§ 2-3. Opptak på grunnlag av utanlandsk vidaregåande opplæring

Søkarar med 3-årig vidaregåande opplæring frå dei andre nordiske landa får generell studiekompetanse når den vidaregåande opplæringa gir eit generelt opptaksgrunnlag til universitet og høgskular i dei respektive landa. Søkarar som har utanlandsk vidaregåande opplæring frå land utanfor Norden, skal oppfylle utdanningskravet og språkkrava i vedlegg I (GSU-lista), for å oppnå generell studiekompetanse. Sjå også § 3-8. Ved særskilte høve kan anna utdanning godkjennast som likeverdig. Søkarar som har utanlandsk vidaregåande opplæring frå land utanfor Norden og som ikkje oppfyller krava i andre ledd, er kvalifisert når dei kan dokumentere å ha bestått fag i samsvar med § 2-2 andre ledd.