§ 4-2. Studierett

(1) Studentar som er tatt opp ved Universitetet i Bergen har studierett på det studieprogram eller dei emna som opptaket gjeld. Dette gir rett til: a) å melde seg til undervising og følge henne, få rettleiing mv., i samsvar med emneskildringa og studieplanen, b) å nytte andre ressursar, i samsvar med emneskildringa og studieplanen, c) tilgang til lokale, lesesalar mv., i samsvar med fakulteta sine reglement, d) eksamen i samsvar med kapittel 7 og e) individuell utdanningsplan, jf. § 4-6. (2) Kortvarige studierettar som ikkje er knytte til eit studieprogram gir studenten rett til å undervisings- og eksamensmelde seg til utvalde emne i eitt eller to semester.