§ 4-3. Forventingane og pliktene til studenten

(1) Studenten er forventa å: a) oppfylle krav til akademisk reielegheit og integritet, b) delta i undervisinga, c) aktivt medverke i sin eigen studiekvardag og den akademiske fellesskapen, d) setje seg inn universitetet sine reglar og retningslinjer, e) halde seg oppdatert på kunngjeringar på program- og emnesidene på UiB sine digitale læringsplattformer, og på epostar frå universitetet og f) aktivt medverke i student- og universitetsdemokratiet. (2) Studenten pliktar å: a) delta i eventuelt obligatorisk studiestartsmøte, b) semesterregistrere seg, c) betale eventuell studieavgift og d) kvart semester oppdatere og stadfeste utdanningsplanen. (3) Fristen for andre avsnitt bokstav b og d er høvesvis 1. september og 1. februar. (4) Brot på pliktene i andre avsnitt kan føre til tap av studieretten, sjå § 4-5. (5) Studenten må stille med berbar datamaskin til bruk i undervising og eksamen.