar ein til kunnskap, ferdigheiter og generell kompetanse søkar har tileigna seg uavhengig av læringsarena gjennom formell, ikkje-formell og uformell læring.