§ 9-67. Utsett fag- eller sveineprøve, praksisbrevprøve eller kompetanseprøve

Dei som har opplæring i bedrift, elevar og praksiskandidatar som har dokumentert fråvær ved fag- eller sveineprøva, praksisbrevprøva eller kompetanseprøva, har rett til utsett prøve. Utsett prøve skal haldast så snart som mogleg. Kandidatane må leggje fram dokumentasjon på at dei var hindra frå å møte til prøva, at hindringa ikkje kunne føreseiast, og at dei ikkje kan lastast for hindringa. Kandidatar som ikkje består utsett prøve, har rett til ei ny prøve etter § 9-66. Praksiskandidatar må sjølve melde seg opp til utsett fag- eller sveineprøve.