§ 16. Annullering av eksamen eller prøve

Styret kan annullere eksamen eller prøve dersom studenten a) Ved hjelp av falskt vitnemål eller annan form for uredeleg opptreden har skaffa seg adgang til å gå opp til vedkomande eksamen eller prøve eller å delta i vedkomande kurs, eller b) Har forsøkt å fuske eller forsettleg eller grovt uaktsamt har fuska ved avlegging av, eller forut for endeleg sensur av vedkomande eksamen eller prøve eller under gjennomføring av vedkomande kurs. Styret kan annullere fritak for eksamen eller prøve dersom studenten har oppnådd dette ved hjelp av falskt vitnemål eller annan form for uredeleg opptreden. Vedtak om annullering kan klagast til klagenemnda. Adgang til annullering vert ikkje forelda. Etter avgjerd om annullering, skal vitnemål leverast tilbake til høgskulen. Jf. § 4-7 i lov om universitet og høgskuler.