§ 5-10. Kvotar for søkarar med samisk språkkompetanse

Når særskilde omstende gjer det ønskeleg, kan departementet fastsette kvotar på einskilde studium for søkarar med samisk språkkompetanse for å sikre eit visst antal studentar som er funksjonelt samiskspråklege på studiet og i yrket studiet fører til. Kvotar for søkarar med samisk språkkompetanse skal fyllast sist. Følgande studium har kvotar for søkarar med samisk språkkompetanse: a) bachelorstudium i dokumentar- og TV-produksjon ved Universitetet i Innlandet b) veterinærstudium ved Noregs miljø- og biovitskapelege universitet c) studium i akvakultur, fiskerifag og fiskehelse, ergoterapi, ernæring, farmasi, vernepleie, odontologi og paramedisin, helsefaglege profesjonsstudium i sjukepleie, fysioterapi, tannpleie, bioingeniør og radiografi, profesjonsstudium i medisin og psykologi og integrert masterstudium i rettsvitskap og teknologiske fag ved Universitetet i Tromsø – Noregs arktiske universitet. For å kunne bli teken opp i kvoten for søkarar med samisk språkkompetanse, må eitt av følgande kriterium vere oppfylte: a) søkar må ha hatt samisk som førstespråk i grunnskule eller vidaregåande opplæring b) søkar må ha hatt samisk som andrespråk nivå 2 i grunnskule eller vidaregåande opplæring c) søkar må ha bestått 60 studiepoeng i samisk som morsmål frå universitet eller høgskule.