§ 4-9. Opplæring etter læreplanen i norsk for språklege minoritetar med kort butid i Noreg

Elevar kan velje å følgje læreplanen i norsk for språklege minoritetar med kort butid i Noreg dersom alle desse vilkåra er oppfylte: a) Elevane har særskild språkopplæring etter privatskolelova § 3-5. b) Elevane har ikkje hatt meir enn fire års opplæring frå og med femte trinn i norsk grunnskole før dei byrjar i vidaregåande opplæring. c) Skolen følgjer læreplanar i norsk i Læreplanverket for Kunnskapsløftet eller har godkjenning for å kunne tilby opplæring etter læreplanen i norsk for språklege minoritetar med kort butid i Noreg.