§ 6-5. Tilgang til undervising

(1) Undervisinga ved Universitetet i Bergen er i utgangspunktet offentleg. (2) Undervisingslokala og UiB sine digitale læringsplattformer skal vere universelt utforma, jf. likestillings- og diskrimineringsloven § 17 og § 18. (3) Høvet til å følge undervisinga i eit emne kan avgrensast heilt eller delvis til studentar som er tatt opp på eit studieprogram eller eit einskild emne, dersom det er naudsynt på grunn av undervisinga sin art, eller det er fastsett studieavgift for emnet. (4) Fakultetet kan setje tak på talet på studentar på eit emne dersom faglege, pedagogiske eller organisatoriske grunnar tilseier det. Slike avgrensingar skal gå fram i emneskildringa. Fakultetet vedtar utfyllande reglar om rangering av studentar. (5) Fakultetet kan vedta andre avgrensingar av tilgangen til undervising for studentar som: a) tidlegare har følgt undervisinga og er innanfor perioden skildra i § 6-6 (3), b) har bestått resultat i emnet eller c) allereie har fått rettleiing i emne som gjeld bachelor- eller masterprosjekt.