§ 13-1. Innlevering av avhandlinga

(1) Søknad om å få avhandlinga vurdert kan sendast etter at opplæringsdelen er godkjend. (2) Dette skal leggjast ved søknaden: a) Avhandlinga i godkjent format og i tråd med det Høgskulen har fastsett b) Dokumentasjon på at opplæringsdelen er fullført c) Dokumentasjon av nødvendige løyve, jf. § 5-2 (5) d) Medforfattarerklæringar der det er kravd i tråd med § 10-1 (4) e) Erklæring om at doktorgradsarbeidet er levert til vurdering for fyrste eller andre gong f) Erklæring om at doktorgradsarbeidet ikkje er levert til vurdering ved ein annan institusjon.